:: المركز الإخباري :: الديوان المقروء :: الديوان المسموع :: قناة ويلان :: مركز التحميل :: للمميزين فقط ::

مركز ويلان الاخباري
بعض قصايدي المسموعه (اخر مشاركة : غازي العايد - عددالردود : 0 - عددالزوار : 5074 )           »          علمتني الحياة (اخر مشاركة : طلال الفقير - عددالردود : 0 - عددالزوار : 5957 )           »          جديدي قصايدي غازي العايد (اخر مشاركة : غازي العايد - عددالردود : 0 - عددالزوار : 5143 )           »          بعض قصائدي المسموعه 2023 (اخر مشاركة : غازي العايد - عددالردود : 0 - عددالزوار : 4469 )           »          بعض قصائدي المسموعه 2023 (اخر مشاركة : غازي العايد - عددالردود : 0 - عددالزوار : 4080 )           »          ஐღإهداء عبارات من القلب إلى القلبஐღ (اخر مشاركة : عابر احساس - عددالردود : 7195 - عددالزوار : 1469467 )           »          تفعيل الحساب (اخر مشاركة : أبوجابر - عددالردود : 3 - عددالزوار : 14 )           »          السلام عليكم ورحمة الله وبركاته (اخر مشاركة : جميل السويلمي - عددالردود : 2 - عددالزوار : 13 )           »          صلى على نبينا محمد (اخر مشاركة : مبارك كريم المعيتق - عددالردود : 0 - عددالزوار : 36115 )           »          بيته المهجور (اخر مشاركة : حمد الوايلي - عددالردود : 1 - عددالزوار : 34855 )           »         
آخر المشاركات




منتدى التاريخ والتراث العربي قصص من الماضي -تاريخ القبائل العربيه

إضافة رد
 
أدوات الموضوع انواع عرض الموضوع
قديم 27/08/11, (04:24 AM)   المشاركة رقم: 1
المعلومات
الكاتب:
جلال الدرعان
اللقب:
مشرف منتدى الخواطر والقصص

البيانات
التسجيل: 17/12/10
العضوية: 6107
الدولة: الجبيل
المشاركات: 1,418
بمعدل : 0.29 يوميا
معدل التقييم: 43
نقاط التقييم: 541
جلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدود


الإتصالات
الحالة:
جلال الدرعان غير متصل
وسائل الإتصال:

المنتدى : منتدى التاريخ والتراث العربي
Exclamation قصة وقصيدة ..الثانية !! تفضل !!



السلام عليكم ورحمه الله وبركاته
اسعد الله مساكم يا أخواني وأخواتي اليوم أنا جايب لكم قصه وقصيده وأتمنى تحوز على رضاكم

يقول الراوي ياساده ياكرام
7
7
7
7
هذا واحد من الشعراء شاعر معاصر له قصائد جميله في الغزل وسوالفه زينة وذربه , وهو راعي سيارة وهذي السيارة
من السيارات الكبار كان يجلب عليها غنم يجيبهن مثلا من جدة يوديهن للدمام يبيع ويشتري ويترزق الله ويوم جا مرة من
المرات ولا هو محمل هالغنم من المينا وما شاء الله عليه ما يكل ولا يمل من طول الخط يمشي على راحته والين تعب وقف
ونام واستراح وصلح غداه وجمع حطب وصلح له شاهي في بريق معدن هاك الشاهي الناقع اللي طعمه يقعد الراس
ريحته وشكله لانه مصلح على حطب ( ما ودك الا تذوقه ) الحاصل ان هالرجال وسيع صدر الى منه مشي وصار
الخط مستمر والاه يغني في الدرب وهو ماشي بقصيدة عاد هو راعي هوى ويقول ..





ياعيـــن هلــي دمــوعك ياشقاويـــه * * * وابـــــكي على جـــادل بالحب عنانــــي
تعبــــري كــل صبـح وكـل عصريـــه * * * لين الفلك يستديــر وينقضـــي شانــــي
حيل الله اقــوى تكسر عبرتــي فيــه * * * والوصل مقطوع والمـــوت الحمر جانــــي
ياوجد روحــي على المرواح والجيــة * * * واخــاف من واحــــد بالهـــرج يقفانــــي
ميـــلاف والقلب تشعــاه السنافيـــــة * * * شعيـــة قطيع شعـــوهن ركب كرزانــــي
اقفـو عليهن باهـــل تسعين منقيــــة * * * مع مربـــاع ما يجيــــه الذيب سرحانـــي
تقاسمــــوا جلهــن حمايـــة الهيــــــة * * * ومفـــرق ولفهــن تركــــي وسلطانـــــي
على هنوف لها في البيــض ماريـــــة * * * مــــاوقفــت تلتــفــت لفـــلان وافلانــــي
ياعيـــن شيهانـة ماهيـــب وكريـــــة * * * اومــى لها بالعشـــا رجــال ابن ثانـــــي
العنــق عنـق الغزال الحـــذر وادميـــة * * * اقفت مع الصبـــح يم هضــاب بسيانـــي





هذي من قصايده الجميلة الغزلية وراح مستمر في خطه يمشي يوم وصل مع العصر لرجال جايب له الغنم يبي ينزلهن
عنده يوم جا والا له بيتين الرجال ماشاء الله عنده حرمتين وله بني وعيال واجد ..
اقبل و وقف السيارة والى يوم لاقاه راعي البيت ياهلا ياهلا حيالله ابو محسن هو عاد اسمه محمد السليمان الحسين
ويلقبونه ( الدرم ) حيالله 000 الدرم 000 ياهلا 000 اقلط 000 اقلط 000 متى وصلت قال هذي وصلتي
وهو كريم عاد ويده رطبة جايب معه هدية
لراعي البيت وعطاه اياه في يده وقال اقلط وقلطه وخذاله فنجال والموتر لا يزال يشتغل قال ودي انزل الغنم لانها
محتجرات والقهوة لاحق عليها قال اجل رح رح نزل الغنم ونبي نولم العشاء لين تجي قال مافيه احد من العيال يساعدنا
قال الا كيف والا هاك البنت مصككه اسمها فطوم ناداها ابوها يافطوم روحي وانا ابوك افتحي الشبك وخليه ينزل الغنم


وعاونيه ساعديه قالت ان شاء الله ( جاك يا مهنا ما تمنى ) وتجي هكا لبنت العنقاء الي ماشاء الله عليها
ما خلت من الجمال شي لكنها طبعا متبرقعه ولا هيب بيضاء مرة الشمس لا سعتها ومخلية لونها لون برونزي وعليها هاك
الثوب الحمر عضودها حازمها الثوب منا ومنا متعافيه البنت
وعراقيبها حمر من الفتوة ما فيها شقوق ولاشي وهي
نشيطة انشط من الرجال , المهم وتروح هناك وتفتح الشبك وهو يوم
شاف ان الي تنزل الغنم البنت تلخبطت عدته وغدت
عشره وحدة يعني جاه مثل الرعشة شوي المهم يالربع قاموا ينزلون الغنم
اللي فوق لان فيه طابقين نزلوا الغنم ويوم
نزلوها ويدلي يجدعهن عليها ما شاء الله كل ما جدع عليها طلي صكته بيديها ما عاد يتحرك المهم تخليهن يدخلن في
الشبك على واحد واحد , نزل اللي فوق وبقى اللي تحت حول عاد يبي يفك
باب اللوري من ورا , هما هو له باب ثقيل
يفتح من ورا من تحت وقال تعالي يا بنت ساعديني منا لأنه خاف
يطيح عليه او يطق ركبته , وهي تجي تبي تساعده
جت تبي تفك السلسلة ما قدرت , قال لا لا لا ما هيب كذا السلسة كذا وتقل
ناش يدها وهو يفك السلسة ودلا يرهم قلبه
زيادة يوم ناش يدها ( الله لا يعديها من سلسلة ) طبعاَ ما ينلام مسكين بنت جميلة وقام ينزل الغنم ويناولها على
وحدة وحدة الين نزلوا كل الغنم ..





الحاصل قبل ما ترجع للبيت قالت رح رح عاد للمجلس تبي تجيك القهوة قال زين الله يعافيك يافطوم
( والله تو ما جا يركض )وقعد يناظرها وهي مقفية لين راحت والله اعلم وش
يناظر على شانه ( ابراء الى الله ما احط في ذمتي شي ههههههه ) المهم راح ويوم انه وصل حول
البيت وقف الموتر دخل عندهم يتقهوى وقام عاد يمدح البنت قدام ابوها
ما شاء الله فطوم ما قصرت عاونتنا وساعدتنا ( اييه عاد بدينا في التميلح والتمصلح ) والله انها عن ثلاثة عيال
وانت صادق والله انها عن ثلاثة عيال واني معتمد على الله الكريم ثم عليها هي اللي تلاحظ الغنم وتواليهم الله يخليها
لي ويرزقها الرجال الصالح والى يوم طرخت اذنه ( هذا هو اللي يبي ) قال والله اني مستحي عاد ما يدري وين
يجيه معه وده يحاكيه من سنع الخطبه الحاصل انه بعد ما تعشا من عندهم هاك الليلة وامرح ويوم جا من باكر الصبح وهو رايح في دربه .
راح وأبطى عنهم قعد له فترة ما جاهم ويوم جا السنة الثانية والاه مار من عندهم رايح لناس ثانين وتطري عليه أمرهم





والا ما أمرهم ( الى الحين ونوشة اليد في قلبه ما نساها ) خاف يتولع في فطوم مرة ثانية لأنه الحقيقة بعيد هو
هناك يم القويعية وذولا مثل ما تقول يم جهة الدمام بعيدين قال وش يجيبني لهم والله اني غلطان اخاف احاكيه ويقول ما
يخالف وانشب انا لا لا لا تدري ما يحتاج وهو يعود في سيارته ويغني ويقول ..




انا هالزمان مهـود عن هـــوى فطـــوم = سمح خاطري مابـــي عيــــوني تخاليهــــا
لا ياقلب بنت الناس مالــي بها ملــزوم = ولا هيـــب من نجعــــي ولا مـــن قبايلهـــــا
انا شف بالـي جـــادل جنسها معــــدوم = تنثــــر على حـــــد الردايــــف جدايلهــــــا
مداهيلها نجــد العذيـــة سهل وحــــزوم = هضـــاب المـــدارة كــــل عصـــر تضللهـــــا
طعمها براسـي ما تبي اللي يعبــي نــوم = نظيــــف المــلابس كـــل يــــوم يغسلهــــا
ينام الضحي والليل يسري به الجاثــوم = يشجــــع هـل السمــــرة ويصبــــح مقابلهــــا
وانا فوق وارد بون حالي كما المسقـوم = على رقمــــي النـــــجدة تكلــــم بأناتلهــــــا
الى جيت عند الظابط اللي عليه نجـــوم = تعــذرت منـــــه وهرجتــــه صـــدق يقبلهـــــا
وأودي علوم للنشامــى وأجيب علــــوم = وشنق هضبة الجولان في الحرب واصلهــــا
ولا يا وجودي وجد من جودوه الــروم = سجيـــــن تلــــوت في يدينــــــه صناقلهــــا
ولا يا وجودي وجد من طاح بين القوم = ضـــرب ركبتــه مخباط مفــراص محلولهــــا
قعد والطيور والجايعـة يدرجن الحـــوم = وشهب الذيــابــــه تسحبـــــه في مداحلهــــا


//
//


أحبتي ..أتمنى أني وفقت في تقديم ماهو مفيد لكم وهذه والله غاية المنى..


















عرض البوم صور جلال الدرعان   رد مع اقتباس

قديم 27/08/11, (04:58 AM)   المشاركة رقم: 2
المعلومات
الكاتب:
عبدالرحمن السالم
اللقب:
ضيف عزيز

البيانات
التسجيل: 24/08/11
العضوية: 6635
الدولة: الرياض
المشاركات: 9
بمعدل : 0.00 يوميا
معدل التقييم: 0
نقاط التقييم: 50
عبدالرحمن السالم يستحق التميز


الإتصالات
الحالة:
عبدالرحمن السالم غير متصل
وسائل الإتصال:

كاتب الموضوع : جلال الدرعان المنتدى : منتدى التاريخ والتراث العربي
افتراضي رد: قصة وقصيدة ..الثانية !! تفضل !!

جلال الدرعــان
صح لسانك يالغالي ولاهنت على النقل المميز ...
قصيده مميزه ورائعه ...مشكور على ذوقك ...
تـــقـــبل مــــروري ,,,,,,


















عرض البوم صور عبدالرحمن السالم   رد مع اقتباس

قديم 27/08/11, (05:46 AM)   المشاركة رقم: 3
المعلومات
الكاتب:
جايز المفوز
اللقب:
شاعر
الصورة الرمزية
 
الصورة الرمزية جايز المفوز

البيانات
التسجيل: 24/04/11
العضوية: 6411
الدولة: العيينة
المشاركات: 543
بمعدل : 0.11 يوميا
معدل التقييم: 43
نقاط التقييم: 1678
جايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلانجايز المفوز يستحق وسام ويلان


الإتصالات
الحالة:
جايز المفوز غير متصل
وسائل الإتصال:

كاتب الموضوع : جلال الدرعان المنتدى : منتدى التاريخ والتراث العربي
افتراضي رد: قصة وقصيدة ..الثانية !! تفضل !!

جلال الدرعــان
صح لسانك يالغالي ولاهنت على النقل المميز ...
قصيده مميزه ورائعه ...مشكور على ذوقك ...
تـــقـــبل مــــروري ,,,,,,

جلال بس شوقتنا


















عرض البوم صور جايز المفوز   رد مع اقتباس

قديم 27/08/11, (06:46 AM)   المشاركة رقم: 4
المعلومات
الكاتب:
جلال الدرعان
اللقب:
مشرف منتدى الخواطر والقصص

البيانات
التسجيل: 17/12/10
العضوية: 6107
الدولة: الجبيل
المشاركات: 1,418
بمعدل : 0.29 يوميا
معدل التقييم: 43
نقاط التقييم: 541
جلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدود


الإتصالات
الحالة:
جلال الدرعان غير متصل
وسائل الإتصال:

كاتب الموضوع : جلال الدرعان المنتدى : منتدى التاريخ والتراث العربي
افتراضي رد: قصة وقصيدة ..الثانية !! تفضل !!

اقتباس:
المشاركة الأصلية كتبت بواسطة عبدالرحمن السالم
جلال الدرعــان
صح لسانك يالغالي ولاهنت على النقل المميز ...
قصيده مميزه ورائعه ...مشكور على ذوقك ...
تـــقـــبل مــــروري ,,,,,,





هلا بك يالغالي عبدالرحمن السالم
مشكور اخوي على المرور وهذا الرد الذي يعجز لساني عن التعبير لك
وعلى قرائتك للقصة فانتم تستاهلون
واشكرك مرة اخرى على تواضعك وتواجدك في متصفحي هذا
فالتميز لاياتي الي بكم اخي فالرجو بان لاتحرمني هذا التواجد
وتقبل مني خالص الاحترام وكل عام وانت بالف خير
كن بخير


















عرض البوم صور جلال الدرعان   رد مع اقتباس

قديم 27/08/11, (06:50 AM)   المشاركة رقم: 5
المعلومات
الكاتب:
جلال الدرعان
اللقب:
مشرف منتدى الخواطر والقصص

البيانات
التسجيل: 17/12/10
العضوية: 6107
الدولة: الجبيل
المشاركات: 1,418
بمعدل : 0.29 يوميا
معدل التقييم: 43
نقاط التقييم: 541
جلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدود


الإتصالات
الحالة:
جلال الدرعان غير متصل
وسائل الإتصال:

كاتب الموضوع : جلال الدرعان المنتدى : منتدى التاريخ والتراث العربي
افتراضي رد: قصة وقصيدة ..الثانية !! تفضل !!

اقتباس:
المشاركة الأصلية كتبت بواسطة جايز المفوز
جلال الدرعــان
صح لسانك يالغالي ولاهنت على النقل المميز ...
قصيده مميزه ورائعه ...مشكور على ذوقك ...
تـــقـــبل مــــروري ,,,,,,

جلال بس شوقتنا




مرحبا الف اخوي ابو اريج
لبى قلبك والله ابشر بالي يوسع صدركـ ويبسطكـ من القصص المميزة
بتمييز تواجدك يالغالي
والتمنى بان اكون عند حسن الظن وكل عام وانت بصحه وعافية
تقبل مني فائق الاحترام والشكر
وكن بخير


















عرض البوم صور جلال الدرعان   رد مع اقتباس

قديم 27/08/11, (07:07 AM)   المشاركة رقم: 6
المعلومات
الكاتب:
عوض بن خميس
اللقب:
راوي وكاتب
الرتبة:
الصورة الرمزية
 
الصورة الرمزية عوض بن خميس

البيانات
التسجيل: 09/03/09
العضوية: 3460
الدولة: حائل
المشاركات: 2,614
بمعدل : 0.48 يوميا
معدل التقييم: 52
نقاط التقييم: 1529
عوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلانعوض بن خميس يستحق وسام ويلان


الإتصالات
الحالة:
عوض بن خميس غير متصل
وسائل الإتصال:

كاتب الموضوع : جلال الدرعان المنتدى : منتدى التاريخ والتراث العربي
افتراضي رد: قصة وقصيدة ..الثانية !! تفضل !!

جلال الدرعان

كم وكم انا من معجبيك وانت استاذى واتشرف بان اتعلم منك الشئ الكثير واعتز بمزاملتك فى ثانى منتدى وها انت تتوهج دائما كاعدتك . لك فى عالم الابداع النصيب الاكبر . رجل يجمع مابين الاخلاق العالية والثقافة الواسعة والذائقة المتفردة بصور الاناقة الادبية . هذا هو جلال الدرعان كما عرفتة وسوف يبقى كماهو . قصة وابيات غاية فى الجمال تابعتها واستمتعت بقرائتها . شاكر ومقدر لك اخى ... اتمنى لك حياة سعيدة وراحة بال لايشوبها شوائب الدهر .. لك منى اجمل الدعوات واطيب المنى ...


















توقيع : عوض بن خميس

عرض البوم صور عوض بن خميس   رد مع اقتباس

قديم 27/08/11, (02:37 PM)   المشاركة رقم: 7
المعلومات
الكاتب:
جلال الدرعان
اللقب:
مشرف منتدى الخواطر والقصص

البيانات
التسجيل: 17/12/10
العضوية: 6107
الدولة: الجبيل
المشاركات: 1,418
بمعدل : 0.29 يوميا
معدل التقييم: 43
نقاط التقييم: 541
جلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدودجلال الدرعان مـــبــــدع بـــلا حـــدود


الإتصالات
الحالة:
جلال الدرعان غير متصل
وسائل الإتصال:

كاتب الموضوع : جلال الدرعان المنتدى : منتدى التاريخ والتراث العربي
افتراضي رد: قصة وقصيدة ..الثانية !! تفضل !!

اقتباس:
المشاركة الأصلية كتبت بواسطة عوض بن خميس
جلال الدرعان

كم وكم انا من معجبيك وانت استاذى واتشرف بان اتعلم منك الشئ الكثير واعتز بمزاملتك فى ثانى منتدى وها انت تتوهج دائما كاعدتك . لك فى عالم الابداع النصيب الاكبر . رجل يجمع مابين الاخلاق العالية والثقافة الواسعة والذائقة المتفردة بصور الاناقة الادبية . هذا هو جلال الدرعان كما عرفتة وسوف يبقى كماهو . قصة وابيات غاية فى الجمال تابعتها واستمتعت بقرائتها . شاكر ومقدر لك اخى ... اتمنى لك حياة سعيدة وراحة بال لايشوبها شوائب الدهر .. لك منى اجمل الدعوات واطيب المنى ...




هلا بك اخوي وصديقي / عوض خميس
يعجز لساني عن مدى شكري لكـ ولتواصلكـ الدائم على كل ما اطرح فانت عزيز وغالي
صداقتكـ شرف اعتز بها وكلامكـ الجميل هذا وسام على صدري من شخص
غالي والله يرفع قدرك اخوي ويسعدني مرورك الراااائع وكل عام وانت بالف خير يارب
وكل الشكر لك وتقبل مني خالص احترامي
كن بخير


















عرض البوم صور جلال الدرعان   رد مع اقتباس

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة: استضافة رواد التطوير
الساعة الآن (11:20 AM)


مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه