اقتباس:
المشاركة الأصلية كتبت بواسطة رابح الغضيان
اليكم هذه القصيده وأتمنى ان تنال اعجابكم .......وترضي ذائقتكم
عديل الروح
هلا ياقبلة الدنيا هلابك واسكن الاهداب=تمختر وسط بستانك حلالك مابها خشره
تفضل صك بستانك غلا في منهج الاحباب=دخيلك ياعديل الروح ترى وسط الحشى جمره
سئمت البعد ياعمري ترى جرح الزمن الهاب=ولو ادفع ثمن عمري غلاكم مالحق قدره
انا لازارني طيفك خيال افتح له الابواب=اجل وشلون لو جيتي حقيقه يختلف امره
ابي احكيلك معرفاتي دروس من الحياه اكتاب=حقايق يعرفه غيري مع العالم لها شهره
اعرف أن الشجاعه قلب واكبر دليل عقاب=وعرف أن الكرم حاتم كريم الجودفي عصره
وعرف الهيل من شمر وزين البال والترحاب=وعرف النخوه اعتيبه إذا جا فالخوي كسره
وعرف أن الحميا عز رشيدي كان عض الناب=وعرف أن الخليجي غير قبايل طيب في ذكره
وعرف أن الصداقه تااج ويحمل في كفوف اصحاب=وعرف أن الخيانه عيب ولا تعمر بها عشره
وعرف أن الصحيح إيضيع أذا سولف لك الكذاب=وعرف أن المثل بيقول شجاعه تغلبه كثره
وعرف أن الخطا تمشي طريق بلاهدف واسباب=وعرف أن التجارب درس شهادة وسمها خبره
وعرف الحب من نظره وعرف ان الهواء غلاب=وعرف ان العيون تصيد وانا صادتني النظره
وعرف أنك ملكتيني بعين وصوتك الجذاب=وعرف أني اسير الحب سجين وطالبي اسره
وعرف إنك غريبة وصف ووصفك للحلا ينساب=وعرف إنك على قتلي جزوم وتدفعك جسره
ترى هذي معرفاتي دروس من الحياه اكتاب=وحبك وعشقك واهواك ولاني ناكر العشره
اخوكم رابح الغضيان |
شاعرنا المتألق والمحبوب
الشاعر الرائع
رابح الغضيان
شاعر ننتظر قصايده ويستاهل الانتظار عن حق
قصيده جميله ورائعه مميزه بتميزك
صح لسانك على هالعذبه والجزله وكلمات المدح ماتوفيها حقها
قصيده غمرتني بالمشاعر والاحاسيس الجميله والصادقه
كلمات اتغنى فيها وانشدها واسردها ولا امل منها
قصيده عديل الروح ردت لي روحي
لاهنت واتمنى لك كل التوفيق والتميز
دمت بالف خير وعافيه
تحياتي واعجابي
07/03/09, (02:22 AM)
رد: عديــــل الـــروح،،،
العرض العادي
