يالله تعالوا قرقعوا .. قرقيعان وقرقيعان ,,يالله بالدور - °~*¤®§(§ شبـــكة ويــلان العـربـيـه §)§®¤*~ˆ°

**شمــــــــوخ** · 28/10/05, (03:37 AM)

السلام عليكم ورحمة الله وبركاته

في اليوم الأخيره من رمضان تُقام مناسبة القرقيعان

في كل سنة يقام في هذا الشهر مناسبة القرقيعان ..

يحتفل فيها الأطفال الصغار بالقرقيعان ...

بس طبعا انا تاخرت عليكم
لأنشغالي وعلى بال مارتبت للموضوع وجمعت الصور

في أغلب دول الخليج ....

يجوون إلى البيوت ويأخذون الحلاوة مع المكسرات ومرات يحطون فلوس

وفي هذه المناسبه تنشد اناشيد مختلفه من منطقة لأخرى ...

قرقيعان وقرقيعان بيت قصيّر ورميضان
عادت عليكم صيّام كِل سِنة وكِل عام ...

سلم ولدها يالله ...وخله لأمه يالله ...

وهناك نوع آخر من القرقعه وهو ...

قرنقعو قرقاعو / عطونا الله يعطيكم
بيت مكة يوديكم ...

يالله بالدور بالدوور ياأعضاء ويلاان تعالوا نقرقع

مصلح ,, لاتهجم ع القرقعه ماراح يخلص حلاوة البقرة لاتخاف

مـــزيد ,, أنت عقاب لك بتصير آخر واحد يالله قلنا بالدوور

مشاعيرووويالله تعالي قرقعي وجيبي عيال أخوتس ,,,
لايكونون نايمين بس ...............

يالله لاتتهاوشون ع القرقعه ...

أقول يالله روحوا عند مشاعيروو تعطي بالونات وألعاب << بتصفقها مشاعيروو

يالله ماأعطيكم حلاوة الا اذاقلتوا يالله اشوف ..

,

,
قرقيعان وقرقيعان بيت قصيّر ورميضان
عادت عليكم صيام كل سِنة وكِل عام ...

سلم ولدهم يالله وخله لأمه يالله ...

يالله أفتحي كيسك بحط لك حلاوة بقرةومشاعيروو

بتعطيك بطاطس شيبس << ياحبك للشيبس:D

يالله كل واحد يدخل ويقرقع معنا ( قرقيعان ...إلخ )

**شمــــــــوخ** · 28/10/05, (03:49 AM)

صح بطول عليكم بس حبيت أقولكم وش يقولون بالخليج يوم القرقيعان
للمعلومية لأنه هالظاهر عندنا بدت تندثر
:confused:

القرقيعان والقرنقعوه

قرقع قرقع قرقيعان ام قصير ورمضان عطونا الله

يعطيكم بيت مكه يوديكم يوديكم لأهاليكم

القرقيعان

في الكويت

قرقيعان وقرقيعان بيت قصير ورمضان

عدت عليكم صيام كل سنة وكل عام..

أو

سلم ولدهم يالله خله لأمه يالله

سلم (فناتق) يالله خله لأمه يالله أحم أبوه

والقرقاعون

في البحرين

سلم ولدهم يالله خله لأمه يا الله

اييب المكدة يالله ويحطها في جم امه

حق الليلة

في الأمارات

عطونا الله يعطيكم بيت مكة يوديكم

عطونا حق هالليلة ولا ابنذبح العجيله

القرنقعوه

في قطـــــــر
قرنقعوه قرقاعوه عطونا الله يعطيكم بيت مكة يوديكم

يا مكة يالمعمورة يا أم السلاسل والذهب يا نورة :D

والقرنقشوه

في سلطنة عُمان

قرنقشوه يو ناس عطونا اشوية حلاوي

دوس دوس في المندوس حارة حارة في السحارة

,,

,,

الله يعيده علينا وعليكم هالعام وكل عام

**المشاعر** · 28/10/05, (04:20 AM)

السلام عليكم والرحمه

قرقع قرقع قرقيعان ام قصير ورمضان عطونا الله

يعطيكم بيت مكه يوديكم يوديكم لأهاليكم

____
ياحبيلناااااااااا اجل هذي قرقعتنا
شموخ انتم تسون هالقرقيعان صدق؟؟
انا ماعرفها ولا قد سويناها
كل اللي اعرفه ان عماني وخوالي يعطونا فلوس كل عيد على 100 وميتين
ونحط اكياس صغيره فيها شوكولاتة لصغيرين بس مانقول قرقيعان

بس وش يمنع نعرفها

اقتباس:

المشاركة الأصلية كتبت بواسطة شموخ

مقرنقشوه يو ناس عطونا اشوية حلاوي

دوس دوس في المندوس حارة حارة في السحارة

ههههههههههههههههههههههههههههههههههه الله يرج هل عمان تموت ضحك قرقعتهم

____

و من العايدين ياقلبو

**هادي بن معزي** · 28/10/05, (04:08 PM)

موضوع جميل يا شموخ

ويعطيك العافيه

لكن قرقيعان ماعاد مثل اول

الله يا قبل وش كثر كنت استانس

يوم يجون عند باب البيت ويقرقعون

كنت اطلع عليهم بطاسه مويه

والمويه بارده

وانواع التفحيط عند الباب

هههههههههههههههههههههههههههههههههههههههههههههههههه ههههه

سلام

**مناحي بن مطلق** · 28/10/05, (04:51 PM)

الاستاذه شموخ **

الحقيقه ان طفولتي كانت مابين ( ساحوت وبطن المسمى ) !!!

عشان كذا ماكنت اعرف القراقيع هذي ..

بس كنت اسمع عنها وانها في نص رمضان ماهوب أخره بس شكلها تهبل !!

يعطيك العافيه ياشموووخ وكل عام وانتم بخير !!!!

**مصلح النشمي** · 29/10/05, (11:39 AM)

.

ماشاء الله هذي الخيمه الرمضانيه قرب ينتهي الرمضان وتوني ادخلها ((وجه طايح وجهه))

عندما كنت طفلا عجوزا =====الله يستر جايب العيد جايبه

اذكر ان قرقيعنا عباره عن عيديات ريالات والحلاو مالي البيت بس مانحبه واجد لاننا ماديين حيل ===== يعودونا على الشحذه وحنا صغار سبحان الله يمكن مانلقا وظايف شي:d

الله يرحم ابوخلف ((ابوخلف شايب من الجماعه سواق باص))

مات وانا حاقد عليه كان يعطينا عيديات ريال بس === طرار ويتشرط

الله يعطيتس العافيه شمووخ وشرايتس تعطيني قروش اللي يجي منتس لو ريال ابوخلف ههههههههه

مثبت : ان ماثبتو الموضوع قسما بالله ياويلكم ====== اهيب يالمراقب العام

يالله ياشباب وشبابات اللي يدخل لازم يعطيني حلااااو لاني ثبت الموضوع لكم

اتحرى العيد اكثر من طفل .... واتعذر فيه لاجل اسأل عليك
======== مصلح وجع هذا مو موضوع ((ديوانية شموخ)) هذي مشكلتي عمى الالوان يأثر على ركبتي وما اقدر امشي زين ==== اشطححححححح

المهم عيدكم مبارك قبل الزحمه وتراني حاجز كيلو حلا عندتس شمووخ ياويلتس تعطينه احد

**مصلح النشمي** · 29/10/05, (11:41 AM)

.

اعتمدوا : تثبيت الموضوع .......

اخوكم المراقب العام أنا