(مجنونةالشعر)

[الرااايق]

المشاركة الأصلية كتبت بواسطة رابح الغضيان

(مجنونة الشعر)

قصيدتي من بحور التيه جتني تتيه=وفتحت صـدري لهـا والقلـب حيّابهـا
وثقتها صلب تفكيـري بعلـمٍ وجيـه=حتى لا مرت لبيب القـوم غنـا بهـا
وحملتها الورد و والشعـر الرفيع النزيـه=وعففـت هندامها وطـرّزت جلبابـهـا
مجنونـة الشعر يالمجنـون منّه و فيـه=وارسلتها لكفو تحضا به ويحضابهـا
يم الفقيري خلف يشـوش ساعـة تجيـه=من روس قومٍ تهـاب القـوم مضرابهـا
امد كفي وفا وانت اللبيب الفقيه =وربعك على الطيب دايم تشعب ركابها
والا الردي عمر نفسي يا خلف ما تبيه=اعز نفسي عن الهزلة و طلابهـا
ومالد للخلف والقاصر حشـا مااحتريـه=كذا تربيت من صغـري وانـا اولا بهـا
وسود النوايا عرفنا وش تخطـط عليـه=وحقـك عليـه اذا اهتميـت بأسبابـهـا
ومن يزرع الطيب بالجاحد خطا يرتجيه=ابعد عن الجاحديـن و طقة ابوابهـا
وكلٍ علـى قـد مقـدوره تـقـدم إيديـه=والجوهرة ما خسـر بالسـوق جلابهـا
ورسالة بدون ظرف يبان وش تحتويه=اللي دراها قراها قبل يبلا بها
السالفة واضحة ما عاد تبغى نبيه=وان كان ترضابها اقنعنا ونرضابهـا
رضاك يا الوايلي حنا ترا نشتريه =والا تركنا ديار الناس لاصحابهـا
ماجيت اقبل كفـوف ولا اتوسـل اوجيـه=والناقصه والردىمن حظ من جابها
وترا معمر ولو قالوا خبل او سفيه=بعض المسفه ينال الساقط اعجابها

رابح الغضيان

الله الله الله عليك

كم انت مبدع كم انت رائع

الشاعر/الغير/رابح الغضيان

هنااا .. هنااا يتجلى النجوم

هنااا يكتب الشعر

بحق (مجنونةالشعر)

صح لسانك ولاتافي بحقك شاعرنا الرائع

ادام الله توهج نجمك اللامع

تقبل مروري المتواضع امام شموخ حرفك الراقي

ودي واحترامي لك

[سعد النفج]

رابح الغضيان

ما هو غريب الابداع عليك ..

شاعر رااااائع ..

نص له مناسبه اثارت حفيظت ابو هيثم ..

الله عليك ..

دمت بخير يالغالي ..

[علي السابل]

مجنونة الشعر لم تكن الا نضح لجنون الشعر في خيال مجنونه ..

ومع غموض مدلول هذا القصف الشعري الا ان الأهداف على ما يبدو تتحرك في أفق الشاعر

والشاعر الذي يستطيع ان يحمل الشعر بعض ما بنفسه هو شاعر بالفطره ...

في هذا النص حضر الإبداع كعادته مع شاعرية القدير ابو هيثم

وقرأنا نصا يزخر بجمال الشعر وسلاسة الطرح ووحدة الموضوع ورقي تناوله

ابو هيثم ..............

يستاهل الأستاذ خلف أن تسند له كل هذا الحمل وهو الأجدر بلا شك..

وتستاهل هالأبيات أن تحمل توقيع العذب رابح ..

تقبل شكري وتقديري

[نشمي الماضي]

صح الله لسانك

ياشاعرنا الكبير رابح

وداائما" جزل ومبدع بختيار المفردات


دام هذا الأبداع

وفي انتظاار جديدكـ بااذن الله

[هبوب العنزي]

السالفة واضحة ما عـاد تبغـى نبيـه
وان كان ترضابها اقنعنـا ونرضابهـا


كفوووووووووو يارابح قول وفعل ,,,,

[اميرة الحرف]

ماجيت اقبل كفوف ولا اتوسل اوجيـه
.............والناقصه والردىمن حظ مـن جابهـا




كفو والله

الرااائع والمبدع / الغضيان رابح

باقات من الورود تخجل امام جمال حرفك اقدمها لك عرفان على هذا المساء الممتع الذي قضيته بصحبة كلماتك

شاعر راقي وكلمات راااقيه

دمت بخير وصح حرفك

[بنت الكحيلا]

الله الله صح السانك على هالدرة الثمينه اخوي رابح الغضيان

والله يعطيك العافية على هالأبداع الجمييل

لك تحياتي وتقديري