( قصــيـــدة شبــكــــة ويـــــلان ) ..دعــوة لكــافــة الشــعــراء

[نايف سعد الخمعلي]

والطاطويل البال ماهوبهالك=ليازاد بك صبرك ترى الزين فالك
ولاتدع دنياك هي راس مالك=والدايم الله كل من فوقها فان

[أبو غرام]

صح لسانك نايف

وبنتظار البقيه

[نايف سعد الخمعلي]

صح كلك ابوغرام

[أبو غرام]

الالف اببدا و اقطـف مـن المعانـي=الفيـة ٍ تـروي ضمـا كـل عـانـي
و انا الحكم تـروي ضمـاي بزمانـي=و العلـم غانـم و الجزالـه بويـلان
والبـا بـدايـة قافـنـا نـذكـر الله=مبري سقيم الجسـم مـن كـل علـة
اللـي فطـر فينـا الهدايـه جبـلـه=وشرع لنا الاسلام هو خيـر الاديـان
والتـا توكلنـا علـى خيـر بــاري=منشي مزوناً منهـن السيـل جـاري
الـواحـد الـلـي بالخفـيـات داري=سبحان رب الكون سبحـان سبحـان
والثاء ثبت في صرحنا الطيـب لازال=وهذي عوايدنـا علـى مـر الاجيـال
ومن يجحد المعروف ماهـو برجـال=من ..؟ يرسل المكتوب من غير عنوان
والجا جميل القول ينجب لـك اخـوان=من غير قومك تقترب نـاس واعـوان
قالوا قديـم العـرف بالقـول ميـزان=من عاقبه بالفعـل ضايـع وخسـران
والحـاء حبيـب الـكـل يامنتـدانـا=حنـا تجمعـنـا يـخـوف عـدانـا
وليـا بغانـا مــن بغـانـا لقـانـا=متجمعيـن وكلنـا مثـل الأخــوان
والخاء خيـوط الطيـب ياهـي قويـة=مـن بيننـا سلـم المحـبـة عتـيـة
لـو نبتعـد نبقـى قلـوبـن سـويـة=مافرق اهل الطيـب دورات الازمـان
والدال دوك العلـم لاصـرت واعـي=حـق الخـوي لابـد انـك تـراعـي
يبقى الخوي في نهجنـا مـا يباعـي=لأن الأخــوة ماتـقـدر بالاثـمـان
والذال ذل المال ماهـو علـى الكيـف=تخونـك الأيــام لازارك الضـيـف
ماينفعك لو تشهـر الرمـح والسيـف=المرجلـه صـارت تقـدر بالاثمـان
والراء رقي المجـد ماهـو ب(هيّـن)=لابـد تتعـب ليـن ذكـرك يبـيّـن
من لاصبـر للعسـر ماشـاف ليّـن=هذي هي الدنيـا مسـرات واحـزان
والـزاي زاد أهـل العقـول السليمـه=بالديـن هـو نعـم الثمـن والغنيمـه
ياراجـي مــد الكـريـم ونعيـمـه=نهـار ماينفـعـك ربــع وخــلان
والسين: ساد العلم في كـل الاقطـار=يحمي عماد الدين يحفـظ هـل الـدار
ومن لا تعلـم فاقـد الـدور محتـار=العلم دايـم سـراج نـوره بالأذهـان
و الشين شفت العـز خيـر الزهايـب=و الطيـب درب ٍ تنتويـه الركـايـب
و اللي ترك درب الزحازيـح خايـب=و الطيب ما يجزا جحـود ٍ و نكـران
والصا صفاة القلب حطه بتعبـار=احذر يكون الجاش اسود كما القار
واعلم ترى صاحبه جلاّب للعـار=لو تقربه تلفحك غبنـه وطغيـان
والضاء ضروف الوقت يا هي غريبة=الــي يشب النـــــار ماحدن دريبة
والي معه ميـــــــــلان كلـــن قريبة=كثرة فلوسك صارت اليوم ميزان
والطا طويـل البـال ماهو بهالـك=ليازاد بك صبرك ترى الزين فالك
ولاتدع دنياك هـي راس مالـك=والدايم الله كل مـن فوقهـا فـان

صحت ابدانكم

ومستمرين بحول الله وقوته

[نايف سعد الخمعلي]

اسمحولي اشوف ماحد جا

[نايف سعد الخمعلي]

والظاما روحي على خوة اللي =ماهرجته وش قال وش قلت قل لي
اللي لخاطر صاحبه مايعلي=إن مالفاك بزوود ماجا بنقصان

[أبو غرام]

صح لسانك مرة اخرى اخوي ناايف الخمعلي

والف شكر لك ولجميل تفاعلك هنا

في ظل نوم وسبات وغياب البقيه بمن فيهم اصحاب الفكره

خلف وسعد النفج

فائق الود والتقدير ... والغايب عذره معه