مابيـــــــــك تستغـرب إذا قـلـت مابـيـك

[صالح الأسود الجعفري]

مابيـــــــــك تستغـرب إذا قـلـت مابـيـك
قلبـي مـن اللـي صـار غيّـــــــر كـلامـه..


تـدري وش اللـي حدنـي يـوم اناديـــك
بـودعـك واقــوووول مــع السـلااااامـه..


بودعـك وانسـى زمانـــك وماضـيـــــك
وداع مــن ذاق الجـفـــــا والـمـلاااامـه..


لكـنّ , ودي أسألــــــك قـبــــل اخلـيـــك
وابيـك تعـــــطـي للـسـؤال اهتمـــــامــه..


فـي ذمتـك... وشلـون غيرتنــي فـيـك ؟
وخليـــتنـي انسى غــلاك ونظـــــامـه..


وانـا عشانـك كـل ماتطلـب يجـيــــــــك
رفعتـــــــلـك هـامـه و نـزلـت هـامــــه..


ما عاد لـك فـي داخلـي حـــــيّ يبكيـك
صـدري قِبَـر كـل الحـوااااس بعظـامـه..


اغليك ؟ صح اشهد إن كنت انا اغليك
والحيـن راس المـال مـنـك.. السـلامـه..


لا تقول ليه..وكيف..وشلون..وشفيـك
ماضيـك يعطيـنـي لبــــكـره عـلامـــــــه..


مـا ودي اضـيّــــع حيـاتـي بأيــــــاديـك
دام إن مــن عـــــزك تـنــــــزل مقــامـه..


غـلاك \ ماعلمـــــك تكسـر تغلـيـــــــك ؟
وغـلاي \ اثبتـــــلـي الـوفـا والشهـامـه..


كاااافـي نضيـع وقتنـا فــي بـلاويــــــك
مـا يِرجِـع اللـي راح كثـر النــــــــدامـه..


وإن ضاقـت الدنيـا بزحمـة طواريـك !!
الليـل الأسـود , مايــــــــطـول ظــلامـه..


والحين تعـرف ليـه انـا قلـت مابيـك ؟
و قلـب ٍ يحبـك ليـه غيـــــــر كـلامـه ؟


ودعـتـك الله لاتجيـــــــنـي ولا اجـيــك
ولاعـاد تسـأل خاطـري وش عـلامـه؟


ولا تنصدم فـي بسمتـي يـوم احاكيـك
أحيـان تلـقـى بالجـريـح ابتسـامـه!!!





مماراق لي

[تركي علي الخالدي]

اختيار جميل ورائع جدا وقصيده جميله وتلامس القلوب

لكن وللأسف غير معروف صاحبها ..

وبما انك ياصالح مشرف القسم سوف انقل لك طلب قديم جديد بهذا القسم وان شاء الله تتبناه كونك مشرف لهذا القسم وهو ان لايتم نشر قصيده الا يكون اسم صاحيها موجود حفظا لحقوقه وحتى نعرف نحن نقرا لمن .

شكرا لك

[اسيرة الزمن]

وإن ضاقـت الدنيـا بزحمـة طواريـك !!
الليـل الأسـود , مايــــــــطـول ظــلامـه..

صالح الجعفري

تسلم بمبنك على النقل

قصيدة في قمة الروعة

[فراج زايد]

ولا تنصدم فـي بسمتـي يـوم احاكيـك
أحيـان تلـقـى بالجـريـح ابتسـامـه!!!


اشهد انها قصيده وافيه وصح لسان شاعرها
وصح ذوقك واختيارك الوافي

[صالح الأسود الجعفري]

اقتباس:
المشاركة الأصلية كتبت بواسطة تركي علي الخالدي
اختيار جميل ورائع جدا وقصيده جميله وتلامس القلوب

لكن وللأسف غير معروف صاحبها ..

وبما انك ياصالح مشرف القسم سوف انقل لك طلب قديم جديد بهذا القسم وان شاء الله تتبناه كونك مشرف لهذا القسم وهو ان لايتم نشر قصيده الا يكون اسم صاحيها موجود حفظا لحقوقه وحتى نعرف نحن نقرا لمن .

شكرا لك












تركي علي الخالدي

شكراً لمرورك الذي انار متصفحي

اما طلبك ع العين والراس
ماعندي مشكله ان امنع قصيده بدون اسم شاعرها
ولاكن يااخي الكريم الكثير منا تجد عنده
في ملاحظات الجوال او غيره
قصائد مميزه ورائعه ولا يعرف شاعرها
كهاذه القصيده عندي في ملاحظات جوالي بدون اسم شاعرها
ولو منعنا قصائد لاتحمل اسم شاعرها
سوفا ننحرم من هذه القصائد الرائعه التي تستحق نشرها
دمت بخير

[صالح الأسود الجعفري]

اقتباس:
المشاركة الأصلية كتبت بواسطة اسيرة الزمن
وإن ضاقـت الدنيـا بزحمـة طواريـك !!
الليـل الأسـود , مايــــــــطـول ظــلامـه..

صالح الجعفري

تسلم بمبنك على النقل

قصيدة في قمة الروعة






















اسيرة الزمن

شكراً لمرورك الذي انار متصفحي
دمتي بخير

[صالح الأسود الجعفري]

اقتباس:
المشاركة الأصلية كتبت بواسطة فراج زايد
ولا تنصدم فـي بسمتـي يـوم احاكيـك
أحيـان تلـقـى بالجـريـح ابتسـامـه!!!


اشهد انها قصيده وافيه وصح لسان شاعرها
وصح ذوقك واختيارك الوافي
























فراج زايد

شكراً لمرورك الذي انار متصفحي
دمت بخير