[[ خَفَايَا رُوْحْ تَعْبَانْهْ ]]

[أبو غرام]

هدّع ضلوعي على كيفك=ان محتوت وش لنا بيها ؟
والقلب جندله وبكيفك=والعين مالك وما فيها ..!!
من لاحرس بالهوا طيفك=ماهو بكفونٍ يراعيها
وانا تركت الحشا ريفك=ازرعه وبالوصل اسقيها
حتى ولو بيّنوا زيفك=ألوذ وأقول مدنيها

[أبو غرام]

يا شوق وان كثروا عليك الخطاطيب= قولي لهم يا شوق قلبي معيي
يتبع هوى اللي بالمراجل عواطيب=ماهو بعيدٍ مير ماهو بخيي
وانا علي اظهر واقض اللواهيب=ارقى على متن المعزه واحيي

[أبو غرام]

والقلب جندله وبسيفك
.
.
هذا من مساويء العجله بالكتابه
ولان اللي يقرى القلب .. مو العين
.
.
ختاماً

كل عام وأنتم بخير

[أبو غرام]

كل(ن) قصد بالعيدْ وفرحة حضوره=وانا قصيدي في رجا عيد شوفك

[أبو غرام]

للعيد فرحه في عيون المواليف=دون اللقا ماتكتمل فيه فرحه
العاشقين الهايمين المقانيف=مضمونهم خافي ولو طال شرحه

[أبو غرام]

ايوه هنا كوني قريبه لي شوي=وايوه هنا حطي يمينك و سمعك
شفتي ؟ سمعتي !! كيف ميت وانا حي؟!!=وشفتي ؟ عرفتي ؟ .. كيف احيا .. بدمعك !!؟
ايه اتبعثر والجفا ماهو شوي=شتات عمري يجتمع حين جمعك
يكفيك اقابل بهجتك مابي الضي=ويكفيك ضوي مكتسي ضي شمعك
ايوه تروي واركدي يابعد حي =جيتك مسالم مابي اليوم قمعك

[أبو غرام]

ياليت لي قلبٍ قديرٍ على البوح=وأقول ماعندي وأبيّن خوافي
اثلج فوادي والخبر يبري الروح=واكسب مودة من جهلني وعافي
مار البلا دستور باني له صروح=سلمٍ قديمٍ مايجيز التشافي
نصبر على شانه ولو ننزف جروح=والعاقبه يابعدها من عوافي
الله لنا واللي بنا لوهو يفوح=ملعون خيّر ماله إلا الخوافي

زمان عن الكيبورديات ..