انا عقب خلي لقيت البهاذيل=خلن زرع في وسط قلبي غلاته
تكفون يالويلان نطاحت الخيل=وين الوليده والردي مع خواته
يلفي على خلي معا تالي الليل=يوصل سلام نادرفي حلاته
ماياصله ياكود راع المعاميل=لوشاف قدح النار وصل وصاته
اشناب ثم اشناب سود ومفاتيل=ياصل مراده لو تسبب وفاته
هذاك ابوهاني لياكبرت يشيل=حمول ربعه كلها في عباته
ولا الردي خله قليل المحاصيل= اصله ردي ومبينن في رداته
قله يابوهاني اذابطيت بالحيل= وخلي على فرقاي هل اعبراته
اني على طول اليالي المقابيل= امشي حسب ضنه وصدق امنياته
عشيقتي هذيك بنت الرجاجيل= ياعين ضبين عرتعن في فلاته
تم الكلام الي وزنته عن الميل= من شطره الاول الى منتهاته