بعد اذنك اختي الجادل اود ان ادلف الى الموضوع بطريقتي الخاصة
( ولو ان الوقت شبه انتهى لكن شغلي منعني من الحضور مبكرا ) بعد ان اتقدم لشخصك الكريم بالشكر الجزيل
على الفكرة الرائعة والجهد الواضح في ادارة هذا اللقاء الجميل مع الشاعر الجميل رابح الغضيان
الغالي على قلبي و قلوب متابعيه جميعا
ويعلم الله انني اكن له الاحترام والتقدير والمشاعر الاخوية التي تليق به فهو ملك اخلاق وانسان شفاف لا ينطوي قلبه على اضغان
ولا يحمل الا الكرم الوافر والتسامح والقلب الطيب وانا اتكلم عن معرفة ..
التقيته هنا لقاء خاصا فإليكم ما دار بيننا :
كيف تنظر الى شاعريتك ؟
ابتحـدا فـيـه نــاس مغـاريـر=شعري وعرفـه قـد كـل التحـدي
وبعتلـي بـه للنجـوم المشاهـيـر=واقـول للحسـاد منـتـم بـقـدي
وابشتهربه شهـرة كليـب والزيـر=انتـاج تفكيـري وترتيـب يــدي
وأدراه عن زله وعن هرجة الغيـر=واحفظ مقامه مثل حفظـي الخـدي
حدثنا عن حياتك وكيف قضيتها ؟
قضيت عمري بين تفكير واحـلام=وإن لاح برق(ن)قلت هذا نصيبـي
قضيتها سنـه سنـه عـدة اعـوام=بالهم والهاجوس محـدن دريبـي
ولا قلب مرتاح(ن) ولا عين بتنـام=ولا من صديق(ن)لا نخيته يجيبـي
معقد(ن)وضعي مثل هنق كوهـام=أسماء صينيـه ونطقـه صعيبـي
تشبه لوضعي في حروفه والارقام=ولا من مترجم بالعـرب يعتنيبـي
مبدؤك في الحياة ؟
ونفسي عزيزه تكره الـذل ماتـلام=ولا مد يدي لو فضـاء مابجيبـي
عندك خبر وش قال للزير همـام=قال الكرامه فوق عشرة صحيبـي
هل تجيد الرسم ؟
رسمتك صـورة بعقلـي اطالعهـا اتسلينـي=وكتبت اسمه < غلا رابح> اداعبها بنظراتي
وحفظة ألصوره بقلبي وخيالك بـه ينادينـي=اسامر صورتك وحدي يا أجمل كل لحظاتـي
ما اقصى مراحل الوجد في نظرك ؟
وجدي عليها وجد رملى ضعيفه=ماله قرايب وهجروها اقصراها
تلوّعه بقعاء بحال ٍ كسيفه=والحظ الاقشر ساعده في شقاها
والبيت طين ولا يذري سقيفه=وبعض الليالي ما تحصل عشاها
ولا تبين الحاجة بطبعه عفيفه=صبور لكن صبرها ما قواها
ماله بهالدينا سوى أمٍ كفيفه=ولها ولد صغير وآخر ضناها
جيعان لكن ما تحصل رغيفه=تموت لا من صاح وإلا دعاها
لا شافته يبكي تزايد رجيفه=وقامت تهل ادموعها من عناها
من خوفها عليه حاله نحيفه=آخر أملها بالحياة وعزاها
ترجيه يكبر له ويشغل وظيفه=وتطلب ولي الكون يقبل رجاها
ما نصيب الويلان من شعرك ؟
ويلان ربعي وفتخر حيل وعتز=في ربعي الويلان فخر ومعزه
الصين تفخر بسورها كيف منج=زوحنا بوايل نفتخر كل حزه
يومٍ انها بالسيف والطعن والكز=عدو عينك نطعنه ثم كزه
وخوينا والضيف والجار في عز=وصديق جار الجار نال المعزه
سيرة بني وايل تهز الوطى هز=من حدود صنعاء لين اريحا وغزه
وش قصتك مع لقطة غليس وطير ابن برمان ؟
من خلقتي وانا اسمع بلقطة غليس=ودارالزمان وجابها فوق راسي
ياطير ابن برمان وش جبت بالكيس=وش جبت لي ياطير وسط الكياسي
مايشفي المرضان قولتك لا بيس=ولاينخدع راع الذهب بالنحاسي
والنار ماتشعل بليا مقابيس=والبيت ما يعمر بدون الاساسي
رمت بي ايامي بهيسٍ ولد هيس=الصحبه اللي من سببها انتكاسي
كنت احسبه من كاسبين النواميس=اللي على الطولات والعز راسي
غرتني الكشخه وزين الملابيس=وخدعني الديكورخلف اللباسي
لو الرجاله بالمتر والمقاييس=عزالله كتوفه تهز المقاسي
بالكذب والهذره بنا عرش بلقيس=وإلاالحقايق غير صفة كراسي
يذبح ويصلخ في زمان المتاعيس=بفلوسه اصبح شيخ نسل الهلاسي
وش رايك بهالزمن يا ابو هيثم ؟
تبدلت يا سيدي حـال فـي حـال=حـالٍ علـى الله حلهـا ومنتهاهـا
زمان معك ريال تسوى بـه ريـال=وتصيرفارس قـوم فيـك انتباهـا
زمان فيـه العولمـه فعلهـا طـال=ومن لادخل فيها سرح في حماهـا
تحياتي للجميع واتمنى ان تعذروني على التقصير
26/12/08, (11:38 AM)
رد: عضو في عيون الأعضاء ... الضيف الثاني
العرض العادي
