<<<<طعنة غدر بضلوع شيخٍ يصلي<<<< - الصفحة 3 - °~*¤®§(§ شبـــكة ويــلان العـربـيـه §)§®¤*~ˆ°

**صالح العرجان** · 13/05/06, (08:32 AM)

اقتباس:

المشاركة الأصلية كتبت بواسطة محمد المقبل

أيها الأخوة والأخوات أعضاء وزوار شبكة ويلان العربية إليكم هذه القصيدة التي تحمل بطياتها الحب والتقدير للجميع ،،،،،،،

تقول مدري كيف وشلون وشلون = وشلون تدري كيف وشلون قلي
قلي وانا عندي لك العلم مضمون = مضمون عن لفات الأيام يالي
يالي تبي كل العرب فيك يدرون = يدرون فيك إنك تروح وتدلي
تدل درب ودرب وعيون وغصون = غصون سدرٍ تلها السيل تلي
تلت إحبال طوال من قبل ينحون = ينحون عن عدٍ قراحٍ يسلي
يسلي اللي مع هل العرف يمشون = يمشون بالبيضاء وانا جيت أهلي
هليت أرحب والتراحيب مليون = مليون ماتكفيك يافاطنلي
يافاطنلي للبشر عدة عيون = عيون تنظر نظرة العرف باللي
باللي يميز بين صاحي ومجنون =مجنون صاحي بس مايستدلي
مايستدل إن قلت بشويش بالهون = بالهون لو تربط ترى ماتحلي
ماتحل والمحتل بالقدس صهيون = صهيون حل بدار الأعراب حلي
حل وتمركز والعرب وش يقولون = يقول من يسمع من القول ملي
مل وتشاءم كيف للظلم ينسون =ينسون ظلم الظالم المستحلي
المستحل وسيف الإسلام مسنون = مسنون لكن فاالذبابه محلي
محلي وحنا بين طاعن ومطعون = طعنة غدر بضلوع شيخٍ يصلي

مهي غريبه غيرتك على الدين

وليس لروعه حروف القصيده الا نقاء قلبك الصافي

من زمان عن هالطاروق. دائما تاتي بما لا ياتي به غيرك

**محمد العايش** · 13/05/06, (12:14 PM)

محمد المقبل صح لسانك وذكرتني بشعرا الجزيره العربيه الجزل والله الطاروق لمحمد القاضي وبن سبيل والمجماج
وقد اندثر مع الشعر المرصوص الذي يحسنون تلميعه من الخارج فقط .
ولاكن والله انك اجزلة القصيده ويعطيك العافيه
اخوك محمد العايش

**الضامر** · 13/05/06, (12:39 PM)

هذه أول قصيدة أتصفحها للأستاذ/ محمد المقبــــــل
ما أخفي عليك أنها أجبرتني على البحث عن جميع مشاركاتك .. مازلت أبحث ...
سجل اعجابي الشديد ..

تحياتي لك أيه الشامخ ..

اخوك/ الضـــومري