العلم شوف العين سيف وسله / قصيدة مدح بأبطال حائل للشاعر بشير النزال - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز السعود** · 25/05/09, (02:03 PM)

السلام عليكم ورحمة الله وبركاته

الأخوة الكرام ..

العمل البطولي الذي قام به الشجعان الثلاثة

سيف الشمري ورشيد الهمزاني و عمر الفقيه

لم يمر على الشعراء مرور الكرام ..

فهنا ( أبدع ) شاعرنا الكبير /بشير النزال

في مدح هذا العمل ووصف الموقف ..

القصيدة جديدة ..

العلم شوف العين سيف وسلـه=ورشيد قلـه يالصميـدع قلـه
وثلث على عمر الفقيه الباتـع=ثلاث يالستـرة اخـوان الملـه
عمر ٍ كتبـة الله لـك بيديهـم=يوم البشر طقت اركبهـا الذلـه
ظول ٍ يسد الشمس من مشرقها=اشناب وأجسام ٍ عليـك مطلـه
اللي دعالك بالنجـاه واقـف=واللي يصور والحدث فطنٍ لـه
قد بلغ السيل الزبى فاجهشتـي=من منقذي وأعمارنـا بيـد الله
الناس فيها قلوب تنبض رحمـه=والعمـر غالـي مـا نلّـوم لله
كلن يبي يابنـت يفـزع لكـن=السيل من ياقف بوجهـه شلـه
هنا يكون الفرق فرقٍ واضـح=وين القلوب الصامـدات القلـه
يابنت لو ماها الثلاثـة منهـم=رحتوا بموتركم خليـلٍ وخلـه
على المنايا ذب روحـه يمـكَـ=سيف النماصي سيف فعله سله
فتح عليك الباب وانـتِ جيتـي=جلمود صخرٍ منحدر مـن تلـه
ولقفك منحوف الجسم بيدينـه=وغطس معك سيف السنافي كَله
ورحتوا درو سيلٍ عرموم هادر=من ينقـذ المنقـذ فدلـه دلـه
حتى أنبراء للصعب صعبٍ صامل=تقـول كبـده للمنايـا مغـلـه
رشيد مسطور همـزان وثلّـث=بالسيل بس السيل معهـم تلـه
مصيرهم اصبح مصيـرٍ واحـد=ولاظلٍ الا اللـي عليهـم ظلـه
السيل فرّقهـم ورحتـي منهـم=شتتهم الهـادر شتـات الحلـه
وحظر على الموعد عمر ينقذها=خبير غوص وخبرتـه تذعنله
القلب صندوق الضلوع يشيلـه=ثوبه عن المـاء نزّلـه لايبلـه
وغطس ويوم الله كتب بيديهـم=عسى يمانيهـم ماهـي للعلـه
انقاذ من ماتت وربـي احياهـا=بيدين من صعب العقود تحلـه
نوط الملك عبدالعزيـز الحاكَـم=يستاهلون من الملكَ عبـدالله
ملكينـا فـي فعلهـم كرمهـم=وكلن بفعلـه موقفـه سجلـه
ولـي عهـد المملكـة كافاهـم=سلطان عل الله يبـري علـه
ونوط الشجاعه بامر نايف جاهم=ماكل رجل النـوط ذا يحصلـه
وبامر الامير محمد بـن نايـف=توطيفهـم والترقيـة تكفـلـه
من قدهم عمر العمر مايرخـص=مايرخص الا يوم ياتـي حلـه
واهل الفعل وقت الرخاء الكذابه=اللي يهايط في حضـور الشلـه
قولوا لهم محدن جبرهـم لكـن=يبقى الشجاع اللي يدوس الملـه
جابتهـم استنجـارة المكلومـة=وجوها حمية والرجـال جبلـه
ماهو مهايط موت مابـه مابـه=فعـلٍ يقّّـدرة الرجـل ويجلـه
لكم التحايا من سلايـل وايـل=معجب يفعـل النادريـن القلـه
ثلاث يابنت الرجـال اخوانـك=ثلاث ياستـره اخـوان الملـه

للتحميل اضغط يمين الماوس ثم حفظ باسم

للأمانة الموضوع منقول من منتديات الرائدية

**فهد السلقاوي** · 25/05/09, (04:22 PM)

شكرا لك

وشكرا لشاعر بشير النزال

على هذه القصيده الاكثر من رائعه

اخوك
فــــــdــــهــــــaــــد الســـhـلــــaـــقـــfـــااااوي

**سعود المسعودي** · 25/05/09, (10:35 PM)

شكرا لك

وصح لسان الشاعرالقديربشير النزال

على هذه القصيده الاكثر من رائعه

**حمد الخمعلي** · 26/05/09, (03:12 AM)

الاخ الغالي عبد العزيز السعود0

صح لسان الشاهر بشير نزال العزي على هذه الرائعه التي لاتستغرب على امثاله0

عبدالعزيز الف شكر لك على النقل وتسلم يمينك0

احترامي

**أبو غرام** · 26/05/09, (06:54 PM)

الف شكر لك اخي على جميل نقلك

صح لسان الجميع منكم

دمتم بود

**سليمان الجعفري** · 29/05/09, (01:59 AM)

الاخ الغالي / عبد العزيز السعود0

صح لسانك ولسان الشاعرالكبير/ بشير نزال العنزي 0

على هذه الرائعه التي لاتستغرب على شاعررائع مثله0

الله يعطيك الف عافيه على النقل المميز تسلم يمينك.. لاهنت

تحياتي واحترامي

**حـــور** · 31/05/09, (01:35 AM)

الله يعطيك العافيه
ولاهنت