ضيدان ابن قضعان/ ياوجودي

[سعد النفج]

ياوجودي كل ماهب نسناس الشمال = وجد من حدّه زمانه على اللي ما يبيه
وياوجودي كل مااغفيت ثم مال الظلال = لاغفت عيني ولاذقت شيٍ مشتهيه
وجد من قفّى وهو في رجا كلمة تعال = والتفت من عقب مااقفى ولحدن لدّ فيه
وياعذابي لادنا الليل من روس الجبال = وانتهى يومٍ من العمر ماعاد ارتجيه
وانتي ابعد من سما الحلم ووصالك محال = يابعد من هلّ دمعي ضحى الفرقا عليه
ياغناتي لاتحسبين دمعي يوم سال = ضعف والاّ خوف والاّ كذا والاّ كذيه
والله اني من رجالٍ يضدون الرجال = لكن الحظ الردي ساق دمعي كلبيه
ووالله اني كل مادار حوليك الجدال = قمت كن الموت يشر على قبري يإيديه
ووالله ان قد لي وانا اصد لاجالك مجال = صدّت اللي لاتضايق تذّكر قبر اخيه
ومن سألني قلت مدري واذا عاد السؤال = قلتله تكفى سؤالك ترى ماهو وجيه
وش تبيني اقول عماََ ترى ذبحي حلال = والخطا منها علي صرت احبه واهويه
عذرها لو ماتعذر مثل واضرب مثال = واحدن مايعرف الحر الأشقر يشتويه
وان رجعنا للتواصيف لله الكمال =لا انتهى ليل المزايين جاتك تبتديه
كنها غفلٍ مع البدو طاويها الحيال = ما يميز وصفها الاّ نبيهٍ من نبيه
واهني اللي وصلها وذاق امن الزلال = رشفةٍ مع غفلة الناس من فيها لفيه
واعزتي للي سواتي عشق ما لا يطال = ويوم طاله ضيع الحلم بين أمه و ابيه
يااول احلام الطفوله على حد الخيال = الرجا بللي حمى البيت من حملة بريه
حال دونك سيف عنتر وتاسع حول حال = باثر حولٍ حال دونك وانا ادعي هيه هيه
هيه يللي غرك الحسن واطغاك الجمال = والله ان اموت ماشفت لاوصافك شبيه
لو يسام الحسن والتيه بجنيه وريال = مابقى في سوق غيرك لا ريال ولاجنيه
كيف اهدك للمقابيل وانتي راس مال = راس مال ومال والماال مايعطى السفيه
حافظك حفظي لعيني ورمشي لك جلال = وانتي تشحّين بالما وانا شفّي مويه
شايفن ظلمك وساكت وطال الليل طال = لاتركتي طعن قلبي وانا ماقلت ليه ؟
لو بقا للهيل صبرن على فوح الدلال = مابقى للقلب صبرن على شيٍ يجيه
كنت احسب ان الغلا زال واثره لايزال = في الحشا ماكنه الا دخيلٍ في وجيه
ساقني حبك على الموت وسنيني هزال = والظروف اقسى من الظلم للعرض النزيه
وانتي تسوقين عقلي على حد الهبال = تحسبين ان من بغى شي يقدر يشتريه
والاّ انا ياوجد حالي وجودن مايقال = وجد من ضحى بغاليه لرضا والديه
وياوجودي يااول العمر قبل ألبس عقال = وجد من باع آآخر العمر في رغبة ذويه
وياوجودي كل ماهب صوتش من شمال = وجد من حدّه زمانه على اللي مايبيه

الشاعر / ضيدان منصور ابن قضعان الهاجري

[سعود المسعودي]

المشاركة الأصلية كتبت بواسطة سعد النفج

ياوجودي كل ماهب نسناس الشمال = وجد من حدّه زمانه على اللي ما يبيه
وياوجودي كل مااغفيت ثم مال الظلال = لاغفت عيني ولاذقت شيٍ مشتهيه
وجد من قفّى وهو في رجا كلمة تعال = والتفت من عقب مااقفى ولحدن لدّ فيه
وياعذابي لادنا الليل من روس الجبال = وانتهى يومٍ من العمر ماعاد ارتجيه
وانتي ابعد من سما الحلم ووصالك محال = يابعد من هلّ دمعي ضحى الفرقا عليه
ياغناتي لاتحسبين دمعي يوم سال = ضعف والاّ خوف والاّ كذا والاّ كذيه
والله اني من رجالٍ يضدون الرجال = لكن الحظ الردي ساق دمعي كلبيه
ووالله اني كل مادار حوليك الجدال = قمت كن الموت يشر على قبري يإيديه
ووالله ان قد لي وانا اصد لاجالك مجال = صدّت اللي لاتضايق تذّكر قبر اخيه
ومن سألني قلت مدري واذا عاد السؤال = قلتله تكفى سؤالك ترى ماهو وجيه
وش تبيني اقول عماََ ترى ذبحي حلال = والخطا منها علي صرت احبه واهويه
عذرها لو ماتعذر مثل واضرب مثال = واحدن مايعرف الحر الأشقر يشتويه
وان رجعنا للتواصيف لله الكمال =لا انتهى ليل المزايين جاتك تبتديه
كنها غفلٍ مع البدو طاويها الحيال = ما يميز وصفها الاّ نبيهٍ من نبيه
واهني اللي وصلها وذاق امن الزلال = رشفةٍ مع غفلة الناس من فيها لفيه
واعزتي للي سواتي عشق ما لا يطال = ويوم طاله ضيع الحلم بين أمه و ابيه
يااول احلام الطفوله على حد الخيال = الرجا بللي حمى البيت من حملة بريه
حال دونك سيف عنتر وتاسع حول حال = باثر حولٍ حال دونك وانا ادعي هيه هيه
هيه يللي غرك الحسن واطغاك الجمال = والله ان اموت ماشفت لاوصافك شبيه
لو يسام الحسن والتيه بجنيه وريال = مابقى في سوق غيرك لا ريال ولاجنيه
كيف اهدك للمقابيل وانتي راس مال = راس مال ومال والماال مايعطى السفيه
حافظك حفظي لعيني ورمشي لك جلال = وانتي تشحّين بالما وانا شفّي مويه
شايفن ظلمك وساكت وطال الليل طال = لاتركتي طعن قلبي وانا ماقلت ليه ؟
لو بقا للهيل صبرن على فوح الدلال = مابقى للقلب صبرن على شيٍ يجيه
كنت احسب ان الغلا زال واثره لايزال = في الحشا ماكنه الا دخيلٍ في وجيه
ساقني حبك على الموت وسنيني هزال = والظروف اقسى من الظلم للعرض النزيه
وانتي تسوقين عقلي على حد الهبال = تحسبين ان من بغى شي يقدر يشتريه
والاّ انا ياوجد حالي وجودن مايقال = وجد من ضحى بغاليه لرضا والديه
وياوجودي يااول العمر قبل ألبس عقال = وجد من باع آآخر العمر في رغبة ذويه
وياوجودي كل ماهب صوتش من شمال = وجد من حدّه زمانه على اللي مايبيه

الشاعر / ضيدان منصور ابن قضعان االعجمي

سعد النفج

احسنت اختيار


اختيار موفق واكثر من رائع


تقبل مروري


دمت بود

[ماجد الغانم]

الغالي
سعد النفج

اختيااار موفق

قصيدة رااائعه بالفعل ............

صح لسان الشاعر ضيدان بن قضعان

ولاهنت على هذا الأختياااااااااااار

تقبل تحيااااااااااااتي

[رابح الغضيان]

الشاعر/سعدالنفج

شاعر ذوووووووق ولاياتي إلابذووووق

اختيار رائع للشاعر رائع

تحياتي لك

[الصقار]

الشاعر
سعد النفج

الف شكر على الاختيار الرائع ...للشاعر المبدع ضيدان

تحياتي

[محمد الدلماني]

ياوجودي كل ماهب نسنـاس الشمـال

................................وجد من حدّه زمانه على اللي ما يبيـه

وياوجودي كل مااغفيت ثم مال الظـلال

................................لاغفت عيني ولاذقـت شـيٍ مشتهيـه




مشرفنا الكريم سعد النفج اختيار موفق لشاعر جزل



صح لسان شاعرها وتسلم يمين ناقلها

[خلف الغريب]

سلمت يمناك يا سعد على هالاختيار الرائع لهذا الشاعر العلم ...
وجد من قفّى وهو في رجا كلمـة تعـال..............والتفت من عقب مااقفى ولحدن لدّ فيـه

هذا البيت لم يسبق عليه ضيدان وهو يدل على عبقريته ..


فعلا قصيدة جزلة بمعنى الكلمة...