**لــــــــوحــــــــة ويـــــــــــلااااااان الـــشــــــعــــــريــــــــــــــة **

[ماجد الغانم]

اهلا فيك وحياااك الله اخوي سعد

واكيد المبدع والشاعر علي السابل صاحب حضور مبهر ورااقي
شكراً لك على هذه اللمسة الجميلة ابو شايش

..................

وهنا لمسة من احساس الشاعر القدير

زياد الشمري



سلام ياأجمل ميادين المحبه والغرام
.................=ياللي لك القلب الوفي سلم مفاتيح الغلا

ياللي غرامك داخل الأعماق يهديك السلام
...................=ويبلغك خالص تحيات الموده والولا

الحب جارف والمشاعر حركت موج الهيام
.............=والمشكله بالموج لامنه على المركب علا

والحمد لله موجنا هادي ولا فيه احتدام
...............=والجو صافي والسما غيمه تولا وانجلا

من راقب الله واحتسب يجزاه من بعد الصيام
.................=واللي تمادا بالخطا بين الخلايق يبتلا

صح لساانك يابو طارق

[ماجد الغانم]

لمسة باحساس المبدع

والشاعر

صالح الجطيلي

يـــاما كتبنـــا بـــا لفراق الدواويـــــــن
......= ويـــاما دمـــــوعـــي فــوق خــدي تهاوت

خلاص يا خلــــــــــي على الدوم لا تجين
.....= خــــــلك على راحـــــك حيـــاتـــي تساوت

امنــــول أعشقــك ولا شـــــك ها الحين
......= مــــــاهمنـــي فــرقــاك قلبــــــــي تماوت

كــــــم قلت لك خلك معـــــي لا تخلــــين
.....= فــي يـــــوم غدرن بــــه ذيـــابك تعـــاوت

مليت اعيش الغـــــدر مـــــع طبعك الشين
= مليـــــت حب بـــــــــه غمـــــوض مـتـفــاوت

[ماجد الغانم]

لمسة من احساس الشاعر القدير

وسندباد الشعر

مصلح النشمي(عمر غربي)

وكل ما قال خلي قلـت حـب و وفـا
.....= "سم" " لبيه" و"ابشر" واللي تبغى تنـول

وكل ماقال" تكفى" قلـت "تكفـى" كفـى
..........= تنزع الروح" تكفى" كلمـا جـا يقـول

اجمل الدرس وجهـه منـور ماطفـى
........= واشطر الفصل رمشه رغم انه كسول!!

وفي شفاته يموت البرد باجمـل دفـا
............= والربيع بخدوده ياخـذ اربـع فصـول

السـواد بشعرهـا كنـه اسـود جفـا
.............= والبياض بنحرها كنـه ابيـض فعـول

[ماجد الغانم]

هنا لمسة من ا لمبدع

عناد الغريب

بعض الكلام يضيق الصدر ياشوق=والصدر من ضيقه تضيق الحناجر
الهرج واجد لكن الصدر صندوق=ثلثينها يذبح وثلثٍ يهاجر
ماكل كلمه تنطري داخل السوق=ولا كل من يوجد بها السوق تاجر
لا تحدني لاقصاي خل العتب فوق=ياللي تعديت العتب للمشاجر
لو خنجر عتابك لها جذع وعروق=يافال كفك من نبات الخناجر

[ماجد الغانم]

وهنا لمسة
من احساس الشاعرالمميز


بدر الخلاوي



سلمت له قلبـــــي وكلــي وبايـــــعت
.... .......................واخترته الغـــــالي وهو مثلي اختار

شخصن ليامنـــي تذكــرته اسمـــــعت
.... ........................صم الحجر شعري وبكيت الاحجار

والا انت جيت اليـوم والـيوم ودعت
.... .........................مثلـك مثل غيرك من الناس زوار

[ماجد الغانم]

لمسة من احساس الشاعر

محمد بن موسى

الحب ماينعرف طيشه على غيه=دايم وناره ماتحرق غير واطيها

لكن مادام الهوى في حب ريميه=تهون لجلك بيوت الشعر نبنيها

ان كانها طيب وسلوم(ن) قبيليه=نرضي اهلها وتنعم في حسانيها

وان كانهم يطلبون ريال مع ميه=نفني لعينك ملايين(ن) ننميها

وان كانها بالمقاشر نارنا حيه=لعيونك نجيب اعاليها بواطيها

[ماجد الغانم]

وهذه لمسة من احساس الشاعر

صبيح العوض

ماللمجامل بعض الاحيان داعي=حتى لـــــــــونه ميزتن ماتكلفك
ياصار ضحكك مع رفيقك صناعي=ضحك على درب الخطا مايشرفك
واللي عن دروب المشاكيل ضاعي=لاتحســـبه ياصاحبي من ماعارفك
شخصا كلامه مثل ســــم الافاعي=ياراح من عندك يحــرف ســــوالفك
واللي على الطولات مـد الذراعي=هـــذاك خلــه دايمن في طــــــــوارفك