***صوت الرساااااااله***

[ماجد الغانم]

تحيه عطرة لقلوبكم النقيه
وأليكم هذه المتوااضعه التي اتمنى ان ترضي ذائقتكم
....
.
.
.

كنت احسب/ن صوت الرساله يذكرك = وتردلي ياصاحبي ابرساله
في شاشة الجوال جالس ادورك = ودي بشيٍ منك واضحك قباله
لوهي رسالة فارغة ما تخسرك = تسعد بها قلبي وتكسب وصاله
وترفع رصيدك وسط جوفي ووفرك= وحفظك مثل اللي حفظ راس ماله
واخذك رمزن في حياتي وشفرك = ولحدن ينول الرمز لو طال باله
وتبقى عشير الروح ماني بمنكرك = لو انكر الاب الحنين عياله
هذي الحقيقه ياهوايه وبشرك = مافيه غيرك تل قلبي وناله
وان كانها للشّعر بكتب وصورك = واكشف لك احساسي وتصوير حاله
وتصبح قصيده بين الاضلاع اسطرك= من شان نسيانك يصير استحاله
وحفظك في جوفي ولاني بناشرك =وحقوق نشرك مالها من وكاله
نعم كذا باجيك كلي واقدرك = اللي مثل قلبك وجوب اعناله
وفك قيدك من همومك وحررك = وتشوف عندي كيف مبدا العداله
هذا شعور القلب جالك يخبرك= غصب/ن لفظته في لساني وقاله
ودامه تأخر ردك اليوم بعذرك = واقول انا الأرسال مبعد مجاله
ولاني مدورلك كلام/ن يكدرك = وان مانفع عذر/ن ادور بداله
لكن يمر بخاطري وش مأخرك = ماتدري ان البعد صعب احتماله
ليتك تجاوب من بروحه معاشرك = وقلبه من الأشواق لك حيل واله
هل هو جفا والا هو الظرف مجبرك = تكفى حبيبي جاوبه عن سؤاله

(وسلاامتكم )

[مسعد النافل]

صح لسانك مدد بلا عدد
وسلمت يا ابو غانم
قصيده تعبر عن معانيها العذبه ومن الصعب اقتباس بيت او بيتين لان كل بيت اروع من الاخر
ولي شرف السبق با الرد على هذه الفاخره
تقبل تحياتي

[سعد النفج]

ماجد الجعفري

شاعر و مميز في طرحك.. صح لسانك يابو غانم

مشاعر و احاسيس فذه بأسلوب ماجد غانم الجعفري..

الله يعطيك العافيه يابو غانم..

[نافع عيد الجديد]

الاخ العزيز ماجد الجعفري

صح السانك ملايين

ابداع وتالق تعانقه الجزاله


تقبل احترامي ومودتي

[صالح الجطيلي]

لا جديد ياماجد دائما في سما الابداع

صح لسانك واعتلا شانك

دمت بود واسأل الله لك التوفيق

[الصقار]

ودامه تأخـر ردك اليـوم بعـذرك
واقول انا الأرسـال مبعـد مجالـه
ولانـي مدورلـك كـلام/ن يكـدرك
وان مانفـع عـذر/ن ادور بدالـه
لكن يمـر بخاطـري وش مأخـرك
ماتدري ان البعد صعـب احتمالـه

ماجد الجعفري
قمه الابداع ..احساس جميل ..

شعور نبيل ..

دمت ودام هذا الابداع ...

تقبل فائق تقديري

[سالم صالح]

الشاعر الرائع والمبدع


ماجد الغانم الجعفري


صح السانك دائماً وانت متجدد بطرحك وباسلوبك ومعانيك الرائعة

قصيدة كان لي شرف الاستماع لها سايقاً ولكن روعتها اجبرتني على قرائتها والتمعن فيها فكل بيت يعتبر جوهرة غالية

فالله در فكرك وبنات افكارك التي انتجت هذه الفاتنة

تقبل تقديري واحترامي