عــزة انفوسنا _ورابح الغضيان - °~*¤®§(§ شبـــكة ويــلان العـربـيـه §)§®¤*~ˆ°

**الرااايق** · 26/12/11, (06:32 PM)

مماراق لي احبابي,,,,

الكرم والتواصل والوفا يبنا=بين ربعٍ تعد الطيب عنوانه
والمراجل بواخر من تجاربنا=والمواقف تبين مين ربانه
لو زمان الطمع قلل حبايبنا=والعلوم الثمينه خف ميزانه
مانغير مع الموجه مذاهبنا=لوتغير مسار الكون بالوانه
ورثنا من الجدود ونهج شايبنا=ياعسى جنة الفردوس مسكانه
نازلين الرفيعه من مضاربنا=ومحتمينٍ ثمر خوخه ورمانه
عزة انفوسنا ذروة مطالبنا=وراس مال الرجل صبره وايمانه
لو رياح الالم هدت مناكبنا=ماشكينا لزيد الناس واخوانه
نبتسم لو زمان الظيم غالبنا=ولانبيّن لو ان الروح تعبانه
ولا عقدنا بوجه الضيف حاجبنا=قبل مدت ايدينا يرتفع شانه
مانعدد ربحنا وش؟ مكاسبنا=ولاحسبنا لها شلقا ومليانه
نكسب اللي على الطولات كاسبنا=نسرج اخيولنا ضمرا وضميانه
نرخص ارواحنا من دون واجبنا=وعمرنا عند رب الكون سبحانه
وجهنا حافظن هيبة شواربنا=يوم هم الردي غنوه وروتانه
والكذوب المنافق مايناسبنا=هرجته واجده والكذب بأعيانه
مانبي له معرفه لايناشبنا=دون خيره يكافينا من السانه
وصاحب المصلحه ساعه يصاحبنا=وان قضا حاجته ماعادلك خانه
لو بغينا نجنب ما يجنبنا=يستغلك (بتكفى) ثار بركانه
وانت ياللي بلا سبه محاربنا=منت حرمه نقول البنت غيرانه
يازمان العجايب شف عجايبنا=بنت غنوة لها موكب وبطرانه
والمغني كسب رغبت معزبنا=صار له شان عندالشيخ واعوانه

للرائع/ الغضيان رابح

**صالح الأسود الجعفري** · 27/12/11, (12:23 AM)

الرااايق

صح السانك ولسان الشاعر رابح الغضيان
سلمت يداك ع النقل الرائع
دمت بخير

**سعود المسعودي** · 27/12/11, (12:31 AM)

صح لسانك وصح لسان شاعرنا الكبير رابح الغضيان

وبيض الله وجهك على النقل الجزل ياجزل

**بنت الكحيلا** · 27/12/11, (01:35 AM)

صح لسان شاعرنا رابح غضيان

قصيدة رائعه من شاعر متمكن

تسلم اخوي الرايق على حسن الإنتقاء

لك شكري وتقديري

**غموض الشمال** · 27/12/11, (06:10 PM)

صح الله لسان الشاعر القدير رابح الغضيان
والف شكر لك اخوي الرايق على نقلها
تقديري لك

**الرااايق** · 29/12/11, (07:00 PM)

اقتباس:
المشاركة الأصلية كتبت بواسطة صالح الأسود الجعفري
الرااايق

صح السانك ولسان الشاعر رابح الغضيان
سلمت يداك ع النقل الرائع
دمت بخير

هلا اخوي صالح

اسعدني مرورك استاذي الفاضل

دمت ودام حضورك

محبتي

**الرااايق** · 29/12/11, (07:01 PM)

اقتباس:
المشاركة الأصلية كتبت بواسطة سعود المسعودي
صح لسانك وصح لسان شاعرنا الكبير رابح الغضيان

وبيض الله وجهك على النقل الجزل ياجزل

هلا مراقبنا سعود المسعودي

اسعدني مرورك استاذي الفاضل

دمت ودام حضورك

محبتي