يالله يامشفي الجسوم العليلة =ياللي خلقت من العدم كل وجـــــدان
خلقت مخلوق وعينك تخيله =مابين كاف ونون كونت الانســان
أنت الذي رزق الخلايق كفيله= يارافع سمك السماء دون عمدان
أدعوك بأ سماك العظام الجليلة=يالجود لمأجود ياجزل الاحســان
ياواحد ماغير عفوك وسيله =لقدرتك عبــــــــــــدك فقيرا ومنــدان
أحمدك يالمعبود ليه قبيله =ربعي هل الجدعا سلايل سليمـــــــان
قصيرهم ظل المعزة مقيله= يمشي طويل الرأس من غير حقران
أن جاء نهارا ساعة به طويله =ملكادهم يشبع به الذيب سرحـــان
الخيل بالفرسان يرهق صهيله =غاب اليقين وحاضر كل شيطان
ربعي مروين السيف الصقيلة= جعافرة عند القبائل لهم شــــــــأن
ياما ارملوا بافعالهم من حليله =وساعدهم الايمن خلايف عليـــان
اللي جهل يسمع عقاب وجيله =ينبيك عنهم حاضر الفكر فهمان
هرج صحيح واضح لك دليله =محمد الاحمد بعثهم بديـــــــــوان
ذاك السديري ماعلومه هزيلة=حرا تربى بالمعالي ورفعــــــان
ماولف الا ضو ذكر حكيلة =قول على قول تقول العرب كــــان
لولا أجواد الناس ماله عقيله =تاريخ عوق الخيل شيبا وشــــــــبان
خيالنا لو تسألون الكحيله =تشهد لنا صمك الرمك والخفي بــــان
من لابة تزبن دخيلا يجليه =دخيلهم عن واهج الشمس ينصــان
أولاد وايل كاسبين النفيله= والهرج مايثبت على غير برهـــــان
هل الفعول الطيبة والجزيله =وايل لهم بالمجد منزل ومسكـــان
عدوهم يسقونه الحنضليله =يجرع من العلقم قراطيع ويهــــــان
يوم البرى رده عميل لعميله= الجمع يزبر والوغى بينهم حـان
نشت بها سحب المنايا المخيله =بمصقلات الهند ومزرج الزان
الموت يزجر واحمر الدم سيله =وربانها قب تصاهل بفرــسان
تلاحمت بين الخصيمين خيله =الخيل تنهم والعريني بالايمـــان
معاركا دارت رحاها مهيله =تصرخ بها خضر النمش واللغا شان
خيالنا تاطا الحوافر قتيله =اليا سمك عج الرمك خلف الاضعان
اليا عثا بالخيل فعله فصيله =سيفه الهامات المناعير ديــــــــــان
ملكادنا يشفي الطنا والغليله= تشهد لنا جرد السبايا بالاكــــــوان
وذيقار شاهدنا وغيره مثيله = ارامل المنذر حماها ابن شيبان
المنذريه يوم جتنا دخيله =حنا زبنها يوم لوذات الاذهـــــــــــان
جتنا تسوقها البلاوي ذليله =وعدنا لها مجد الشرف بعد الاحزان
حنا كسرنا جيش كسرى وفيله =وعما نوى حنا جزيناه حرمان
حنا ها الجمع الذي ينعني له = نكسر جحافل غازيا شن عدوان
ماننهزم عن حقنا مستحيله =وحنا نفرق بين خل وخـــــــــــــلان
حريبنا يجرع قراطيع ويله =يشكي غلايل فعلنا راح ندمــــــان
بالمعركة نجزاه بأشنع سحيله = نكسب مفاخير المعارك بميدان
عبرت عن عصر ورثناه نزيله =يوم الفرس والسيف وعنان وسنان
والناس كل صاع حق تكيله= ماهي مذمة للفبايل وبهتــــــــــــان
كلا على حمله صبورا يشيله= اثبت على ماقلت والفعل سلطان
أفعالنا عند المْورخ نبيله =كلام ابن كلثوم يثبت بوكـــــــــــــدان
اليا نوانا جاهلا نعتنليه= وبجهلنا نجهل على كل جهـــــلان
اليا انهضم راع الضلوع الهزيله =تلقى فعايلنا جزيلات وسمان
اجموعنا بالحرب ماينقويله = دسنا رواسيها وسدنا بالاوطان
سدنا الجزيرة ونعدل ميل شيله =وحنا جعلنا كل قاسيا ليــــــــان
من شرقي البحرين لحدود نيله =نامر وننهى مانداري بها أنسان
وايل سلاطين العرب تنتميله =ومنا كليب اللي قطع رأس حسان
ومنا بطل ذي قار مزبن دخيله =وحتى عمر والزير بالاصل ويلان
ومنا المثنى قاد جند بسيله =جيش عرمرم يوم تحطيم الاوثـــــان
يوم سهومه مثل وبل الرفيله =والسيف من سفك الحمر ذاك رويان
ومنا الملوك اللي خطاهم ثقيله =اسياد تعرب من قديمات الازمان
ستر العذارى ناقضات الجديله =ماعقبه مفرن على الحق عيــان
أفعالهم شر الضغانين تزيله =تقضي على حاسد وظالم وفتـــــان
المقرني من عزوة نعتزيله =عن الجزيرة زاح ظلم وطغــــيان
عبدالعزيز اللي قمع كل عيله =رام المعالي واعتلا المجد بمكان
حتى بحد السيف جوه صفيله =وسبع الخلا من الخوف مايقرب الضأن
هو الذي شكر الثنا يستويله =تنشر له البيضا على راس مابـــان
ومنا الصباح اللي بهم عدل ميله =بطرافهم يعيش عايب وعجزان
نفوسهم بالمال ماهي بخيله =صباح والاسرة مجاذيب عقبــــان
ومنا الخليفة عز من يلتجيله =هل الصخا والجود عطبين الاطعان
شيوخ لهم بالضد حيل وحيله =حكام بالبحرين لهم الهــــواء زان
ومنا مصوت بالعشاء كل ليله= يزهم بعال الصوت لمن كان جيعان
اللي يصوت بالسنين الوخيله =بيته ينادي بالكرم كل الاحـــــيان
ومنا الدريعي يوم يسحب صقيله =سيفه يشيل الراس من فوق الامتان
لعيون حصه مايمصه نجيله =ماعاد يتلى الخيل مهرة ولاحصان
ومنا عقاب الخيل مرذا الاصيله= ومسكت الورع العجي وابن هزان
هزازنه والمدح فيهم نحيله =ان جاء نهار فيه رجف ورنــــــــان
وجديع ابن هذال مابه جهيله =وساجر مسوي للنضا سبت صفيان
وبرجس غدير الموت حامي الدبيله =وابا الشيوخ ليا توشح بشامان
وكنعان يعجب خفرة ينتخي له =وابن سمير اللي وراء ضلع حوران
ومنا اخو جحله فارسا ينوحيله =تعرف ملا كيده ليا طار الايقـــــــــان
والسيل يجري مع مجاري مسيله =وقولا بلا فعلا طعن فيه مشعان
وهرج بلا صدق قليل حصيله =والهرج ماقل دل وذكره قبل راكان
والهرج يكفي عن كثيره قليله =ماقلت زود في كلامي ونقصـــــــان
قصيدة شاعر عنزه الكبير / الاسمر الجويعان رحمة الله عليه
28/04/05, (04:05 PM)
الملحمه الوايليه.... للاسمر الجويعان
العرض العادي
