الجــعــافــرة ..

[الخاطر]

المشاركة الأصلية كتبت بواسطة خلف الغريب

تحياتي للجميع واهدي قصيدتي لإخواني من الجعافرة عموما ومدحهم مدح لعنزة كافة واعتذر منهم فلم أوفهم حقهم..

ليه زمن ودي بمدح الجعافرة=واليوم دقت حزة المدح صافرة
لو كان ماهم باحتياج لقصايدي=افعالهم شمس بالامجاد سافرة
جعافرة عز الرفيق وسعادته=ولزلة الاصحاب والجار غافره
جعافرة للضد علقم يجرعه=بالعز مؤمنة وبالذل كافرة
جعافرة وان صاح للكون صايح=يصيح وسط النزل : وين الجعافرة؟
ليا اختلط من شدة الهوش واحتدم=حس المعدد للحصان وحوافره
يبشر بعز ياصلنه عزومهم=بشيب وشبان للامجاد نافرة
يبرا لهم طير السعد في مسيرهم=وياويل من هي بالملاقى تعافره
تبيع في سوق المنايا وتشتري=ابطال لابطال الاضاديد خافرة
الطيب بين بيوتهم شاد منزله=والنعم حازوا كلمته من حذافره
رضاعهم من درة الديد مكرمة=وطيبة حديهم من نعومة اظافره
حازوا سنام المجد من ضمن قسمهم=وخذوا من الطيب المسمى مخافره
مضرب مثل بين القبايل بطبعهم=قروم على درب المعالي مسافرة
وعيال وايل بالمدايح نعمهم=اقسامهم من منهل الطيب وافرة
ان كان هم من بشر والا لمسلم=جهودهم لاجل الصعود امتضافرة
وكل القبايل وافية في لزومها=اللي على النوماس شفقة وظافرة
واليوم انا كلي فخار ومسرة=لاني ببساطة قلتها بالجعافرة

اخي وصديقي الاستاذ الشاعر القدير.
خلف الغريب.
الله عليك يابو خالد مبدع في جميع حالاتك.
الف مليون نعم بالجعافره يستاهلون يابو خالد.
والف مليون نعم بالفقرا ويكفي ان ابو خالد منهم.
والف تريلون مليون نعم بباقي القبيله كلها.
للابداع طريق لايعرفه الا ابو خالد وحده فهو من يعانق النجوم والغيوم.
صح لسانك مليارات ياصديقي ودمت بكل الخير.
اخوك محمد العنزي.

[خلف الغريب]

المشاركة الأصلية كتبت بواسطة الـويـ عـز ـلان

صــح لســآنكـ,,


شــآعرنـآ خلف الغريب ,,


ولآ هنت..

قصيدة جزلة ,, مآ تطلع إلآ من جزل ,,


بيض الله وجهكـ، ,, ويستآهلون الجعـآفرة ,,


تقبل مروري ,,

شكرا لهذا المرور الجميل وبيض الله وجهك ..

الف تحية لك ..

[خلف الغريب]

المشاركة الأصلية كتبت بواسطة سالم صالح

الرائع والمبدع صاحب المواقف المشرفة



الغالي على القلب




خلف الغريب




صح السانك ابداع ووفاء من اهل الوفاء والف نعم بربعنا الجعافرة وكذلك بربعك وربعنا الذي يشرفنا طيبهم الفقراء وهذا اكبر دليل على طيبهم لانهم يقدرون الطيب واهله ولايقدر الطيب الا من هو اهلاً له



كل التقدير والشكر لك يابو خالد ولقد وقفقت الالسن عن التعبير بما تكنه لك من احترام وتقدير ولقد سمعت هذه القصيدة منك اكثر من مرة فانت مبدع ولقد كسبت القلوب باخلاقك العالية




تقبل ودي واحترامي لك

الوافي سالم صالح ..

الف صح بدنك وتشرفت بمرورك النبيل وما عليك زود يا ابو دانة ..

تحياتي وودي..

[خلف الغريب]

المشاركة الأصلية كتبت بواسطة صقر الصقور

الرائع / خلف الغريب

ماعليك زود

صح الله لسانك .. وبيض الله وجهك .. جزله من رأس جزل

حضور طاغي كالعادة

ولاهنت بأنتظار جديدك الراقي كـ رُقيك

دمت بحفظ الرحمن

شكرا لكريم مرورك اخي صقر الصقور ..

صح بدنك وتقبل تحياتي ..

[خلف الغريب]

المشاركة الأصلية كتبت بواسطة عبدالعزيز السعود

بيض الله وجهك((( ياأبوخـــــالد ..)))

نص شعري فاخر وحضور لايوازيه أي حضور أخر


قصيده تشوش لها الرؤوس وكيف لا وقد كتبت في من يستحقونها بلا شك ..

شكرا لك سيدي الكريم على إتحافنا بهذه الشامخة كشموخ الجعافرة ..

وشكرا لك أيضاً على هذا الوفاء الذي لا يستغرب من أهله..

الكريم عبدالعزيز السعود..

شكرا لنبيل مرورك ايها الرائع ..

تستاهلون اكثر ..

تحياتي وودي..