قصيده للشاعر سيف ابن ماضي الحكره المرشدي الروقي العتيبي
هاض قلبي ضهر قبل امس يوم اذن نصيب=قال جاكم صايح ستر راسـه فـي عصـاه
ثم توضينا من الما علـى جـال القليـب=ثـم صلينـا جماعـه وعجلنـا الصـلاه
يوم جتنا لنها بنت ما قـد جـت بصيـب=كن حب انهودها فالنحـر جمـرة غضـاه
قلنا ويش العلم يابنـت والتبريـج عيـب=قالت ان المال يـا لاد روق اقفـي عـلاه
يوم جانا صايح البـل وحنـا نصتصيـب=قصدنا قـل الجماعـه وكثـر اللـي وراه
والله انك تزهم الرجل بسمـه مـا يجيـب=مغلقن درب النسم زرمـة مثـل الحصـاه
ثم ركبنـا كلنـا فـوق عجـلات الهذيـب=واحدتهن قـد طلـع قرحهـا وهـي فتـاه
زادهن الدر والقـرص وغمـور الرطيـب=لان راحـت وحدتهـن تشـادي للمهـاه
ثم جا مفزاعهن سيرتـه وامـره عجيـب=يوم يا طن الدعـث كنهنـه مـع صفـاه
سبعة والكل منـا علـى مثـل القضيـب=طاير من كف راعيـه يطـرد لـه قطـاه
سبعة كم فرقوا من حبيـب عـن حبيـب=سعد منهو لاذ فيهـم يبـي درب النجـاه
جعل ذرعانن لحقنـا عليهـا مـا تعيـب=الحذا فيهـن مـا وحـده تشكـي حفـاه
يوم جيناهم اليا شيخهـم رايـه غضيـب=مير خلينـا الرمـك بالحـذا تاطـا عـلاه
يوم قسمهم صليبيـن جينـا هـم صليـب=جـا يبـا خيبـة رجانـا وخيبنـا رجـاه
ما درى انا فالملاقا عمـا عيـن الحريـب=كل معلوقـن ننوشـه نجـذه مـن عـراه
كم صبي طاح رايحـت اعضامـه حطيـب=ما تثور المـارت الا بعـد تلمـس قفـاه
لين نطلان الجنايز غـدا مثـل الخشيـب=مثل نطلان الخشب في بـراح ارض فـلاه
ويا ذيابة كشب والخـال وذيـاب القليب=انحرن هكران عان الولايـش فـي قـداه
ثم عد الضلع يالذيـب واشهـر بالقنيـب=لين ما في ضلم من ضبعة تـوح العـواه
وكل من الجيش المذبح وغب من الغبيـب=ومن وراه اجرا من المجحره يدعي اجراه
احمد الله يوم صـار الفـرج منـا قريـب=ثـم لطمنـا عيـون العناتيـت الطـغـاه
هجمة من عهد عالـي وشبـاب وشبيـب=من جنبها ما تلاها الصبي ساحب عصـاه
هجمتن وخذت لبرقا مـن المفـلا عزيـب=طا مع فيهـا حريـب رثعنـا فـي شـواه
يا هبيل الفلـب حنـا كفايـة مـن يغيـب=دون وبرات العشاير نرد حـوض الوفـاه
شيمة اللي يوم جا الوقت تعطينـا الحليـب=يوم لاذ الـزاد مشروبنـا تحـت الرغـاه
هي عدايلنـا المقيمـه اليابـار الصحيـب=يوم كل اصحيب كذب يبـور بمـن نصـاه
والردي يالبيض عيفنه ان جاكـن خطيـب=امسح راس المهبا وجـوزن مـن نمـاه
لو قضا الحاجات بالليل من خذتـه تخيـب=حيث فرخ الكندره ما ينومس مـن غـذاه
ويا وجيه الخير من يقبل الرخمـه نسيـب=كيف يرضا بارد العزم يبـزغ فـي نسـاه
وخاتمة قولي صلاتن على وجـه الحبـيب=الرسول اللي عليه انزلة فـرض الصـلاه
14/10/09, (01:54 PM)
هاض قلبي ظهر يوم امس يوم اذن نصيب
العرض العادي
