:: المركز الإخباري :: الديوان المقروء :: الديوان المسموع :: قناة ويلان :: مركز التحميل :: للمميزين فقط ::

مركز ويلان الاخباري
بعض قصايدي المسموعه (اخر مشاركة : غازي العايد - عددالردود : 0 - عددالزوار : 5014 )           »          علمتني الحياة (اخر مشاركة : طلال الفقير - عددالردود : 0 - عددالزوار : 5900 )           »          جديدي قصايدي غازي العايد (اخر مشاركة : غازي العايد - عددالردود : 0 - عددالزوار : 5105 )           »          بعض قصائدي المسموعه 2023 (اخر مشاركة : غازي العايد - عددالردود : 0 - عددالزوار : 4427 )           »          بعض قصائدي المسموعه 2023 (اخر مشاركة : غازي العايد - عددالردود : 0 - عددالزوار : 4041 )           »          ஐღإهداء عبارات من القلب إلى القلبஐღ (اخر مشاركة : عابر احساس - عددالردود : 7195 - عددالزوار : 1464849 )           »          تفعيل الحساب (اخر مشاركة : أبوجابر - عددالردود : 3 - عددالزوار : 14 )           »          السلام عليكم ورحمة الله وبركاته (اخر مشاركة : جميل السويلمي - عددالردود : 2 - عددالزوار : 13 )           »          صلى على نبينا محمد (اخر مشاركة : مبارك كريم المعيتق - عددالردود : 0 - عددالزوار : 36045 )           »          بيته المهجور (اخر مشاركة : حمد الوايلي - عددالردود : 1 - عددالزوار : 34800 )           »         
آخر المشاركات




الــمــحاورات المــنــقوله خاص بالمحاورات المنقوله من خارج الشبكه

موضوع مغلق
 
أدوات الموضوع انواع عرض الموضوع
قديم 29/04/10, (04:03 PM)   المشاركة رقم: 1
المعلومات
الكاتب:
سلامة الجعفري
اللقب:
شاعر

البيانات
التسجيل: 27/11/08
العضوية: 3080
الدولة: الشمال
المشاركات: 872
بمعدل : 0.16 يوميا
معدل التقييم: 48
نقاط التقييم: 198
سلامة الجعفري متميزسلامة الجعفري متميز


الإتصالات
الحالة:
سلامة الجعفري غير متصل
وسائل الإتصال:

المنتدى : الــمــحاورات المــنــقوله
افتراضي مكتبة محاورات شعراء عنزة

[align=center]بإذن الله سنضع هنا محاورات شعراء القبيلة من أجل سهولة الحصول عليها وكنوع من القيام بحق هؤلاء الشعراء ولأن اليد الواحدة لاتستطيع التصفيق فأتمنى ممن لديه اي محاورة لشعرائنا ان يرسلها برسالة خاصة وبالله التوفيق

(كريم الجعفري)

(كريم الجعفري & نواف العازمي)
نواف العازمي



ياسلام الله على بيت الشرف والنوربادي=والليال البيض محداً شافها لـولا قمرهـا
شايفاً لي شاعراً دايم عن الناس متحادي=كل ماقلنا علامك قال لي مـا الله ومرهـا
كريم الجعفري


مرحبا ترحيبتاً تفرق بياضٍ عن سـوادي=والرجل بعض المصايب مايحول في نحرها
المزون مخيَّله وسيولها مـع كـل وادي=والكواكب في سماهاوالسفينه في بحرهـا
نواف العازمي


انت عادي مير عندك شي والله ماهو عادي=مير انا ياشفتها ياصاحبي ماقـص أثرهـا
ما لقينا في حراج السوق ياغير المـزادي=كل مايركد هواهامرهـا عمـر وعمرها

كريم الجعفري



مانجيكم غير مع درب الشريعه والمبادي=طول الهرجه وسيع المعرفه وإلا قصرهـا
انت غادي حال والا حال يمكن ماانت غادي = كيف اباانصر عالم ٍ ربي تعالى مانصرها
نواف العازمي


كان صارت ماتقص الراس والابالثنادي=غيرهن لوهي على حد السماء مانعتبرها
مايشككني عديم العرف في ملحي وزادي=والرجال الها مواقف والمواقيف اتخبرها
كريم الجعفري



من يرجعهـا بعدمـا ذاع فيهـا كـل رادي=من تغيب عن عيال قريش مثل اللي حضرها
والله انَّ مانبي كود الصراحـه والوكـادي=مايطيح بحفرةالشيطان كود اللـي حفرهـا

(كريم الجعفري & فارس الهاجري)1

كريم الجعفري



يـاسـلام الله عـلـى شـعـب الكـويـت وحاكميـنـه=من هجوس الشاعر اللي من ديار في دياره
البـدايـه راعـــي الـفـكـره عـســى تـسـلـم يمـنـيـه=شيخ علم وشيخ حلم وراس قوم وبيت اماره
فارس الهاجري



مرحبا بك عند شيخ طول الله في سنينه=شيخنا اللي ياعميلـي زود الله فـي وقـاره
كـــل شـــي ياعـمـيـلـي تـعـرفـونـه عـارفـيـنـه=وادري ان الـنــار يـاكـريـم بدايـتـهـا شــــراره
كريم الجعفري



بارك الله فيك والعلـم الوفـي متقاسمينـه=والليالي القاسيه يوجد بها ربح وخساره
لاتـشـب الـنـار مابـيـن الديـتـر والمكـيـنـه=انت يالسواق خلـك نبـه لاجيـت الاشـاره
فارس الهاجري



كان ماتدحـم بزنـدك وانـت ظلوعـك متينـه=راحت الدنيا عليك ولاكسبـت مـن التجـاره
احسب انها نار تالع واثرها بـرد وسكينـه=مايطوفون الاشاره غير اهل كرت الزياره
كريم الجعفري


لاتـسـرع بالسـوالـف كــل شــي خابرنـيـه=يومها قول وفعل ندحم ونحتل الصداره
لاتضايق بارك الله فيك ركاب السفينـه=السفيـنـه هـددوهـا بالـغـرق والانـكـسـاره

(كريم الجعفري & فارس الهاجري)2
فارس الهاجري


مرحبا عند الشيوخ اللي لها قدر وحشيمه = الشيوخ اللي جميع الشعب ما ترضا بدلها
لي صحيبٍ يا جماعه صحبته ماهي قديمه = جمعونا يالله انك تجزي الناس بعملها
كريم رحيل العنزي


البقا لك من رياجيل نوياهم سليمه = والحمول اللي تهم الناس موجودٍ جملها
صاحبك توه مسير والرسن في راس ريمه = وانت سولف والعلوم اللي على خاطرك قلها
فارس محمد الهاجري


بنت ابو زيد الهلالي يذكرون انها يتيمه = وانت لا تفرح ليامن وقفت لك من خجلها
لو نسولف لك بعلمٍ ضقت يا مال الغنيمه = يزعلون الناس وانت الناس ما تقوا زعلها
كريم رحيل العنزي


بنت ابو زيد الهلالي ماتبا ناسٍ غشيمه = والغشامه عند اهلها والمعرفه عند اهلها
الرجال الحاضره تفرق خصيمٍ من خصيمه = لا تمرك ياطويل العمر وتروح قبلها
فارس محمد الهاجري


ياكريم ياعميلي جعل ستر الله يديمه = لو تميل المايله عود كريم ما عدلها
يالله انك تلعن الشيطان وابو عينٍ كريمه = كل ما جهز كريم لقمته سبق واكلها
كريم رحيل العنزي


صاحبي فارس سمع علمِ ووقع في صميمه = والسنون اليا دخلها السوس يا مسرع خللها


















عرض البوم صور سلامة الجعفري  

قديم 05/05/10, (10:57 PM)   المشاركة رقم: 2
المعلومات
الكاتب:
سلامة الجعفري
اللقب:
شاعر

البيانات
التسجيل: 27/11/08
العضوية: 3080
الدولة: الشمال
المشاركات: 872
بمعدل : 0.16 يوميا
معدل التقييم: 48
نقاط التقييم: 198
سلامة الجعفري متميزسلامة الجعفري متميز


الإتصالات
الحالة:
سلامة الجعفري غير متصل
وسائل الإتصال:

كاتب الموضوع : سلامة الجعفري المنتدى : الــمــحاورات المــنــقوله
افتراضي رد: مكتبة محاورات شعراء عنزة

(شاهرالعنزي)

(شاهر العنزي & معجب جلعود القحطاني)1

شاهر العنزي


الأولــــه ســــلام تـسـلـيــم وافـــــي يـقــضــي الــنـــوب=والـــــثـــــانـــــيــــــه لله لله درك يــــــــــــــــــــــا خـــــلـــــيــــــفــــــة
ترى الكلام اللي يشرف يا ابن جلعود مطلوب=بالله عـــــجـــــل بــالــعـــلـــوم الــثــمــيــنــة والــطــريـــفـــه
معجب القحطاني



الأولــــه حــيــا الــلــه اللي حــضــر حــق ٍ ومــــا جــــوب=والثـانـيـه حـيــوا خـلـيـفـه راعــــي الـيـمـنـى الـشـريـفـه
يا ضيفنـا مـا قدمـك الا العشـا والبيـت منصـوب=وان كان قمت الصبح لك عندنا ضيفه وضيفه
شاهرالعنزي



ماني مجامل ودي اقول حظك حـظ منكـوب=مـا هـو ردى لكـن قحطـان تنظـر لابــن ريـفـه
مطلق وصياف السحيمي لهم منهاج واسلوب=يـاالــلــي تـمــيــز بـالـبـيــوت الـقــويــة والـضـعـيـفــه
معجب القحطاني


انته تشوف الدرب واحـد وانـا قدامـي دروب=وانــا بسيـفـي وابــن ريـفـه عـلـى دربــك بسيـفـه
حنا تعلمنا بعلمٍ ما هو في الكتب مكتوب=والكحل الاسود ما نبيعه على العين الكفيفه

شاهر العنزي


تـرى الوعـد قـدام يـا صاحبـي والوقـت محسـوب=ريـــمـــان يــشــتـــال الــحــمـــول الـثـقـيــلــه والـخـفـيــفــه
مـن خلقـة الدنيـا وحــال البـشـر غـالـب ومغـلـوب=بكره تشوف العلم مكتوب في عرض الصحيفه
معجب القحطاني



شفت الوجيه أَثنين وجهي كريه وجه محبوب=والله لا يـخـلـف نــوايــاك يــــا الـنـفــس الضـعـيـفـه
عينك على الفنجال ابوهيل والفنجال مشروب=البـحـر لــه مــد وجـــزر وان سـقــا سـقــوه لسـيـفـه
شاهر العنزي



نبـغـى ندرجـهـا عـلـى الـهـون والا النـفـس يــا دوب=الله يـفــكــك مـــــن شــقـــا الــوقـــت والـدنــيــا الـمـخـيـفــه
فنجالها في صوب والا انت يا رجال في صوب=تـحــمــد الله كـــــان حـصــلــت لـــــك قــطــعــة رغــيــفــه
معجب القحطاني



يـا قـو باسـك تبتسـم للعـرب والصـدر مشـبـوب=صدر الشمالى صار عقب السعه نار ٍ وليفه
بـكــره يـجـيـك الـعـلـم بـالــراس والا بـيــد مـنــدوب=والخاتـمـه يـطـوى كتـابـك مـثـل طـــوي القطـيـفـه


(شاهر العنزي & معجب جلعود القحطاني)2

معجب القحطاني


تعال ياشاهر ولا أدري وش ورى قولة تعال=تـبـرق وتـرعـد وان ومـرهـا الله تسـيـل سيـولـهـا
اللي بصدره علم يبـرز كـل مـا طـال الجـدال=واللي وصاته من عصر يمكـن يسـج يقولهـا

شاهر العنزي


جـيـتـك وتــــدري مــــا يــوقــف لـلـرجــال أَلا الــرجــال=عـقـلــي مــعــي والــنــاس اخـاطـبـهـا بــقــدر عـقـولـهــا
حاسب نتايجها واشوف الشمس واشوف الظلال=يامـا مشينـا فــي البسيـطـه عرضـهـا مــع طولـهـا
معجب القحطاني



يا فارس الزرقا سيوفك في العمام وفي الخوال=والـلـي تـدورهـا مـاهـي حـولــك ولا انـــت بحـولـهـا
هـذي سنـه معهـا سنـه دلـوك تمـيـح مــن الــزلال=مــلــيــت بــطــنــك والــجــمــال ازهـبـتــهــا بـحـمـولـهــا
شاهر العنزي



يامعـجـب الله يـرحـم الـلـي خلـفـك يـاابـن الـحـلال=كلـمـتـك هـــذي يـــا وسـيــع الـعــرف وش مدلـولـهـا
عينك تشوف البرق يبرق في الجنوب وفالشمال=مــالــك ومــــال الـخـزنــه الــلــي مـحـكـمـات قـفـولـهـا
معجب القحطاني



العـاقـل الـلــي يـعــرف النـعـمـه تـهــدد بـالــزوال=تــــراك يـاشـاهــر مــــا بــيــن يـديـنـهــا ورجـولــهــا
ماعاد تزعل من زعل ربعك كريمين السبال=اللـي مـعـك كــل الـحـروب تصولـهـا وتجولـهـا
شاهر العنزي



تحمـد الله اشـكـره لابــس لــك شـمـاغ وعـقـال=ولا انت يامعجب مـا بيـن طلوعهـا ونزولهـا
الظاهر انه ياعرب ما هو خلي من الهبال=يبـغـي يـطـبـل مـــع رجـاجـيـل تـــدق طبـولـهـا

معجب القحطاني



فرصة عمر جت بك معي مدري شهر والا ليال=وانــــــا خــبــيــر ٍ فـــــــي الـــبــــلاد جـبــالــهــا وسـهــولــهــا
تـدري يـاابـن دالــش دوام الـحـال فــي الدنـيـا مـحـال=احــــوال خــلــق الله تــحـــوّل قــبـــل يـمــضــي حـولــهــا

شاهر العنزي



انــــــا مــــــع الله واطـــلــــب الــخــيـــره ولله الــكــمـــال=واللي زرع له زرعةٍ يصبر على محصولها
الـبــنــك تـــصـــرف فـــيـــه بـالـديــنــار والا بــالــريــال=هـذي حقيقـه والحقيقـه جتـك حـسـب اوصولـهـا



(شاهر العنزي& عبدالله الاشرم)

عبدالله الاشرم


تحية المسلم سلام الله من قلب سليم= بعد السلام نفصل الاخبار والمخرج ملي
وين المدير اللي يدير كبار علامة تميم= اللي لسانه مثل سلة سيف ابوطالب علي
شاهر العنزي



يا مرحبا بك بالنيابة عد ما هب النسم =ردية نبدا بها والحظ دايم معتلي
الاشرم الاخبار مابين المسافر والمقيم =لكن صدرك بالهواجس لا يغيض ويمتلي

عبدالله الاشرم


كل البشر تمشي على حد الصراط المستقيم=ابو حنف والشافعي والمالكي والحنبلي
انته شمالي طرقتك مابين حايل والقصيم =مالك ومال عيال بدوا اللي تشد وتنزلي
شاهر العنزي


كل االبشر تمشي تحت حكم الولي والله عليم =انته محاسب بعملك وانا محاسب بعملي
انته وانا جيران يا رجال بالوقت القديم =لا تردد الاخبار يا رجال مثل البلبلي
عبدالله الاشرم


يا شيخ من عيّا عن الجنه مرده للجحيم =والنار فايض بطنها تشحذ وعيت تمتلي
اتقول لي شاعر حكيم اقول لك شاعر حكيم =وانته تعشيت الطلي وتدور لسان الطلي
شاهر العنزي


المسلمين الطاهرين بجنة الرب الرحيم =وتبقى جهنم لليهود ودمهم يغلي غلي
انته صحيبي ياوسيع العرف ماانته لي خصيم =وان كان ما طاوعتني جاك الحساب مفلفلي
عبدالله الاشرم


ترى المدارس والمدرس حطها الله للغشيم = وملوك ابت تسجد وفيه ملوك تسجد للولي
تنفخ مثل نفخة شريم وبرطمك برطم شريم =راسك مع جهينه ورجليك الطويله مع بلي
شاهر العنزي


ما هنا بخيل يجود بالمدّه ولا يبخل كريم =مالك ومال بليس ما يجهل به الا الجاهلي

غلطان ياللي ترجي الخلفه من العود العقيم = رجليه وسط العاصمه والراس داخل حايلي



(شاهر العنزي& سعيد القحطاني)

شاهرالعنزي



سلامي سلام الدين وحنا هل الدين=حكـمـمـنـا بــشــرع الله وســنــة نـبـيــه
بـديـنـا وكـنــا كـلـنـا اربــــع وعـشـريــن=ولا باقي ً غير انت واصبر شويـه
سعيد القحطاني



هلا يامرحبا باسم الرجال السلاطين=وانـا وانـت مـن شعـبٍ علومـه وفـيـه
بديـنـا مــع الشـعـار بالمنـهـج الـزيــن=وجــابــك جـلـيــل الـمـلــك رب الـبـريــه
شاهرالعنزي



انـا خابـر انـه مـات فـي يـوم حطيـن=ولا ادري هـــو الـمـرحـوم والا سـمـيـه
يقولون طول العمر عمر الشياطين=ولــكـــن ربـــــك وقـــعـــك فــــــي يـــديـــه
سعيد القحطاني



تــرا مــا يخـلـي ثــأره الا المسيكـيـن=بنزهم عليـك اهـل الوفـاء والحميـه
قرينا كتاب الله وتصحى المجانين=ولا تحـسـب انـــك رحـــت للجـاذبـيـه
شاهرالعنزي



عــلــشـــان عــيــنـــك غـــيــــرن الـقــوانــيــن=اقــــــــول الـحـقــيــقــة لاتـــنـــافـــخ عـــلـــيـــه
على الهون حنا اخوان ما احنا معادين=عــلامـــك خـــذيـــت الــســيــف والـبـنـدقـيــه
سعيد القحطاني



قوانينـهـم مــن قـبـل نـدفـع مـلايـيـن=وهـــذه تـراهــا مـنـكـم اكـبــر خـطـيــه
ردى حظك اللي طيحك بالقحاطين=نبـيـهـا عـلــى راســـك تـهــل الـرفـيــه
شاهرالعنزي



نقوله وهرج الصدق زيـنٍ علـى زيـن=وعــيـــد رمـضـانـيـمـر قــبـــل الـضـحـيــه
نعم ربعي وربعك على العسر واللين=خــطــاء مـنـكــم او هي غـلـطــةٍ مطـبـعـيـه

سعيدالقحطاني



جعلتوا محامي مـا جعلنـا محاميـن=وتـرتــيــب بـالـجـهــراء وبالـسـالـمـيـه
لـكـل القبـايـل نـدبـل الـنـعـم نعـمـيـن=وياجب على الراعي يحفظ الرعيه
شاهر العنزي



خطير الولد يقلع لو ان له جناحين=مـزحـنـا مــعــه ويــــذم مــزحــة خــويــه
تقول الحقيقة وانت ما بين الامرين=غـلـطــت بـهـذيــك ولا تــداركــت ذيــــه

سعيد القحطاني



انا مثل ابوك الله يلينك وتليـن=بتشره عليك الناس لو قلت اذيه
توقـع وحاسـب ياحبيـب الملاييـن=اذا جبـت كيـه جاتـك الفيـن كـيـه


(شاهر العنزي & تركي الميزاني)

تركي الميزاني


اشوف شاهر يلتفت بالعين ويعط الصياح = قام يتونش له علوم ٍ مايحسب حسابها
لكنّ ماله عندنا غير المشوك والسلاح = واللحية اللي ماتحشمنا نقص اشنابها

شاهر العنزي


ياطير ياطير السعد ياللي ترفرف بالجناح = ترى المنية واحده ماحد ٍ يعرف اسبابها
السالفة بيني وبين اصحابنا مالك صلاح = احسب حساب الوالمه والنار من شبابها

تركي الميزاني


بعض السوالف مانعديها ولافيها سماح = وانته سباع الليل في دربك تحد انيابها
انتم طمعكم زاد عن حده مسا والا صباح = والناس ماتلبس ثياب ٍ ماتصير ثيابها
شاهر العنزي



ان كان وكلك الدويش وثم سلمك الوشاح = اعلمك في قصة الرجال وانت ادرى بها
ترى الطمع عند العرب لاصار بالطيب مباح=المدرسة ماغاب غير اثنين من طلابها

تركي الميزاني


انته رحلت ولابقا لك لاحلال ولامراح = واليوم تنظر في جمالٍ وسمها برقابها
افلح ياشاهر واتعب الاقدام في درب الفلاح = قدام تكبر شرهة الاصحاب فوق اصحابها
شاهر العنزي


ترى الحقيقه عند صاحبها لو ان الوقت راح = انشد حضور القوم وتعلمك عن غيابها
ابشرك ياصاحبي مطاح ماهنيا مطاح = ترى النشاما ماتشره لو يطول عتابها

تركي الميزاني


ترى طلوع الشمس ميعادك على العد القراح = ترضى بها والا عساك تروح ماترضى بها
انته تحب العافية والا تبا السم الذحاح = اختار بين امرين والدعوى نسكر بابها
شاهر العنزي


هل تعلم انك في زمان العولمه والانفتاح = لاعاد تحسب شرهة الدلة على صبابها
ترى السحابة جاك راعدها وفيها البرق لاح = وشلون تكماها بعد ماسيلت بشعابها

تركي الميزاني


حنا تراهنا ماتحركنا ذعاذيع الرياح = وانته ليا هبت ذعاذيع الرياح تهابها

( شاهر العنزي & محمد السناني )


شاهر العنزي



سـلام تسليـم وافـي فــي مـحـل الـوفـا=قـبـيـلـة بـالـمـعـزّه طــالـــت ايـمـانـهــا
من بعد عصر الصحابه ماخبرنا خلفا=مــدري عــلام اللـيـال مـــال ميـزانـهـا

محمد السناني



يامرحبا بك ومكه منبع المصطفى=الله يحيـيـك مـــع مـكــه وسكـانـهـا
مدري عطتك الليـال وجـه ولا قفـا=والا وقف لك سعيد وصـك بيبانهـا

شاهر العنزي



ماانته زعيم البلد واللي تقولـه كفـا=السلطنـه يالسنـانـي عـنـد سلطانـهـا
مواقـفـي ماتـغـيـر بالـعـلـن والـخـفـا=والناس معروف رابحها وخسرانها

محمد السناني



إن كان حظك من المروه وصل للصفا=مافـيـه حـاجـه تعاتبـنـي عـلـى شانـهـا
الله يـديــم الـعـوافـي والــــذرا والــدفــا=ابـعـد عــن الـنـار لايـزعـجـك دخـانـهـا

شاهر العنزي



إن ماهـداك الولـي كـدّك يــروح هـفـا=جـتــك الـرسـالـه مـظـرفـةً بعنـوانـهـا
مادام انا وانت من فوق الذلول اردفا=الـيـا ذبحـنـا الـذلـول نــوزع اثمـانـهـا

محمد السناني



إن كـــــــان مــاانــتـــه ...مـتــصــرفــا=الآرض كـثــرة عـقـاربـهـا وديـبـانـهـا
الفرقه اللي لها ضابط وخمس اعرفا=عنـدي نظـر فالرعيـه قـبـل رعيانـهـا

شاهر العنزي



راع المرض مايهمه غير حب الشفا=وإن طاب نفسه معـاد يـرد شيطانهـا
إن كان ماانته مجافيهم ماتلقـى جفـا=راع الآمانـه يابـن مـتـروك ماخانـهـا


محمد السناني



مدري شكيت العضل ولا شكيت الحفا=ياشيـن مشيتـك فـي مـكـه وضلعانـهـا
اخلاق الأبطال شانت وانـت مستهدفـا=لا تحـرق اعصابـهـا وتــزود اجنانـهـا

شاهر العنزي



ياقاضي المحكمه حكمك ماهو منصفا=ماتقبـل الحـجـه الـلـي غــاب برهانـهـا


















عرض البوم صور سلامة الجعفري  

قديم 05/05/10, (11:15 PM)   المشاركة رقم: 3
المعلومات
الكاتب:
سلامة الجعفري
اللقب:
شاعر

البيانات
التسجيل: 27/11/08
العضوية: 3080
الدولة: الشمال
المشاركات: 872
بمعدل : 0.16 يوميا
معدل التقييم: 48
نقاط التقييم: 198
سلامة الجعفري متميزسلامة الجعفري متميز


الإتصالات
الحالة:
سلامة الجعفري غير متصل
وسائل الإتصال:

كاتب الموضوع : سلامة الجعفري المنتدى : الــمــحاورات المــنــقوله
افتراضي رد: مكتبة محاورات شعراء عنزة

(احمد مجول العنزي)


















عرض البوم صور سلامة الجعفري  

قديم 05/05/10, (11:16 PM)   المشاركة رقم: 4
المعلومات
الكاتب:
سلامة الجعفري
اللقب:
شاعر

البيانات
التسجيل: 27/11/08
العضوية: 3080
الدولة: الشمال
المشاركات: 872
بمعدل : 0.16 يوميا
معدل التقييم: 48
نقاط التقييم: 198
سلامة الجعفري متميزسلامة الجعفري متميز


الإتصالات
الحالة:
سلامة الجعفري غير متصل
وسائل الإتصال:

كاتب الموضوع : سلامة الجعفري المنتدى : الــمــحاورات المــنــقوله
افتراضي رد: مكتبة محاورات شعراء عنزة

(عبدالله جريبيع العنزي)


















عرض البوم صور سلامة الجعفري  

موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة: استضافة رواد التطوير
الساعة الآن (07:06 AM)


مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه