شاعر مديون .. تم سجنه .. بسبب الدين .. وتفاجأ بما حصل له بالسجن .. !!!
إقرأوا القصيدة .. أعجبتني كثيراً وأحببت أن أنقلها لكم لأنها وصلتني بالصوت والصورة ... وأردت نقلها لكم هنا كتابة .. !!
وُقفت بالغرفة على سبة الدين = وكم واحد طلابته ساجنينه
قد وقفت به ناس للطيب ضارين= تحملت قبلي مبالغ ثمينة
أحد عليه مئات وأحد ملايين= ومن طاب حظه .. خلـّـص الله دينه
أما العفون أموالها للشياطين= إليا بغى يعطي العطى ماسكينه
ملابسه شينة وراعي الردى شين=والعفن مهما كان طياح شينه
ولا له وجاه مع الرجال الصخيين= كل أهل العزاة .. متجنبينه
ومن شاف زولة قال ما تشوفك العين= يا علّ مالك وسط الأجواد عينه
ومادامي اقوى اصبر على العسر واللين= قومي بحزنك يا النفوس الحزينة
وإليا انتهى صبري وحزّنت تحزين=الرب .. رزق الآدمي في يدينه
لكن لي شرهة على (ناس شرهين )=مافات غير الطيب بيني وبينه
حيين لكن مير ماتقل حيين= صدّوا .. وسجني كلهم خابرينه
وأهل الوفاء جوني من البعد عانين=ومن زارني حبيت خشمه وعينه
أما أهل الترمس مع أهل البسيتين=مافيهم اللي صافحتني يمينه
دارين عني مير ما تقل دارين=حطوا بأذن طينة والأخرى عجينة
وأنا لو أسمع عن حديهم خبر شين=لو هو على رجليّ ..جيته بـ حينه
لو هو ورى شط البحر من ورى الصين=إن طرت له وإلا ركبت السفينة
وأثر ماني غالي مثل ماهم غالين=وأنا أحسب إني زين مع ناس زينة
07/05/08, (02:46 AM)
وٌقفت بالغرفة على سبة الدين .. !!!!
العرض العادي
