باالعامية .....؟!

[!الواااثقة!]

باالعامية .....؟!


ودي أتكلم على راحتي وأقول اللي في خاطري وأتمنى أنه ياصل لقلوبكم ياأخواني


موضوعي : يخص بالدرجه الأولى كل ((بنيه)) مثلي

ويهم كل ((رجل)) مثل أخواني


وبالدخل للموضوع مباشرة .... بسم الله


تدرون أن حنية الأخو أحب وأعذب على قلب وخيته من حتى حنان أميتها وأبيها , يمكن هالكلام شوي غريب عليكم أو يمكن كثير منكم ماوده يكون هالعلم صحيح !

لكن هي الحقيقة بعينها , أي بنية على أرض الوجود وفي أي مكان يعني لها أخوها الشيء العظيم ولو مايبقى لها غيره لاقدر الله ((يكفيها)) أماااااان وحناااااااان

الأخ : هو العضيد وهو راس المال ومصدر الثقة والأمان والحنان , لأنه أقرب بالفكر والعمر لها .


أهتمامه في وخيته لو مجرد السؤال عنها وعن حالها يعنيها الشيء الكبير ...تفتخر بوجوده وتكبر طموحاتها بين عيونه ويزيد فخر البنيه أن كان لها أكثر من أخ وعضيد

لدرجة ولاتستغربون أنها تشوف حالها على غيرها من البنيات قريباتها وخوياتها , وتتعمد أنها تذكر وتتفاخر بوخيينها في كل مجلس وحتى أمام أبوها وعمها

يعني ساعة ماتدخل البيت وتنادي اول ماتنادي وخيتك واذا جاتك تقول (سم يااخوي) رد عليها وقولها تسلمين لي من كل شر وأفرح بتس وتقر عيني بشوفتس في قصرتس إن شاء الله

وقتها أطلب اللي تطلبه من طلبات الأخ من أخته وشوف راح تلبيلك طلباتك وهي تعدي ظفاره وأدب ونشوة شعور !


ولشفتها ساهيه وملامحها تقول كلام حط يدك على راسها وامسح على جبينها وأسألها وش اللي تفكرين بوه أو شاغل بالتس وأنا حي !

وحتى وان ماعلمتك الصدق يكفي انها حست انك تحس فيها وتهتم لوضعها , وأن حصل في يوم وشفت دموع عينها لأي موقف كان واضح أو غير واضح !

أمسح دموعها بيدك واخذها قريب صدرك .......هنا يمكن بعضكم يقول اني تعديت حدودي لكن أسمحولي أوضح لكم الصوره اكثر:


ماهو عيب او حتى محرم انك تلم اختك على صدرك وماهو شرط تلمها حيل يكفي انها تسند راسها على كتوفك

الحرام واضح والشرع بين والشيء المسموح بوه أيضا واضح , أذكر قصة قريتها أو معلومه عن الرسول صلى الله عليه وسلم يوم كان يقبل جبين حدى بنياته ويلمها على صدره حتى وهي حرمه في بيت زوجها

ادري تبون تقولون انه ابوها وهي بنيته والاخ له وضعه الخاص , أسمحولي أشوف انكم غلطانين لان الاخ هو الاب والعزوه ولان سنة الرسول نهج نمشي على نوره.


وتعرفون بعد (ان فاقد الشيء لايمكن يعطيه) كيف تبونها تعطي نفسها الثقة والاهتمام والمحافظه وهي محرومه منها , يعني البنيه اللي تشوفونها قويه او مايغريها اي شيء يكون اخوها مهتم فيها ومعطيها من حنانه اللي مكفيها.



واخر كلامي : اختك شعرة قلبك وقبلها وجهك عارك وضعفك اللي تستمد منه قوتك كبيره في حقك وعظيمه على رجولتك انها تحتاج لحنان او اهتمام غيرك وانت ((حي على الأرض))


في ذمتي لو كنت ولد واختي اشوفها تحتاج غيري لتهاون الموت وادفن نفسي وانا حي , ياااااكييييييييييييف مااغنيها وانا عضيدها وراس مالها وراسي يشم الهوا .




والحين كل اخ له وخيه يروح لها ويجيب لها هديه او يمشيها وياخذ اللي في خاطرها وهالشيء مايسويه غير الرجل الغيور ابن الاصل والعروق الطيبه.




وانا يااااحظي ان قروا اخواني موضوعي هذا وهذا شيء متعوده عليه مايمضي اليوم او بكره بالكثير الا هم قارينه



وخيتكم في الشيء الزين ان شاء الله الواااثقة , لاتنسوني من دعواتكم الطيبه.