حروف متناثرة ارهقهاا الزمان

[محمد بن موسى]

.
.


اذا اعترض لك واحد مضيع حكاه
اضحك معه واترك طريقه وخله

وان صرت في بيته وكرر لك اخطاه
قله فمـان الله واكرمكم الله

[محمد بن موسى]

آحيآن [ عوج آلسوآلف ] تجرح آلمسمع=لآ صآر سود آلوجيه تقول مآ تعني
قآدر على آلذَم بس آلذم مآ ينفع=آخلآقي وعزتي ترفض وتمنعني

[محمد بن موسى]

ثنتين ما أحب { أكتشفهن } برجّـال= تطيب نفسي منه لو هو ( ولد عـمّ )
( إقفايته ) في ساعـةٍ تبغـي إقبـال=و ( خلط الكلام ) العادي بكلمة السمّ

[محمد بن موسى]

لا تلومني ، لا قِلت فضفض وَ دنّقت
ماغير اسايس ، دمع عيني سياسھ !!

لنّي مَ أعرف أنام ، في تالي الوقت
لا زان نومي !! جاه طاري وَ حاسھ
؛
گذّبت گلمة حِزن ! مبطي وَ صدّقت
وَ ھ اللحين ‏اگذّب من يحسّ بوناسھ

لا زان جوّي يوم واحد - وَ روّقت !
جاني صباح اللي بَعَدھ ( إنتگاسھ ) !

مبطي .. أروح أدوّر الناس لا ضِقت
وَ يروح ( بعض ) الهمّ وَ يخفّ باسھ

وَ اليوم لـ العزله وَ لـ الوحده إشتقت
وَ أمر إعتزال الناس ( قيد الدراسھ )

[محمد بن موسى]

يامن تقول إن المحبه باعه=غلطان والأقدار تلعب فيها
ليت العذول يقارنه باوضاعه=ويلوم عين(ن)في يده معميها
اللي شراها ماحسدت أطماعه=هي رأس مال وتاج من يشريها
لوعشت ماعشناه ربع الساعه=ماكان لي بعض التهم ترميها
الله يسامح قلب ضمّ أوجاعه=ولاقدر على الملأ يفشيها
ياهيه ماني للغلط شمّاعه=وكل الدروب الغامضه مامشيها

[محمد بن موسى]

لاتحديني على أقصاي...واكشف ماخفا=ويفرحون أهل(الشماته) ولا ادري وش يصير!!
خلي المستور..مستور من باب الوفا=لا أنا..أملك ولاأنتي...نهايات المصير

[محمد بن موسى]

جــرّبــت نـاس(ن) لـلأســف باعوا(صـداقـتـهـم) بـلاش=يـعـنــي مــثــل ماقالوا(الـعـربـان) مـامـن فــود(فـــوش)
دايـم صداقتـهـم كــذا تمـشـي عـلـى درب(ن)هــلاش=أكرمكم الله مثل ماتمشـي ورى (بعـض الجحـوش)
وين الصديق اللي اليامن طحت في بلواك شاش؟=يـشـوش مــن شــأن الـخـوي(يـذود ويجـود ويـهـوش)
مــــاعــــاد (لـلـخـوّه)قـدر..ألاّعــلــى (قــدرالــمــعـــاش)=وماباقـي مــن (المعرفه)..ألاّمـثـل (رســم النـقـوش)
عـزالله إن اللـي (بنى)صداقـتـه مــن مـاش...مـاش=يبقى علـى ماهـو عليه(رميـه عـن العالـم يطـوش)