رثاء الشاعر محمد البويليد العواجي في المرحوم عبد الحميد مفلح - °~*¤®§(§ شبـــكة ويــلان العـربـيـه §)§®¤*~ˆ°

**سفير حائل** · 26/11/11, (08:29 PM)

رثاء الشاعر محمد البويليد العواجي في المرحوم له بأذن الله عبدالحميد مفلح العواجي نسأل الله العلي القدير أن يرحمه ويسكنه الجنه

يوم الربوع الجو ضـــيقه ومئســــاه
وحايل كساها يابشر ثوب الاحــــزان
مرحوم يامن عجزت الناس تنســــاه
بكوه كل الخــلق شـــبن وشـيبــــــان
أدعوا عسى الجنه مكـانه ومــــــأواه
ويالله عساله مع هـل الخير مسكــان
عبد الحميد اللي على العز مربــــــاه
عشرة عمر وياه وأكثر من أخـــوان
فيه الوفاء والطيب والعــز والجــــــاه
وكل الصفات الطيبه فيه عــنــــــوان
عيال وايل كلها الــــــيوم تنعـــــــــاه
وضاقت بنا الدنيا على كبر الأوطــان
كل البشر بالحزن والشعر تــرثــــــاه
وسالت دموع العين من دون حسبان
ويارب ساعدنا ونصـبر بفرقــــــــــاه
ألهم هله يارب صبراً وسلـــــــــــوان
وعزاه ياقلبي من الحزن عـــــــــزاه
حزين لو ماشفت دمعـي بالأعيـــــان
لاجيت بيته! شــــدني الحـــزن والآه
وتفتـحت للحزن صـــــوره وبيبــــان
أذكر سوالفنا على الطـــــيب ويــــاه
واليوم ندعيله برحـــــمه وغفـــران
والله ولو طال الزمن ماقدر أنســـــاه
إلا !! لاجى يومي وحطيت بأكفـــان

**سراب نجد** · 27/11/11, (12:30 PM)

صح السانك ياسفير حايل والسان محمد

ونسئل الله العظيم رب العرش العظيم أن يغفر لعبدالحميد مفلح

ويسكنه فسيح جناته ويجعله من المقبولين عنده أمين

ويلهم أهله الصبر والسلوان ويعوضهم عنه خير ويعوضه عنهم الجنه

شكراً أخي سفير حايل على هذا النقل الطيب

وهذه الدنياء وأنا أخوك لازم تذوق الأنسان مرارتها ولا دامت لأحد قبل

لك تحياتي

**سليمان مفضي العنزي** · 27/11/11, (01:36 PM)

صح لسان الشاعر محمد البويليد

ورحم الله عبدالحميد مفلح رحمه واسعه

انا لله وانا اليه راجعون

**حمد الضوّي** · 27/11/11, (01:58 PM)

انا لله وانا اليه راجعون

رحم الله الفقيد رحمة واسعه وأسكنه فسيح جناته

سفير حائل

الف شكر على النقل المميز
وصح لسان الشاعر محمد البويليد

تحايا

**غموض الشمال** · 27/11/11, (02:24 PM)

صح لسان شاعرها
ورحم الله الفقيد بواسع رحمته
وتسلم اخوي سفير حايل على النقل
تقديري لك

**سفير حائل** · 27/11/11, (02:40 PM)

اقتباس:
المشاركة الأصلية كتبت بواسطة سراب نجد

صح السانك ياسفير حايل والسان محمد

ونسئل الله العظيم رب العرش العظيم أن يغفر لعبدالحميد مفلح

ويسكنه فسيح جناته ويجعله من المقبولين عنده أمين

ويلهم أهله الصبر والسلوان ويعوضهم عنه خير ويعوضه عنهم الجنه

شكراً أخي سفير حايل على هذا النقل الطيب

وهذه الدنياء وأنا أخوك لازم تذوق الأنسان مرارتها ولا دامت لأحد قبل

لك تحياتي

كل الشكر لك على مرورك

**سفير حائل** · 27/11/11, (02:41 PM)

اقتباس:
المشاركة الأصلية كتبت بواسطة سليمان مفضي العنزي
صح لسان الشاعر محمد البويليد

ورحم الله عبدالحميد مفلح رحمه واسعه

انا لله وانا اليه راجعون

كل الشكر لك على مرورك