حروف متناثرة ارهقهاا الزمان

[محمد بن موسى]

.
.
.



البنت واجب على طبعك تداريها
................لو مابكت تخفي الدمع ( إبتسامتها )

وأحيان عادي ( تزعلها وترضيها )
................لو تشتكي عند ( خالتها ، وعمتها ) :-

إذا إزعلت قصدها وشكثر تغليها ؟
................وإذا رضـت ، لا تحلفـها بـ ( بذمـتها ) !

مادامها إتشوفك ( الدنيا ومافيها ) ؟
................سوّ ماتبي بـس ( لا تجرح كرامتها ) !

[محمد بن موسى]

في منتدى الويلان ذربين الايمان=قررت اشارك لابتي في حضوري
وانشد واغني من جزيلات الالحان=ابيات نزف(ن) من فرايد شعوري
عهد(ن) على لولع القسم نيران=واثري سماء صفحاتكم من سطوري
واكتب واسطرلي من المجد عنوان=ولافيه قسم الا لمحتم مروري
دامي على حرفي وللقاف سلطان=اصبح وجودي في سماكم ضروري
ودامي وسط ربعي فلاني بندمان=اقولها صادق بصوت(ن) جهوري
دامي وسط ناقد وشاعر وفنان=ابنتهز فرصة لقااي وظهوري
منهم نبي ناخذ للأبيات ميزان=وارضي بشعري لابتي مع غروري

[محمد بن موسى]

مدآمْ إنّك ملكتْ القلبْ وعرُوقه ( يلبُونك ) ..
تمخطَر بالحشآ " لبَى " حشآيّ وكُل ما فينيّ ..!

[محمد بن موسى]

:





والله ,
ماودي عن اللي ودك ,
اردّك ,
لكن هذي الظروف .. الله يسامحها ,



أختارت
أشري بعادك وأقنع بـ :
صدّك !
وأخترت .. أحلل محبتنا وأبايحها ,



هذا نصيبك , لو أنه ماهو بـ :
ودك ,
إقنع , ودمعتك ( تكفى لا تطيّحها ) ,



ما أصعب من مشاهد الدمعه على خدك :
الا .. أني أشوفها - ولا أقدر .. أمسحها

[محمد بن موسى]

.
.
بٌرد على ( ضو كبـدي ) ياهـوى الغربـي
النفـس مستاجعـه والعـيـن مشتـاقـه

فارقـت مخلوق . ومفـارقـه مأثـر بـي
ولا كل مخلوق ! بستاجـع مـن فراقـه

مالـي عـذر ! لـو بجامـل واتعـذر بـي
ومالي بعـد ذنـب ؟ ولا فـي يٌـدي طاقـه

تكفى يا ( سرب الحمام) برحلتك سر بـي
خذني من الأرض ,, صوب الغيم وآفاقـه

القلب ( جمٌـر ) وأرب السحـب تشعر بـي
يمكن !! ( براد السحاب) يطفـي اشواقـه

[محمد بن موسى]

ياخي عليهم يالسنافـي حركـات
.............................يتصنعون الطيب والثقل تصنيـع
مثل الذي يحرص بكل الصلاوات
...........................وعلى نجاسه للأسف جهده يضيع
ماينفع التزييف يابـو الذهانـات
...........................خلك على طبعك طبيعي يابو طبيع
اصدق وكن صادق بكل العلاقات
.............................ولاتنتظر من نايد الخلق تشجيـع

[محمد بن موسى]

تَعَبت أشيـل الهَم عنّك وأداريك
________ وإنتَ همومي ثقلَهَا .. ما يهمّك !


لا ياحبيبي ، هالزمن لا يخليك
________ تقسى على قلبي وتسقيه سِمّك !


[ دِنْيـَاكْ ] هذي , لا تغيِّر مباديك
________ مهما إستِطَعت الظُلم خلْني أضمّك !


ماهي غريبه من يذمِّك يماشيك
________ لكن غريبه يمدحِك من يذمّك !!


ما كل واحد غاب معناه ناسيك
________ بعض البشر ينساك لو كان يمّك !


أدري تعِزْني .. اللـه يعِزْ : غاليك
________ وإن كان لي عندك معزَّه بـ أشمّك !


في خاطري كم كلمةٍ عن تجافيك
________ ولا شفت دمعاتي إنزَلَت حط كمّك !


إسمك حبيبي ويا كثِرها أساميك
________ وقلبي يفز ، إن شاف حزنك وغمّك !


ليتك تحس في ضيقتي يوم أحاتيك
________ أحرق لك أعصابي .. وما حَس دمّك !


غايب بدون أعذار .. ربِّي يجازيك
________ عطني سبب مُقنع حبيبي .. وألمّك !


همِّك , جنونك , ضحكتك , كل ما فيك
________ صوتك , سكوتك , وأرجَع أقول : ( هـ مّ كْ ) !


[ لبيــه ] منِّك ، غيييير .. لمَّا أناديك
________ كنْ | الكلام العَذب | ... مرساه فمّك !


أبوك , خالك , إختك , أخوك , ماضيك
________ ربعِك ، جميع النـاس, وعيال عمّك !


شايف غلاهم ؟ والله أكثر ، أنا أغليك
________ واللِّي وِصَل ( نِص الغلا ) يمكن أمّك !