لهجـــــ الشام ـــــــة // سياحية لعيونكم

[اميرة الحرف]

خلي مولـع قلبـه بلهجـة الشـام=يقول قولي لي شو بـدك حبيبـي
قوليلي:( تأبرني)( وتأفش) هالعظام=قلت: معصي لايـاردي النصيبـي
ماوالله تسمع غير أمـرك وقـدام=ولبا عروقـك يـادواي وطبيبـي
وفديت عمرك يابعد كل مـن قـام=وعساه صوتٍ مايـزول ويغيبـي
عونك فديتك من صواديف الأيـام=بينك وبين الهـم قلبـي صويبـي
وياجعلني ماابكيك ياأعـز الأنـام=ياأغلى من الغالين وأقرب قريبـي
بالله باقي يعجبك حكـي الأشـوام=ماأكفاك مني كل حنانـي وطيبـي
خطاب عاجل ياصلك سري وهـام=ياصل لقلبك مـن فـؤادٍ عطيبـي
لاتلعب بقلبـك حكايـات الأوهـام=أنا دفـاك اليـا جفـاك الغريبـي

العيـــــــــوف

[احساس قلم]

اميرة الحرف
كنت هنا وسااضل
لمدة فامهليني غاليتي حتى افيق
ولي عودة

[مشاري البواريد]

كفو والله كفو


صح لساانك يالأميرة ، و بيّض الله وجهك عز قصيدة ٍ جزلة من شاعرة جزلة

سجلي إعجابي بقلمك وتقبلي تحياتي وتقـديري ،،،

[الصقار]

صح لسانك وسلم بوحك شاعرتنا القديره
ولا يستغرب هذا الحضور من شاعره بحجم العيوف

تحياتي

[سالم صالح]

الرائعة والمبدعة



اميرة الحرف (العيوف )



عزالله اذا مانسى لهجة الشام ماعنده سالفة هذا الكلام اللي يبرد الكبد لهجتنا هي احلا واجمل لانها من الصميم


ابدعتي بكل حرف نسجتيه في هذه الفاتنة التي تدل على عذوبة وسلاسة تجعل القارىء لايفيق من جمال كلماتها وعباراتها الجميلة


شهادتي فيكي مجروحة ايتها الاميرة فكل الكلمات الجميلة لن تفي هذه الفاتنة حقها



ولا اقول الا لاتحرمين الذائقة من نهرك العذب




تقبلي تقديري وودي

[اميرة الحرف]

احسااااااااااااااااااس هلا والله بغلاي وتوأم روحي

اختي الحبيبه احساااااااااس قلم يشرفني وجود اسمك الأول في الردود ويسعدني متابعتك لأميرة الحرف

انتظر عودتك

[اميرة الحرف]

الشاعر الرااائع مشااري البواريد

اهلابك ووجود شاعر بحجم مشاري يشرفني

صح بدنك ولاعليك زووود اخوي