أبو جمال .. هنا ..!! - °~*¤®§(§ شبـــكة ويــلان العـربـيـه §)§®¤*~ˆ°

**نمش الشمري** · 20/11/06, (04:09 PM)

حياك الله يا أبو جمال (عجيل المنيس الشمري )

تشرّفت بإنضمامك هنا في منتدى الجميع (ويلان)

مع خالص الشكر لصاحب الفكره و الدعوه أخونا الكبير (محمد المقبل )

خلووووووووووووها..

يا مرحبا بك .. يا عجيـل الشمــري يا بن القروم

........................ يامرحبا في منتدى الويلان ... ما هي مشكله

ما دامت النعمه .. لأحد .. يا جعل هالنعمه تدوم

......................ما فيه حـجــّـه ما لها برهان ... ما هي مشكله

**ابو جمال المنيس** · 20/11/06, (11:00 PM)

اخي العزيز ابو سامي ابقاك الله

وانا اللي لي الشرف بالانضمام لهذه الكوكبة المميزة من الشعرا

واشكر اخوي العزيز محمد المقبل على الدعوة الكريمة واتمنى ان اكون

عند حسن ظنه وظنك وان اقدم ما يرتقى لمستوى اعضاء هذا المنتدى الكرام

واعتذر عن التاخير لم يتم تفعيل الاشتراك الا قبل لحظات

خلوووووووها

فيك البقاء والمعرفة ماهي معك ليله ويوم = ياشمري نلعب هناك وهان....ماهي مشكلة
أهل النعم دايم تجي بالظل وتعاف السموم = والحجه العصماء لابن عصمان ....ماهي مشكلة

**نمش الشمري** · 22/11/06, (02:28 PM)

مع الله

العب هنا وهناك بالمجان ماهى بالرسوم

دام الذخيره تاصل النيشان... ماهى مشكله

اهل الترف خبرى بهم من قبل 5000 يوم

وارجو السموحه كان انا غلطان... ماهى مشكله

**ابو جمال المنيس** · 22/11/06, (02:37 PM)

حياك يابو سامي بعد طول الغياب

خلووووووها

العب على ما تشتهي يانجم من بين النجوم = من بعد غاب النجم اشوفه بان ......... ماهي مشكلة
اهل الترف ما هم على دربي دفاع ولا هجوم = ليه الأزيرق دائما خسران ......... هاذي مشكلة

**نمش الشمري** · 22/11/06, (02:56 PM)

خلووووها

ترى النجوم انوارها تصطع وتحجبها الغيوم

النجم لونه مايصير الوان ........ ماهى مشكله

لولا رعايتهم ازيرقنا ما توجدله خصوم

لا هنت ( والازرق ) عسى ما هان .. ماهى مشكله

**ابو جمال المنيس** · 22/11/06, (03:07 PM)

خلوووووووووووووها

النجم ثابت يانجوم الليل لو غاب العموم = للجدي ترجح كفت الميزان .......... ماهي مشكلة
لولا رعايتهم ما جابت بنت ابو عرام توم = والشيشة احسن لك من الدخان ....... ماهي مشكله

**نمش الشمري** · 22/11/06, (03:20 PM)

مع الله

أنا أشهد إنك ياعجيل الشمري عند اللزوم

................وإنت إذكر الله وإلعن الشيطان .... ماهي مشكله

لولا رعايتهم قيامة بعض خلق الله تقوم

............... والشآن للي يستحق الشان .... ماهي مشكله