صحيح بالدنيا خذيت الصيت والشان الرفيع & ويكفي بأني من نسل وائل كليب التغلبي!!

[سالم صالح]

الاخ والشاعر والمبدع والناقد /سعود العواجي

انت فعلا مدرسة شعرية او جامعة للشعر باسم (جامعة العواجي للابداع)

فهذه القصيدة وسابقاتها لشخصك الكريم جميعها جزلة من جزل ففعلا انني لااستطيع ان اختار بيت بعينه لانها متكاملة ومترابطه وكل بيت اجمل من بيت

ولكن هذا البيت اعجبني لانه مربط الفرس لكل شخص يبحث عن الامجاد وليس من يتفاخر فقط دون عمل


ان الفتى من قال انا هذا هو الرجل الشجيع --------وليس الفتى من افتخر وقال قد كان ابي

ولكن المجد لاينقطع من نسل العواجي --------فالنادر مايجيب الا نادر ---------------


دمت دائما بهذا الحضور والابداع الذي يبهر فعلا ---------ماشاء الله -- ماشاء الله

[سلمان الردسا]

المشاركة الأصلية كتبت بواسطة سعود العواجي

قصيـده لعـلها تحـوز على رضاكـم واستحسانكــــــم ..

ياما حملـت من المتـاعب فــوق مالا استطيــع = حتـى شعـرت ان "الهمـوم السـود" هــدت منكبــي
المسأله ماهي بقـاف وشعـر وأسلوب ٍ بديـع = المسألـه لازم أجمــّـل صيـت ربعــي وعــربي
أما أقـول من القصـايد وأكسب أرضاء الجميـع = وإلا بـلاش استنـزف حضـوري..وجهـدي..وتعـبي !!
صحيـح بالدنيــا خذيـت الصيـت والشـان الرفيـع = ويكـفي بأني من نسـل "وائـل كليـب التغـلبي"!!
لكنـّي أقـدر اثبـت وجـودي ولايمـكن : اضيـع = دام أني اتبـع جمــلة ٍ قيلــت قـبـل "عهـد النبــي"
ان الفتـى من قـال : انا ..هذا هو الرجـل الشجيـع = وليس الفتـى من افتخــر وقال : قـد كان أبي !!
شـربت "دم المرجـله" من يوم انا طـفـل ٍ رضيـع = ولا انفطمــت إلا بعــد مادسـّم الطيــب ..شنبــي
من عـّدني صاحب فـلا اسوم بغــلاته أو ابيـع = دام " الغـدر" ماهـو بـ من طبعــي ولا هــو مذهبـي !!
واللي ذبـح لي من حـلالــه " شـاة" من ضمـن "القطيـع" = نــذر ٍ على نفســي أذا مااذوقـه "لحـم الظبـي"
وأغليـه والله مثل مااغلى "شالـح" أخوه "الفـديـع" = وأعاملـه مثـل الاخـو حتى ولو كان اجنبـي
لأن طبعـي من عطاني قـلبه اصبح له مطيـع = ولا أفـرق باالتعـامل بيـن " شـايـب " أو " صبـي"
ومن الفـراسـه فـوق ماني طيـّب وبـالي وسيــع = " أني آتظـاهر في بعض الاوقـات على اني غبي" !!
اللي مخـوفنـي كثـير أشيـاء لاجتنـي آضيــع = ومن ضمنهــا شي ٍ اذا جاني يعـكّـر مشـربي
"الكذب" و"الجـهل بأمور الديـن" و" الفشـل الذريـع" = وليـاعجـزت آهدي أعصابـي ليا زاد غضبـي !!
من يوم صار الهـم " ذيب" وقـلبي " الحمـل الوديـع" = ينهـش بلحمـي لين ماقـطّـع وريـدي وعصبـي
لكـن لي اللـه واللـه العـالم بحـالي والشفيـع = ليـا سجـدت لطـاعتـه ذليـل وأثنيــت ركبــي
من بعـدهـا والله لو اني شـلت مالا استطيــع = أهـم شي اني احـس اني خـذيـت اللي أبي !!

سلامتـكم واعذروني من التقصيـر ..


اخـوكم / سعـــود

سعود العواجي صح لسانك مدد بلا عدد





ماذا اقول والحروف تتطاير عندما تتحدث عن شاعر مثل سعود العواجي 0000000000





ما اقول الا سجل اعجابي وتقديري 00000000000000





اخوك سلمان الردسا 00000000000000

[مشعل الضوي]

سعود العواجي...........

اسم يشرفني حضوره ...........

اسم لا يأتي الا بالروعة............

اسم دائما ينفرد بالابداع والجزالة................

قصيدة سمعتها منك أكثر من مرة وهاأنا أتوق لسماعها من جديد...............

و أنا على يقين بأني سأعود مجددا لأستمتع بهذه الباذخة.............

رائع لحد الثمالة.............

سعود انت على يقين عن مدى اعجابي بما تكتب..............

ألف صح لسانك...........

لله درك ..............اطال الله في عمرك...........

لك كل التحايا الصادقة..............

اخوك مشعل.........

[سلطان المسلط]

سعود العواجي


قصيده وافيه .. كعاده سعود في قصائده

شربت "دم المرجله" من يوم انـا طفـل ٍ رضيـع
ولا انفطمت إلا بعـد مادسّـم الطيـب ..شنبـي

كفو ياسعود ..

صح لسانك وسلم بنانك


مودتي

سلطان المسلط

[صالح الجزاع]

شاعرنا المتميز

سعود العواجي

أبداع متواصل وتميز لايستغرب على المتميزون القلائل

أمثال سعود العواجي

صح لسانك …..صح لسانك ……صح لسانك

تقبل تحياتي

أخوك
صالح الجزاع

Saleh88100@maktoob.com

[نجلاء محمد]

زان المنتدى بقصيدك وفاحت عطوره

وأكبر فخر له انك من ضمن شعاره


راق لي الدخول لأتنفس معاني كلماتك من ينبوع الأبداع

فكل ابجدياتي لن تجيد الرقص على هذه الباذخه

ينحني القلم أعجاباً

شاعري الأول\\ سعود العواجي

عليك بياض الوجه ولا هنت

لك تحياتي

[مزيد المزيد]

سعود

تسجيل حضور في كنف هذه الباذخه الرائعه بروعة شاعرها



صح لساااااااااااااانك مليووووووووووووووون


دمت بخير