قصيده قديمه لي البستها ثوب" جديد واردت ان تعانق قلوبكم لاول مره في منتدى الويلان عسى ان تنال اعجابكم ..
يافاتنة لاصار كــل" بغـيّـه = أنا المطر وأنتي برجـوى هطولـه
ماودي أرجع للهوى ياغـبيه = دام الخواطر كسرها بالسهوله
جيت أسألك باللة منهـو الضحيه؟ = من هو اللي بالخفا طبلوله
جيت اسالك بالله ردي عليه = الشعر معنى والمواقف بطوله
ماجيت أردّدها خطية .. خطيه = حـرا" رقـى لاتحلميـن بنزولـه
ولاجيت أدوّر فيكِ حل القضيـه = في خاطري شي" وجيتك أقولـه
مابغى غلا فية المواجع خفيه= ولابغى هلا والوصل صعبً حصوله
فلي شراعـك فـي بحور الرديـه = وغوصي مع اللي مايعرف الرجوله
هذاك يصلح لك علـى كـل نيـه = تافه على كيفك تعدل ميولـه
ماهمه الا حاجته والمطيه = ينهان عادي .... بس حلمه يطوله
لكـن أنـا يابنـت مانيـب زيـّـه = أموت واقف والمنايا عجوله
الفرق واضح مثل شمس ضحويه = معنى يعرفونة عيال الحموله
أنا عـزاية بالـقـلـوب الـوفـيّـه = اللي لها بالطيب صوله وجوله
حبـي وشوقي والغـلا عنجهـيّـه = من نزف قلبي لين غيمة مثوله
طبع أبـدوي" مايخون أبخويه= لامات تبقـى بالمراجـل فعولـه
بس الغلا لاعانق الذل فيه = ادوس حبي وادفن السر حوله
ياانسه ....... ياهيــه .... كل" بغيه = انا المطر وانتي برجوى هطوله