موضوع ((تآفه)) له (التقييم والسمعه) - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 28/04/11, (07:06 AM)

مدخل

هذي هي الدنيا حظـوظ وتوافيـق.
.امـا وطـاك الحـظ ولا وطيتـه
~
تعيش في غيبوبه الوقـت وتفيـق..
شـي تذكرتـه وشـي نسيـتـه

لو عشت في عالم .. (التزييف والخدعه )
............... عالم لهم (ناس غير) وكورة آرضيه ..!

تزييف عالم خدآعه مآيجي ربعه
....................لو آنّك تعيش في( آجوآء نتيّه )..!

النت (عالم غريب) وخلق مجتمعه
..............وثلاثة ارباع هالعالم .. (هوآويه )..!

شيبان .. (متوآطيه) .. وصغآر (مرتفعه)
..............وكلن يبي يظهر بصورة ( ملاكيه )..!
((نـكآت )) تلمع ذهب .. تبهرك باللمعه
...........وقلوب(( آصحآب هالنكــآت )).. مطفيّه ..!
(بنآت رفلات ) تظهر صورة السنعه.
..........(وشباب آهل نوم) .. صارولك شقردية ..!
(تغيير وآقع ).. ويظهر حزة الوقعه
..............لاصار بالامر (حآجاتن حقيقه) ..!
روميو زمانه // جميل الصنع والصنعه
..............وجولييت حبيبته // مآهي طبيعية ..!

تقول تخطب بكل اسبوع من سبعه
............جمالهم غير وآسماهم .. رئاسية ..!

وتقول مع البنات.. آذآ طْلعت طلعه
.........غارن على شانها (كيوت .. ورومنسيه )..!

هذا قبل لا يشق الوآقع الرقعه
.............وملاس قدر الحقيقة .. يظهر النيّه ..!

هذاك يشبه على شكله ( سعد جمعه )
........وهذيك فيها من (الدكتورة .. فوزية )..!

روميو آبو شعر(ن) آشقر وآقعه( صلعه)
..............وجولييت ممشوقة القوآم ..( دبيه )..!

والمنتديآت (بسطه )والغلا .. (سلعه)
.........ولافيه (هيئة ).. ولا( آدلة جنآئية )..!

قلمك (شيك الغلا) ..وآسلوبك ( الدفعه)
..........ومن لاتجي ( بالقطآر) تجيك .. رجليّه ..!

وكلن على (فكره )وكلن على( طبعه)
.......(ضعيف شخصيه ).. آو .. (قوي شخصيه ) ..!

(مجاملات الردود ).. (الختم والطبعه)
...........(ماتعرف الحسنه ).. ولا (تعرف السيه )..!

موضوع ((تآفه)) له (التقييم والسمعه)
............كله على شآننا ( نحب) .. رآعيـة ..!

وان جيت بترد .. شف ردك وشف وضعه
.........ردودك لصآحب الموقع (خصوصيه) ..!

واللي يعم البشر .. غلطان في شرعه
................لكن بقول انها .. ((سبعين بالميه)) ..!

مخرج

السـد خلـه دايمـا فالصناديـق.
.منشـان ماتصـدم بشـي هقيتـه
~
والحب لعبه حظ بيـن العشاشيـق.
.امـا نحتـه نحـت ولا محيـتـه

**مشهور الرشدان** · 28/04/11, (01:03 PM)

غموووض الشمال
الله يعطيك العافيه على هذا النقل الرائع والمضحك في نفس الوقت
نعم استاذتي هذا هو واقع النت صح لسان شاعرها وتسلم يمين ناقلتها

**غموض الشمال** · 29/04/11, (02:15 PM)

يعافيك اخوي مشهور

تسلم على مرورك الرائع

تقديري

**محمد بن موسى** · 29/04/11, (03:06 PM)

وكلن على (فكره )وكلن على( طبعه)
.......(ضعيف شخصيه ).. آو .. (قوي شخصيه ) ..!

غمووض الشمال

اختيار رائع وموفق

ونص جميل يحاكي واقع الحال في الكثير من المواقع الالكترونيه رغم مرارة حقائقه

دمتي بوود وراحة بال

**بنت الكحيلا** · 29/04/11, (03:12 PM)

اختيار رائع وجميل

تسلمين اختي غموض الشمال

الله يعطيك العافية على حسن الإنتقاء

**جلال الدرعان** · 29/04/11, (03:22 PM)

احساس عالي وصدى همسك وصل الى قلوبنا كما ريشة العصافير التى
بصوتها العذب تلامس شغوف قلوبنا وتزيد من نبضه
كلماتك تلامس القلب
لاحرمك ربي هذه الموهبة
العوااافى على هذه الزخات ... يسلمواااااااااااااا ع الطرح الرااااااااقى ...
دام لنا هذا التمييز و الإبداع إن كان للإبدااااااع عنوااااان ...
فأنتم عنوااااانه ... لا خلا و لا عدم ... عساكم ع القوة
أنتظر كل جديد لديكم ... بكل لهفة و شوق ... فلا تحرمونا عطاااائكم
مدائن من الشكر لروعة الطرح ... و حدائق من الجورى لسمو شخصك
لا كُسر لكم قلماً ... يكتب مثل هذا إبداااااع ... فى حفظ الله و رعايته
تح ــيااااااتى و تقديرى و إحتراماااااتى ... تتعانق ... مع إعج ــابى بالطرح

**غموض الشمال** · 30/04/11, (05:03 PM)

اقتباس:
المشاركة الأصلية كتبت بواسطة محمد بن موسى
وكلن على (فكره )وكلن على( طبعه)
.......(ضعيف شخصيه ).. آو .. (قوي شخصيه ) ..!

غمووض الشمال

اختيار رائع وموفق

ونص جميل يحاكي واقع الحال في الكثير من المواقع الالكترونيه رغم مرارة حقائقه

دمتي بوود وراحة بال

الروعه في مرورك اخوي محمد

اسعدني حضورك

تقديري