ايه انثى لكن افضل من 800 رجل ** بنت ماترضى الغلط وابوي رجال ٍ كريم - الصفحة 3 - °~*¤®§(§ شبـــكة ويــلان العـربـيـه §)§®¤*~ˆ°

**الموج** · 01/03/09, (03:48 PM)

اقتباس:

المشاركة الأصلية كتبت بواسطة فاطمه الجعفري

الانتماء الروحي للويلان هو حافز للاستمرار ، اتمنى ان انال رضاكم دوما

لايدب بخافقك ياصاحبي بعض الوجل = وانت رجل ٍ ماتعرف شلون اساليب الحريم
ايه انثى لكن افضل من 800 رجل = بنت ماترضى الغلط وابوي رجال ٍ كريم
أركد اركد لايصير بداخلك قلب ٍ عجل = لاتميل خطاك عن درب الصراط المستقيم
الرجل لاصار مابه لاحياء ولا خجل = مايعد إلا رجل مسكين والله العظيم
كل مادق بميني حجل يزعل بي حجل = كفي اللي مرتوي من مية الوجه الحشيم
وانت لو انك تعد لجدك التاسع نجل = كان مااشوفك بوسط بحوري الظلما تهيم
لاتظن انك تبي تسجل خفوقي في سجل = ويصير اسمي مع هنادي وحصه وساره وريم
لايهوب صوب عقلي شاربك كانك رجل = وابتعد لا والله الا تجيك كلمه بالصميم

بقلم فاطمـه الجعفري

أسـتـقـم ياشـعر وأكتبني على كفك لأجـل
أخـتـصرهـا وأكــتـفي قبل البدايه بألــف مــيــم

جيت وأركد يافصيح الشعر وأركد يازجــل
أنت في مقصورتي جالس وفي راسي مقـيـــم

ماكتبتك من فراغ ولاأنت كاتبني دجــــل
تشرب الفكر السليم وتســقـي العقل الســـــلـيـم

مافـتـنـك الاّ المعازف والنوازف والــنــجــــــــل
كل ماشـاحـت بك الذكرى مع الذكرى تـهــيـــــم

اعجبتني وقلت هالابيات على الطاير...... وصح الله احساسك يافاطمه العنزي

قصيدة لاترضى بغير الوصف بالابداع

ننتظر جديدك

وتقبلي مروري المتواضع

مع احتراماتي وتقديري

**سالم صالح** · 01/03/09, (05:29 PM)

الشاعرة الرائعة

فاطمة الجعفري

صح السانك ابيات شامخة بشموخ صاحبتها رائعة اين ماتحلين لله درك يابنت العم

والاحظ ان فاطمة شانه هجوم صارم على الرجل مااقول الا الله يعين هالمسكين

قصيدة تحمل كل انواع الجمال الجامح بنسج نسائي قوي اللهجة

تقبلي تقديري واعجابي

**أبو غرام** · 01/03/09, (05:33 PM)

صح لسانك وعلا شانك

اجدتي بكل ماتعنيه الكلمه من معنى الاجاده

لله درك اختاه بنت الرجال المطاليق

وخليكي من هالقاف واعلا

موفقه يااختي

**سعود العواجي** · 01/03/09, (06:52 PM)

الاخت الشاعره الرائعه / فاطمه العنزي

ابيات ثوريه تنم عن فكر وشاعريه فذه

صح لسانك

**ناصرالسويلم** · 01/03/09, (08:24 PM)

فاطمه الجعفري

سلمة اناملك وصح بوحك ؟؟

قصيده رائعه

تبين قوة شاعريتك الفذه

اتحفتينا بها

الى الامام

تقبلي تحياتي

**صالح الضويحي** · 02/03/09, (11:06 AM)

أركد اركد لايصيـر بداخلـك قلـب ٍ عجـل
لاتميل خطاك عن درب الصـراط المستقيـم
الرجـل لاصـار مابـه لاحيـاء ولا خجـل
مايعـد إلا رجـل مسكيـن والله العظـيـم

شديدة اللهجه .. محكمة البناء هذه المعزوفة..
اعجبتني قافية الصدر بجرسها الموسيقي
الممتع وتناغمها مع قافية العجز .. نص
مكثف بالشعِر .. وسهل الاستيعاب وممتع التصوير..

فاطمه الجعفري

دمتِ بهذا الرقي

تحياتي لك

**فاطمه الجعفري** · 23/03/09, (09:53 PM)

اقتباس:

الله الله روعه

تعالي وشموخ {حميـــــد}

فاطمه صح لسانك

ودام شموخك

ابياتك بالصميم لاعدمتك

أسجل اعجابي بهذه المعزوفه الرائعه

تحياااااتي،،،،

استاذي رابح الغضيان

حضور يشبه المطر ممتنه لحضورك بهذا المتصفح

فاطمــــــــــــه