يا علي أنا يا أبوك بدابي الشيب ,, الشاعر / محمد الحربي - °~*¤®§(§ شبـــكة ويــلان العـربـيـه §)§®¤*~ˆ°

**علي الحربي** · 05/06/10, (08:15 PM)

قصيدة للشاعر محمد بن علي بن تركي السليمي موجهة لأبنه علي

ياعـــــلي أنا يابــــــــــــوك بدابي الشيب = والمــــــــــــــوت يا مشكاي جاني نذيره
لا شــــك أنا بــــوصــيـــــك قدام ماغيب = وصــــــيـــــــة يالقــــــرم مني بــريـره
في طــــاعة المــــولا شـــــد المقاضيب = وسنـــــــــــة حبيب الخلق جود مسيره
صــــل الفروض الخمس في كل ترتيب = ومـــن جــــــود الأركـــان ربــه يجيره
واحـــذر جليس السوء ومجالسه عيب = ودور جلــــيـــــس يا فتى الجود غيره
وأيـــاك والــنمـــــــة وشذب العراقيب = وهـــــــرج القفى يا علي ذنب ومعيره
وإن شـــفت طريق الشر عط التجانيب = مـــالك ومـــال الـــوجـيــه الشـــريره
واليا ابتليت به غصب حذراك لا تهيب = واحـــذر تــــرد الســــيف يمة جفيره
وفي هـــــــامة العايل جيد المضاريب = حتى يرغي عليان ,, عقب هديــــــره
الدنيا ما دامــــــــــــت لنوح وشعيب = يا علي وين جدودنا والعشــــــــــيره
وين الـــــــــرجال اللي تفك المناشيب = حمايــــــــــــــة العطفى نهار المغيره
لـــــطــــامـة العايل بعطب المضاريب = بالســــــــيوف والا بالرماح الشطيره
ياما ثنــــوا من دون حرش العراقيب = ويا ما انفــــذوا بنحورهن من ذخيره
اقفت بــهــــم الدنيا بسرعه وتهريب = حالت علــــــــــــــيهم والليالي مغيره
ولا بـــــــــــي إلا تاريخهم بالمكاتيب = نقرا قصــــصـــــهم والعلوم السفيره
وصلوا على اللي رتـــب الدين ترتيب = شفيــــــــع الأمه يوم وقت الحشيره

**أبو غرام** · 05/06/10, (09:11 PM)

صح لسان القائل والناقل اخي

وعزالله قصيده طيبه ودسمه

بارك الله فيك يالحربي على حسن الاختيار

ولله درك

ولكن اعتقد بان مكانها الانسب رعاك الله

المختارات الشعريه

دمت في كنف المولى شاعرنا

**راعي سميراء** · 05/06/10, (10:48 PM)

صح الله لسانك ولسان شاعرها وبيض الله وجهك

قصيدة جزلة فيها مواعظ وتذكير

تقديري

**سعود المسعودي** · 05/06/10, (10:57 PM)

صح لسانك ياعلى الحربي

وصح لسان شاعرها

اسمحلي بنقلها للمكان المخصص المختارات الشعريه

رعاك الله

**علي الحربي** · 06/06/10, (12:25 AM)

إخواني شاكر ومقدر لكم مروركم الجميل ,,,, وكلامكم الحسن ,,,,

أخوي سعود مسموح لك بفعل ماتراه مناسبا ,, من نقل القصيدة لأي قسم تراه

**غموض الشمال** · 06/06/10, (02:24 AM)

الأخ علي الحربي
مشكور على النقل
وصح لسانك ولسان شاعرها
تقديري لك

**علي الحربي** · 06/06/10, (04:28 PM)

أشكـــــر لكم فردا فردا ,,,,, مروركم الجميل ,,,, وثناءكم العاطر ,,,, ودمتم بخيــــر وعافية ,,,,