**(((((** الحااااافز **)))))**

[أبو غرام]

هي نبض قلبي وحـبٍ دايـمٍ راسـي
الله اكبـر عليهـا كيـف هزتـنـي.؟
جتني بدلة غرام/ن تجلـي اعماسـي
وساقـت فناجيلهـا يمـي وقهوتنـي
واخذت كيف الغرام وهـب نسناسـي
واستبشرت خير روحي يـوم حيتنـي
وابهارها اللي وصلني عطر الباسـي
وجيت اتغنـى بريحـة عطرشدتنـي

..........

الله عليك الله


صح لسانك واعتلا شانك يالعشير

غبت وجبت يابو غانم

لله عردك على جميل بوحك


دمت بود ياعشيري وتقبل مروري وتسطير
اعجابي بما قرأته لك ها هنا

[سعود العواجي]

ابو غانم

مبدع كعادتك قصيده اطربتني للنخاع

صح لسانك

[الصقار]

الاخ الغالي
والشاعر الرائع ماجد الجعفري
صح لسانك

ولا يستغرب الابداع من مبدع بحجم ماجد
فلك الشكر على هذه الرائعه التي اطربتنا بها

تقبل مروري وتحياااتي

[طلال الايداء]

الله عليك

الرااائع

ماااجد

صح الله لسانك
ملايين وشهاااادتي فيك مجروووحه اخووي مااااجد

ولاهنت على هذه الرااائعه

وفي انتظاااار جديدكـ بااااذن الله

[مزيد المزيد]

ابوغانم


الله عليك ابداع وروعه .. تعيش الموقف بحذافيره

جتني بدلة غرام/ن تجلـي اعماسـي
وساقـت فناجيلهـا يمـي وقهوتنـي
واخذت كيف الغرام وهـب نسناسـي
واستبشرت خير روحي يـوم حيتنـي
وابهارها اللي وصلني عطر الباسـي
وجيت اتغنـى بريحـة عطرشدتنـي
واعزف شعوري على عودي ومرواسي
وشلون ماعزف وهي بالعذب سمتنـي

صح لسااااااااانك مليووووووووووووووووووووووون

[رابح الغضيان]

المشاركة الأصلية كتبت بواسطة ماجد الجعفري

الأخوة في هذا الصرح العريق

اليكم هذة المتواضعه

واتمنى أن ترضي ذائقتكم الرااقية...وتجد لها مكان وسط قلوبكم الطاهرة

.....................
.
.

الحافز اللي دفعني أنثر احساسي=ام العيون الكحيله يوم لاقتني
اللي غلاها كبير وصعب ينقاسي=سكنتها وسط جوفي يومها جتني
غيمه ومرت عروق/ن ذبل يباسي=واروت عروقي زلال المي وروتني
وحلفت إني لمد اليدها كاسي=واسقيها عذب المشاعر مثل ماسقتني
هي نبض قلبي وحبٍ دايمٍ راسي=الله اكبر عليها كيف هزتني.؟
جتني بدلة غرام/ن تجلي اعماسي=وساقت فناجيلها يمي وقهوتني
واخذت كيف الغرام وهب نسناسي=واستبشرت خير روحي يوم حيتني
وابهارها اللي وصلني عطر الباسي=وجيت اتغنى بريحة عطرشدتني
واعزف شعوري على عودي ومرواسي=وشلون ماعزف وهي بالعذب سمتني
وقامت تمول وتدرك نغمة اجراسي=وعن كل مادار في راسي اجابتني
في جلستي جنبها كم زان مجلاسي=وعن كل ضيمٍ شكاه القلب واستني
بلـمـسة يديها تلاشا همي القاسي=وبنظرة العين هدت روع واوتني
يعني مصيبه إذا اني بعلن افلاسي=وهذا رصيد المشاعرمنّه أغنتني
ماني عن الحب لالاهي ولاناسي =حرام مانسى وهي بالحب غذتني
ومدامها وسط قلبي ماشتكي باسي=الخوف لامنها راحت وهدتني
يعني( بعلم الأطبا) تقطع انفاسي=ويقال عني بأن البعد موتني
جلسه وجابت لي الهوجاس في راسي=وشلون لومدت ايديها وضمتني
أكيد اني بودع واعتزل ناسي=واقول .ضمه من الاعلال داوتني
كذا شعوري تناثر وسط كراسي=وجت القصيده تفاخر ماتعدتني
من غير ماشعر نثرت الدروالماسي=لان بصراحه زهور الورد لاقتني

................
.
وسلامتكم

الشاعر والاعلامي / القدير ماجدالجعفري


مافيك حيله يالغالي


صح الله لسانك على مثل هذا ابداع



وارى والراي للأخ خلف انه يجب التحقيق معك حيث هناك في هذا النص الجميل مايستوجب ذلك ههههههههههههه



واخيراً مبدع آبا غانم

تحياتي لك

[ناجي الخمشي]

جلسه وجابت لي الهوجاس في راسي
وشلـون لومـدت ايديهـا وضمتنـي

الشاعر القدير ماجد الجعفري

مليون صح لسانك على هذه القصيده الشامخه

بشموخ شاعرنا الرئع ماجد

ابداع وحرف يمتاز بعذوبته الله درك

ارويت الذئقه شعر

تقبل مروري تحياتي وتقديري لك