ابيات يتيمه ..

[محمد بن موسى]

ماعاش من يجرح شعورك ويزعلك=ولاعاش من يعرف وفاك ويخونك
انتي غلاك بداخلي كنه الملُك=وجيش المشاعر من غلاها يصونك
(....) وان عاش راسي لدللك=كله لجل خاطر غلاك وعيونك

[سعد النفج]

ابيات جميلة تسكن الرفوف ..
و هذه زاوية راقية تجمع ابداع الأبيات التي لم تكتمل ..
.

[سعد النفج]

ياليتني صندوق لأسرارك أحويك
و اشيل عنك همومك اللي بصدرك

اغليك و احبك و اداريك و احميك
لأني احبك و انت يا كبر قدرك

[سعد النفج]

اضيق لا و الله انا كيف ما اضيق

و اللي حصل هد الجبال الرواسي
قبل امس خانتني حظوظ و توافيق
و اليوم واضح للمخاليق ياسي
اصبر و ابيّن ضحكتي للمخاليق
لكن بعين الناس بان انحباسي
اضيق و العالم معي كنه يضيق

و يميل وقتي لكن امووت راسي

[سعود الخلف]

لاورب البيت ماني بك جهول
........................... مقسماً' بالله / ماني ظالمك !!

فاهمك لاشك أنت اللي عجول
........................... ماتميّز : من يعوم بـ عالمك

روّض الأعصاب لاتبقى / جفول
........................... ولاتبيّن جرح فيك / يألمك

بالصراحه / واجه نفسك ياخجول
........................... وحط نفسك بيت شعر وناضمك

[مزيد المزيد]

وجدت ابيات يتيمة قديمه
فرغبت كتابتها في هذا المتصفح المليء بدرر الشعراء الرائعين ..

ياصدري استح عيب لاتطري العيب =واكتم مشاريه الغلا في ظلووعك

ـــ ـــ ـــ ـــ ـــ ـــ

الناس لامرضت تضيق وتغير = وانتي حلاك يزيد وانتي مريضه

ـــ ـــ ـــ ـــ ـــ ـــ

اكبر نجاح انك تصلي لربك =تخلص له النية وتنعم حياتك

يرتاح بالك والخلايق تحبك =وتفوز بالدنيا ولحظة مماتك