اليا تكيت بخالي البر نجـــاع

[صالح الأسود الجعفري]

اليا تكيت بخالي البر نجـــاع ...... تخرج دباديب النكد من ضلوعي احس بانسام الهوا ريح نعناع ..... والكون بانجومه سواة الشموعي والقيظ كنه بارد الثلج لاماع ...... والبرد كالجوزا ضحاها سطوعي اسج باللي ما سرح فيه مرياع ... مستانس ورايق على كيف طوعي ما حولي الا بالخلا جرة سباع ......... تلج لجات العـوا في سموعي والنار تومي كنها كير صناع ...... مـن حولها كيس البقاله يموعي والبن الاشقر من تقهواه ما جاع ...... يروح يومــه مرتوي ما يجوعي هذا الخلا منهو تلقاه ملتاع ....... يلقا بـــه البلسم علاج الملوعي يطيب فاله تنتفي عنه الاوجاع ........ باجازته فضوة خميس السبوعي ابصم على اللي قلته بعشرالاصباع ......... واللي يعارضني فلاني جزوعي هذا هوا نفسي تلقاه الاسماع ....... والناس حره بين رفض وقنوعي ولا لنا غير الذكر فيه الانفاع ....... اللي به الخشيه وذرف الدموعي بالليلة الظلما والاشهاد هجاع ......... لما يجي ميعاد حشر الجموعي في حزتن يوفا بها الكيل والصاع ........ والادمي يجني حصاد الزروعي لشاعر/ يوسف الخليفه