اهالى حــــــــائل ادراء بشعابها( بسياحتها)

[عوض بن خميس]

عند زيارتك لحائل كاسائح ارجوك تقيد بخريطة حائل من اجل راحتك


أذا جيت من المطار ..
أطلع يسار
يجيك كوبري وثلاث أشارات ... ويقولون دوار !
المهم خلك على المسار

وش فيك محتار ؟
لاتكون تفكر بالأراضي اللي على اليمين واليسار!
اراضي فاضيه لاهي للبيع ولا الأيجار
عادي يارجال ... هذي حقة التجار!
ومكاتب العقار
ماعيك ..
كله خمسين سنه أنشا الله ويبدا العمار!

للحين محتار ؟
اه ... أكيد تفكروين تسكن وكم تدفع أجار
لا يهمك... هذي قائمة بأسعار ألشقق أللي فاتحة ليل نهار
أما الفنادق ماعندنا ألا واحد والثاني أنهار!
والثالث.. له عشر سنين صامت بوقار !

وش بلاك زعلت ياستار..!!
لا تكون معترض على الأسعار?
أنت ماتسمع الأخبار ?

ياحبيبي هذا موسم سياحي طال له الأنتظار
صحيح ماعندنا غابات ..ولا أنهار..
وشمسنا تدمغ الحمار!!
لكن حالنا حال أبها والطايف وهالديار
لاهم كبار ولاحنا صغار !

للحين محتار..؟
أكيد تفكر باللي سمعت من القريب والجار
ياحبيبي.. مالك أعذار
لهلم مرتك بالمطار.. لايمسكونك هيئتنا الأبرار
ولا تطلع بالأسحار.. لا يمسكونك دورياتنا الشطار
ويسئلونك ماهو باختصار
وش عندك بهالشارع .. جاوب...انت خمار؟

اوووه ..

وش نبي بهالسوالف والنكد بهالنهار !!

أنت جاي تنبسط صح ؟
جاي... مسيار!!

المهم ...
قلنالك خلك على المسار
تجيك أشارة سلاسل ومشوار
طبعا ...أطلع يسار
وانتبه من هالطريق تراه غدار !
وركز على المسار
حتى تجيك أشارة مشار
برضه أطلع يسار
وأنت على المسار
راح تشوف على اليسار ...
مناظر رائعه مابين أشجار وأزهار وأطيار وعلى الجبال أنوار
لكن..
لا تلف يسار !
لأنك لو لفيت يسار
وتعديت منطقة العوائل والغبار
ووصلت الموقع المختار
تفاجأت بسور وجدار
وحارس مغوار !
يقول لك :
وش اللي جايبك ... ماتدري أن فيه حصار ؟
طبعا تبي تقول :

يامختار ...

أنا ضيف ولاني من أهل الدار
أنا سايح سعودي وزاير من الزوار
أبغى أتمشى شوي واتفرج ولاهو ضار!

يبي يقول :
أقول لك ممنوع... انت ماتفهم ياحمار !!

لذلك مانصحك أصلا تلف يسار
وخلك على المسار
حتى يجيك على اليمين...
مباني ملخبطه مابين قصر.. جامعة .. اسكان .. عقوم.. وشبك وجدار
تدخل مع بوابه نصفها مسكر الى ...

جثة حديقه بلا زوار !
بحيره شبه مستنقع وقذاره تلفت الأنظار
حصان أعرج .. بعير أجرب ورجيع ملاهي يجيب العار
بلا دورات بلا مطعم بلاخدمات بلا اسعاف بلا بلا.. وش اللي صار ؟

لا ياخي لاتنهار..

بالعكس أبتسم !

فأنت في منتزه مشار.

[البحتري]

أخي ابن خميس .. شكرا لك على هذا المقال الرائع

جميل ما خطت يدك.. وإنطلق إيها المبدع

وأشكرك جدا على نقدك البناء

نص مبهج

بشوق للقادم

[عوض بن خميس]

الاستاذ المبدع احمد الحجيلان

مرورك اعتز بة

تبل تحياتى....

[أبو غرام]

اف اف اف

نص متزمت وينظر بتشاؤم الى مشار
^_^

ومالومك

على قولتك اخي

اخذوها التجار

^_^

نص بعيني انا : لامس القلب لمصداقيته ولانه عكس الحقيقة الراهنه لسياحة حائل ولكل ماهو سياحي مغوار

لله درك ابن خميس

ابدعت في تهكمك عليهم ويستحقون ذلك

دمت بود

[عوض بن خميس]

المشاركة الأصلية كتبت بواسطة ابو غرام

اف اف اف

نص متزمت وينظر بتشاؤم الى مشار
^_^

ومالومك

على قولتك اخي

اخذوها التجار

^_^

نص بعيني انا : لامس القلب لمصداقيته ولانه عكس الحقيقة الراهنه لسياحة حائل ولكل ماهو سياحي مغوار

لله درك ابن خميس

ابدعت في تهكمك عليهم ويستحقون ذلك

دمت بود

استاذى القدير ابو غرام ...

مابان فقد شيف وحاول الشرفاء تقويم الخلال وما كان خافى
ادها وامر...

وليس فى حائل فقط ولكن ينسحب على جميع المدن السعودية (السياحية)او مايدعون انها سياحة داخلية..

يعنى سحب مافى الجيوب وليس سياحة داخلية يعنى بصريح العبارة صيف فى ساحة الشانزلزية فى باريس

ارخص لك من السياحة الداخلية نعم هذا لسان حال سياحتنا الداخلية الحال مايل .... تحياتى اخى ابو غرام

[فهد الشافي]

موضوع اكثر من رائع

وسؤال يطرح نفسه:اين ذهب الكورنيش؟

حول الى ساحة العقار

كل الشكر والتقدير اخي ابن خميس

[عوض بن خميس]

المشاركة الأصلية كتبت بواسطة فهد الشافي

موضوع اكثر من رائع

وسؤال يطرح نفسه:اين ذهب الكورنيش؟

حول الى ساحة العقار

كل الشكر والتقدير اخي ابن خميس

اخى فهد الشافى...

نعم كلام فى محلة .

ومرورك وسام على صدر اى موضوع ..


شكر اخى فهد وتقبل احترامى