ثورة الذات

[عبدالعزيز العدواني]

من جا ولا هو من حساب المعازيم = يصبر على قل القدر والحشيمه

ما دام هتانه رشاش(ن) مهو ديم = ما تستوي للعز نفس(ن) غشيمه

الجو من بعد الصفى صار به غيم = والطفل مابين العظم والمشيمه

علم(ن) بدا للناس من دون تعميم = ماتقبله غير الضلوع الهشيمه

وانا وانا وان عودت للملازيم = قدري واعرفه وان ترفعت شيمه

ماني ردي ولا اقبل الذل والضيم = ولاني من اصحاب الوجيه الكشيمه

لكن اليا كبرت علي حيل ما اقيم = وان عارضت ممشاي مامن عشيمه

ضربتها درب(ن) وعر في مفاهيم = من شام عن دعواه قدر وحشيمه

بين الغلط والصح سير(ن) يلفي = مع كل هبة ريح من غير توقيت

من خلقتي ماطحت رجوى لشفي = ولا على غير الله بسري ابديت

شاعر ولوهي بالمشاعر لطفي = مني لهيب(ن) يحتمي كل ما اخفيت

كم لي وانا والوقت ماهو بصفي = لين احسب اني من جفاه استخفيت

عشر النجوم بثقلها وسط كفي = وعشرين فخ بوسطه الحي والميت

عن حاجة عفون الرجال استعفي = ومن دون حاجة من نخاني توابيت

ما اطلب مدام الحظ عني مقفي = حتى القلم لوعاضب اليوم صديت

اجاوب العزله واطلع واخفي = واليا اسفهل الجو للجو ناديت

كنت احسب ان الصدق قربه يدفي = ياما انكويت من القهر بالتناهيت

الشعر عن بعض المواقف يكفي = لو بالمواقف يكثرون الطواغيت

ولو ما الشوارب عن طلبها تحفي = ما كان بان الصيت ومدور الصيت

ياخافقي راعيك دوم متعفي = دام القناعه كنز والعز له بيت

[حمد الوايلي]

الشاعر المميز

عبدالعزيز العدواني


نعم انها ثورة الذات وكانت اهل للابداع والقوووه



صح السانك

وعلا شانك

تقبل مروري المتواضع

[بنت راشد]

عبد العزيز العدواني
صح لسانك وعتلاشا نك لك كل تقديري

[سعد النفج]

الراقي / عبدالعزيز العدواني ..
.
لا أستغرب هذه النصوص و هذا الجمال منك ..
شاعر جميل و تحمل شاعريه راقيه ..
اعذرني فالكلمات تمر بخجل أمام شموخ حرفك ..
صح لسانك و دمت بألف خير ..

[طلال معيض]

الشاعر عبدالعزيز العدواني

صح لسانك
ودمت بود

[عاشق المعالي]

عبدالعزيز العدواني

صح لسانك على هذه الثوره التي تحمل ابداع ولا اروع

تقبل مروري

[أبو غرام]

الله عليك يالعدواني

ابدعت وتفننت

صح نبضك وحرف وقلمك حتى ترضى