ياطول ليل التعب والحزن والضيقـه
عيت تعدي ثوانـي ليلـة احزانـي
من غابت الشمس عاف الطيرتحليقه
وانا من الغـي لامجنـي ولاجانـي
ضاع الامل بين تجميعـه وتفريقـه
واستاحش الشعر لاعيـا ولا جانـي
ياليل مـال الامانـي غيـر تحقيقـه
مع ان (حلم العمودي) جدا انسانـي
وثقني الشعر قبـل احفـظ مواثيقـه
واليوم في رحلة المجهـول وحدانـي
ياطول بالي على اللي كنت مااطيقـه
وياقصر بال الطموح اللـي تحدانـي
اعن له هاجسي وانخـى طواريقـه
واثر المسافات تذكرنـي و تنسانـي
سرّيت واخرجت قلبي مـن معاليقـه
ورميت روح المشاعرقبـل تحيانـي
الي متى يـرزم الهاجـوس واعيقـه
خله يذر السفـى بوجيـه عدوانـي
جاملت هذا الزمـان اللـي مخاليقـه
مابيـن متشـدد الاريـا وعلمانـي
افكار تهدردما الاحسـاس و تريقـه
احصد ذنوبي وانا اللي زارع احساني
ضحيـة المجتمـع كذبـه وتلفيـقـه
يوم ان كلٍ رمى حمله على الثانـي
تركت بيض النوايـا ناشـفٍ ريقـه
في موطنٍٍ سدفقري بـس مااغنانـي
(( منقول للشاعر سعيد العمودي ))
21/11/09, (11:33 PM)
وثقني الشعر قبل أحفظ مواثيقه
العرض العادي
