:: المركز الإخباري :: الديوان المقروء :: الديوان المسموع :: قناة ويلان :: مركز التحميل :: للمميزين فقط ::

مركز ويلان الاخباري
بعض قصايدي المسموعه (اخر مشاركة : غازي العايد - عددالردود : 0 - عددالزوار : 5064 )           »          علمتني الحياة (اخر مشاركة : طلال الفقير - عددالردود : 0 - عددالزوار : 5948 )           »          جديدي قصايدي غازي العايد (اخر مشاركة : غازي العايد - عددالردود : 0 - عددالزوار : 5137 )           »          بعض قصائدي المسموعه 2023 (اخر مشاركة : غازي العايد - عددالردود : 0 - عددالزوار : 4464 )           »          بعض قصائدي المسموعه 2023 (اخر مشاركة : غازي العايد - عددالردود : 0 - عددالزوار : 4072 )           »          ஐღإهداء عبارات من القلب إلى القلبஐღ (اخر مشاركة : عابر احساس - عددالردود : 7195 - عددالزوار : 1469345 )           »          تفعيل الحساب (اخر مشاركة : أبوجابر - عددالردود : 3 - عددالزوار : 14 )           »          السلام عليكم ورحمة الله وبركاته (اخر مشاركة : جميل السويلمي - عددالردود : 2 - عددالزوار : 13 )           »          صلى على نبينا محمد (اخر مشاركة : مبارك كريم المعيتق - عددالردود : 0 - عددالزوار : 36107 )           »          بيته المهجور (اخر مشاركة : حمد الوايلي - عددالردود : 1 - عددالزوار : 34847 )           »         
آخر المشاركات




منتدى المختارات الشعريه مختارات شعريه متنوعه

إضافة رد
 
أدوات الموضوع انواع عرض الموضوع
قديم 20/02/11, (10:03 AM)   المشاركة رقم: 1
المعلومات
الكاتب:
خلف الغريب
اللقب:

مشرف المنتديات الادبيه

::هداج الشعر::

الرتبة:
الصورة الرمزية
 
الصورة الرمزية خلف الغريب

البيانات
التسجيل: 23/09/07
العضوية: 2004
الدولة: تيـمــاء
المشاركات: 3,324
بمعدل : 0.55 يوميا
معدل التقييم: 58
نقاط التقييم: 1825
خلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلان


الإتصالات
الحالة:
خلف الغريب غير متصل
وسائل الإتصال:

المنتدى : منتدى المختارات الشعريه
افتراضي من درر الشاعر الكبير سعد بن جدلان ..( مجموعة قصائد )


( منقول للفائدة والمتعة )
اضع بين ايديكم بعض قصائد الشاعر الكبير/ سعد بن جدلان الاكلبي
لااقول شاعر بل هو لسان المشاعر
فـ لله دره ..
القصيدة الاولى:











الا ياالله ياللي تحـت هيبـة سلطنتـك اسلمـت


لك المسلم يسبح لك بحمـدك ولـك الاسلامـي






احمدك واشكرك واثني عليك بما علـي انعمـت

تزودني وفا قـدر العشيـر ووصـل الارحامـي






ولجك الفجر ياليل الذهول اللي علـي اضلمـت

بعرضك واقع الماضي بعيني عـرض الافلامـي






ولهتك يالنديم اللي على صافي وفـاك اضرمـت

بصفحة ذكريات العام واللـي مـن ورا العامـي






بعد تقرير مشوار التجـارب نجحـك واجزمـت

بان السيف سيفي والعصـا والمحـزم احزامـي






عطتني عزلة اخلاصي معك نسيان من نادمـت

كتبتك وانطوت صحفي عليك و جفـت اقلامـي






اباهـي لا ابالـي واتبيسـط كــل ماقـدمـت

اشـب النـار قـدام العـرب واشيـد اخيامـي






نهاري حر شمسه يستحي منها لسان الشمـت

وليلي ترقب نجومه ملامـة كـل مـن لامـي






على ضو الكلام اللي كشف عنا ستار الصمـت

عرفت اني تحت برق الامل في روض الاحلامي






احسب انك تيمم با اتجاهـي ويـن مـا يممـت

واثر ما انت بورايه في الطريق ولانـت قدامـي






مصيبه لاتدنت قيمتك فـي عيـن مـن قيمـت

يشوفك بالسهل وانته تشوفه بالسمـا السامـي






كثر ماحن قلبي للونيـس وكثـر مـا درهمـت

فجر صدري حنينـي واتعـب الاقـدام درهامـي






عيون الصد وعيون التجافي حول مهما اكرمـت

تشـوف المجتهـد كسـلان والبنـاي هدامـي






مدام ان جانبك شام لجنابي وانت عنـي شمـت

كثر خيـرك وانـا مانيـب لاجايـع ولاضامـي






اشوف انه علي واجـب ليـا مريتكـم سلمـت

مرور اكرام تربطـه الكرامـه عنـد الاكرامـي






على شان الخفوق اللي على عرشه قعدت وقمت

حجب عنك الدجى لين اشرقت لك بيض الايامـي






ختام السالفه ياطيـب العشـره كرمـت ودمـت

هذا حقك علي وحق شرهاتـي علـى اوهامـي






مصير الوقت يشرح لك دروسه وان غفلت ونمت

يصحيك الزمان اللي يصحـي كـل مـن نامـي













تذكرني لامنها خابت اوهامك فمن وهمـت



وشفت الفرق في حب الخشوم وحب الاقدامي






















القصيده الثانيه














يالله ياللي بيدك الرزق وادراجـه

=افتح لنا أبواب رزقك لا تخيبنـا






فاحت علينانسيم المسك زعّاجه

=والمسك جتنا ذعاذيعـه وطيّبنـا







برق الحيا يجذب المسني تليعاجه

=وإلي جذب غيرنا للبرق جاذبنـا







جينا يا سلطان ابوخالد لناحاجـه

=ولولا الرجا فيك مازاعت ركايبنا







جينا إل ليثٍ يلوح الطيب بحجاجه

=نشكي على الله و نشكيله متاعبنا







نلح بقعا بليـا كـور و حداجـه

=حتى طويل المدى فضّا مزاهبنـا







نستربيوت الندا عن كل هرّاجـه

=كنوزنا الصبر والشيمه رواتبنـا







حتى لحقنا ضعافة وقت حواجـه

=ضعا فتٍ عند مثلك ما تعذربنـا







وجينالبيتٍ رفيع الساس وادراجه

=ما هو مباني زجاجٍ توهـا تبنـا







كلٍ يروح ويجي و يعد ما واجـه

=واليوم حنّا عيالك وانت شايبنـا














وإسلم عدد مايهيج البحربامواجه


وإقبل تحية ضيوفـك يامعزبنـا















القصيده الثالثه




في سمو الامير سلمان بن عبدالعزيز حفظه الله













بسـم رحمـن ٍ رحيـم نعبـده و نستعيـنـه

=بالنوايـا نيتـه تبطـل حقايـق كــل نـيّـة






بالربوبيـة و بالشـان العظـيـم موحديـنـه

=الرقيـب المطلـع فالبينـات و فـي الخفيّـة







لا مفرٍ من قضـاه و لا هـروبٍ مـن يقينـه

=و لا حمايـة للحصـون إلا حمايتـه القويّـه







يا بنات الفكـر هاتـي لـي نـوادرك الثمينـة

=في نبا سلمان بن عبدالعزيـز أمشـي جريّـه







في سنام طويق يزرع لك من الياقـوت عينـه

=في زاد و فيه شرب و فيه كـن و فيـه فيّـه







جودته تغني الفقارى و ارجـحٍ خطـلاً يمينـه

=لطمته تعمي عـداه و نفـح جـوده مسفطيّـه







طول الله فـي بقـاه و مـدد الله فـي سنينـه

=الخصال الطيبه في شيـخ أهـل نجـد العذّيـه







شايل الحمل الثقيل و معتق النفـس الرهينـه

=بالدليـل و طايـع ربــه و متـبـع نبـيـه







يـا ولـد قايـد مسيرتنـا وربـان السفينـه

=الزعيم الفيصلي مرسـي الحـدود الفيصليـه







صبح المديون قبـل الفجـر ثـم ارتـد دينـه

=قمتـه سـت الركايـب و ار بعيـن بوارديـه







لا يغـدر و لا يخـون و لا يحقـر محاربينـه

=يرفع البيرق على وضح النقا و الشمس حيّـه







بعد ما سيطر على الخزان و استولى الخزينـه

=صوتـوا بالحكـم بيـن مقيبـره و الناصريـه







كانت اقلوب أهلها شتـى و كـلٍ لـه ضغينـه

=في جهل و أعمالهم سلب و نهب و عنصريـه







جاتـه الأسيـاد تعطيـه الـولا و مبايعنـيـه

=بعد شافوا ضرب أبو تركي و مركاض العبيّـه







كان في الشبه أربعين و كان به عشره بطينـه

=فأشهد إن عبدالعزيز الفيصلي مـا فيـه زيّـه







سيدي قدام أجيـك القلـب مـا يظهـر كنينـه

=أتلـزا بالعـزوم اليـوم و الصبـح و قفـيّـه







و عندكم يا بو فهد تبـدا الظواهـر و البطينـه

=انتوا اللي بعـد رب البيـت منصـى للشكيّـه







سيدي ترك الحقوق اللازمه مـا هيـب زينـه

=خص عند اللي يقول حقٍ علـي و حـق ليّـه







إن بغيت أصد لا الصده عن الماجـوب شينـه

=و إن بغيت أجود شحّن المصـاري مـن يديّـه







في و جهك و وجه أبوك أو جاه مكه و المدينه

=و جاه من صام رمضان و جاه من حج الضحيّه







من قيادٍ عند أخـس النـاس ورّانـا الغبينـه

=و الدهر يـا كثـر قشرانـه و ياقـل أجوديّـه














يا صلاة الله على من دين أهل الاسلام دينه


و السلام و رحمة الله و بركاته و التحيّـه













القصيده الرابعه












البارحـه يـوم الاوادم خواشيـع

=في نومها وناعلى الكـوع واعـي






هم(ن)يمزع سترة القلـب تمزيـع

=تقول ينهش ثومة القلـب افاعـي







خذت القلم من بين روس الاصابيع

=وحبيت اميز سيرتـي وانطباعـي







عزلت من صدقان عطلةالاسابيـع

=وعزلت من ضحك الوجيه الصناعي







وعزلت من بنين بامالي مشاريـع

=جميد برد ولانس الشمـس ماعـي







وعزلت من زرع الخلي البلاقيـع

=وعزلت من رفع الثنيـه رباعـي







من نفعة اللـي ماطلبنـي منافيـع

=جميلة(ن)في غير اهلها ضياعـي







في اسواقها ماعاد لشري ولابيـع

=لخطيت من رفقة طويـل الذراعـي







اللي على الرفقه يسوقـه دوافيـع

=هـذاك تشـرى رفقتـه ماتباعـي







امايشجعني على الطيـب تشجيـع

=والايعلمنـي حميـد المسـاعـي







والا ليامنـه رمعنـي روامـيـع

=وضاقت على كل الفجوج الوساعي







جيته ويسرلي عسيـر المواضيـع

=وخلاخفايا خاطري لـه وساعـي














معرفته ماهي معرفة طماميع


ماتنتج الاالغطرسه والضياعي














القصيده الخامسه












الجهاله فـي ابـن آدم توليـه الدبـور

لوطريقه غـادي يحسـب انـه متجـه






عنده ان مامثل شوره مع الاشوارشـور

مادرى انه له مـزاج وللنـاس امزجـه







يمكن ان تلقى مـزاج يبادلـك الشعـور

لو على فلم الشطـاره وفلـم الدبلجـه







واخر المشوار لا حصلت مافي الصـدور

كل زور فيـه شوراليـا فـاق اهرجـه







القمر والشمس كنها تسلف منـه نـور

والجبال اتصير تحتـه خيـول مسرجـه







يحسب ان معه افضليه توليـه العبـور

ان لقاءالملح ازعقه ون لقاءالحلواسمجه







السماء عجزت تنوشه جناحين الطيـور

ماوصلـه الامحمـد ابليلـة معـرجـه







يا ابـن آدم يلعـن الله مختـال فخـور

من تواضع تحت ربـه يعليـه ادرجـه







لجل ماتدخل جهنم على شـان الغـرور

للعرب حاول تواضـع وتعطيهـم وجـه














من لقا عذب المشارب ومثمرة الزهور


ما قعديغرف من البحرويسوق احدجه














القصيده السادسه













أنا وين أبلقى يالاجاويـد فاعـل خيـر

حريصٍ على سرّ المحبيـن لارسلتـه






أناّ لوّ أبصبر عام مابـان بـي تأثيـر

وهالحين حتّى الصبر يومين ما أحتلتـه







أنا مثل صقـارٍ تولّـع بحـبّ الطيـر

ولف قلبه فـروخ الصورايـم وهبلتـه







تولعّت في فرخٍ قضيـبٍ يتـلّ السيـر

ابيّ نظرتٍ من لفتـة الحـرّ وسبلتـه







صغيرٍ بسنّه غير عندي ماهو بصغيـر

يامغلاه فـي قلبـي وياكبـر منزلتـه







أجمعله سمان الهرج خوفٍ من التقصير

والى جيت ابشرح له كلامـي تهيزلتـه














يجيني منّه هيبه . معزه . سحى . تقدير


اقابلـه عنـدي علـم وأروح ماقلتـه













القصيده السابعه













ياعيون اللي على المرقب تعـلاّ

مايـرب الا المراقيـب الطـوالا






طرتّك منها غثاء البـال يتجـلاّ

نعـسٍ مابينهـا بيـضٍ تـلالا







تذهل إلّي في جواهرهـا تحـلاّ

واهني من ذاق من ريقـك زلالا







لا وجاه الله ومنّ زكّـى وصـلاّ

مانبيك الاّ على السنّـه حـلالا







مايرّد الجوع شخبٍ في المفـلاّ

ولا يخضّ السعن من ذوده هجالا







أنـت غالـي ياوليفـي لا تغـلاّ

يثبت اللـيّ بيننـا ايـامٍ طـوالا







واللهّ انّي ميسٍ مـن وصلـك الاّ

فزعةٍ مـن ربنـا جـلّ وتعـالا







أدخل الضولات من شان أتسـلاّ

كود جرح القلب يبرى ويتشـالا














والمجنّب من الأوادم مايخـلاّ


لا سلم من شرّ ذالا ..جوه ذالا
















القصيده الثامنه













ياوليفي دمعكـم فـي غيابـي ردّ لـي

وأدري انّ دمعتك خوفٍ عليّ ومن غلاي






أنت ممرضني وأشوف المرض فيكم وفيّ

الهبوب البارده منّك هبّـت فـي حشـاي







والله انّ كبدي عليكم عراويهـا أضمـيّ

والمشارب غير هرجتك ماتقطع ضمـاي







كيف تستغرب بطاي ومجييّ يـوم أجـي

منك اجيك أبدون رأيٍ وأروح ابدون رأي







ليلي أسهر به والا جاء النهار أشلىشوّي

مـرتٍ أشلـى ومـرٍ يعاودنـي بـلاي







وأنت سبّة كـلّ شـي ولا داويـت شـيّ

كيف ياقـادر علـى داي ماتقـدر دواي







بعد مـا شتتـوّ الفكـر وأخليتـو يـديّ

كثرت أعلوم الشماميت وأفرحتو عـداي







مابعد جاني من يوم التقـو بـي والـدي

ولابعد مرّ المحبين مـنّ حـوّاء وجـاي







لوّ خبر به حيّ يبكي على فقـدان حـيّ

كان يمدي من عرفني يشاركني عـزاي














جعل يسقى يوم كان الهوى ماغير غي


فأول الرحله مثل مبتـداك ومبتـداي














القصيده التاسعه













ويش أسوي ياعيون الوحش عنق الغزال

لاحصل طاريك يفتح على قلبـي أرواق






لي ثلاث سنين بين الحقيقـه والخيـال

وأخر اشهر ذالسنّه تكمل الرابع غـلاق







شبه وضحاّ فالمخاضير زاويها الحيـال

من غلاها عند أهلها تبـارى ماتسـاق








تيهّت من صغرها بيـن ثنتيـنٍ هجـال

مهتويها راعيّ البل وعاشقهـا عشـاق














عنديّ إنّك ماخذٍ تـاج ربّـات الجمـال


سلموّك الحسن من باب صنعاء للعراق














القصيده العاشره













ياعيون مرقـبٍ فعـل الجدايـر

في صعانين الطوال المستديـره






صاحبك يعطي على شوفك بشاير

ديرةٍ منتو بهـا ماهـي بديـره







من خذا منكم خفيّـات السرايـر

والله انّ يبطي ولعكم في ضميره







لبـةٍ بيـن المعنّـق والزرايـر

مثل شمس الصبح قدّام السفيره







ويتفرشها من الخمري ستايـر

ذيل شقراّ شعشعت قدم المغيـره







جوهرة قارون غاليـة التجايـر

أشهد انّك بهجة العمر الكبيـره







واحدٍ حضّك مع حضّـه يسايـر

شايفٍ القدر فالعشـر الأخيـره














جعل أبو من لامني حمر المناير


في محبّة واحدٍ مالـي بغيـره














القصيده الحادية عشر













يامل قلب(ن) تقول يقلا على صيخ

خلت به الدنيا حـزازات ومشـوخ






دنيا تنوخ راعـي العقـل تنويـخ

وينداش فيها صاحي الفكر ويـدوخ







تغيـرو فيهـا العيـال المطانيـخ

وبسبابها شمل العرب صار مشلوخ







خلتهـم الدنيـا مناشـف طبابيـخ

حتى الاقارب بينها الذيب مصلـوخ







ماعاش فيها الاأعيـال الطخاطيـخ

خطوا البعير اللي من المدح منفوخ







من شان ماله صار شيخ ولد شيخ

وامشيخٍ نفسه على النصب والجوخ














بالحكـي لعتـازوه ويـاك مريـخ


وليا جاء لزومٍ عندهم صاروا فروخ














القصيده الثانية عشر













آه من قلبي اللي دايـمٍ فـي ذهـول

والله انه ثقيـلٍ ليـن جـوه الثقـال






ياقطـاة العبيـه ياهـيـام الـذلـول

ياعيـون النـداوي يارقبـة الغـزال







نور وجهك على من شاف منك القبول

=نور صبحٍ تبسم فـي رهـاد الجبـال







كني اقرا على طُـرّة جبينـك تقـول

انـا قلبـي يحبـك ياحبيبـي تعـال







كان قدمي حدٍ فالحـب راح مهبـول

والله انـه خطيـرٍ لايجينـي هـبـال







المحبـه جملهـا مرسـلٍ ومعقـول

نعنبو من يقـول ان المحبـه خبـال















والذي ليلة الاسراء عرج بالرسول


ان حبك لحال وحب غيرك لحـال



















توقيع : خلف الغريب

حياتنا حنا هناها وشقاها...وأقدارنا تمضي ولو ما نبيها
ونفوسنا . حنا دواها و داها...وايامنا تسري بنا ما عليها
لو نعلم المكتوب نرقع خطاها...والا نشوف المشكلة ما نجيها
ليت الليالي ينكشف لي غطاها...وليت السعادة تنشري واشتريها

عرض البوم صور خلف الغريب   رد مع اقتباس

قديم 20/02/11, (10:07 AM)   المشاركة رقم: 2
المعلومات
الكاتب:
خلف الغريب
اللقب:

مشرف المنتديات الادبيه

::هداج الشعر::

الرتبة:
الصورة الرمزية
 
الصورة الرمزية خلف الغريب

البيانات
التسجيل: 23/09/07
العضوية: 2004
الدولة: تيـمــاء
المشاركات: 3,324
بمعدل : 0.55 يوميا
معدل التقييم: 58
نقاط التقييم: 1825
خلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلان


الإتصالات
الحالة:
خلف الغريب غير متصل
وسائل الإتصال:

كاتب الموضوع : خلف الغريب المنتدى : منتدى المختارات الشعريه
افتراضي رد: من درر الشاعر الكبير سعد بن جدلان ..( مجموعة قصائد )

قمت بتنسيق القصائد ولكن لم تظهر منسقة فلي عودة لتنسيق القصائد بحول الله


















توقيع : خلف الغريب

حياتنا حنا هناها وشقاها...وأقدارنا تمضي ولو ما نبيها
ونفوسنا . حنا دواها و داها...وايامنا تسري بنا ما عليها
لو نعلم المكتوب نرقع خطاها...والا نشوف المشكلة ما نجيها
ليت الليالي ينكشف لي غطاها...وليت السعادة تنشري واشتريها

عرض البوم صور خلف الغريب   رد مع اقتباس

قديم 20/02/11, (04:04 PM)   المشاركة رقم: 3
المعلومات
الكاتب:
بنت الجزيرة
اللقب:
عضو نشط
الصورة الرمزية
 
الصورة الرمزية بنت الجزيرة

البيانات
التسجيل: 06/11/08
العضوية: 2996
الدولة: الرياض
المشاركات: 119
بمعدل : 0.02 يوميا
معدل التقييم: 47
نقاط التقييم: 50
بنت الجزيرة يستحق التميز


الإتصالات
الحالة:
بنت الجزيرة غير متصل
وسائل الإتصال:

كاتب الموضوع : خلف الغريب المنتدى : منتدى المختارات الشعريه
افتراضي رد: من درر الشاعر الكبير سعد بن جدلان ..( مجموعة قصائد )

مشكوووووور والله يعطيك الف عافيه
بارك الله فيك
حماك الله ورعاك


















توقيع : بنت الجزيرة



عرض البوم صور بنت الجزيرة   رد مع اقتباس

قديم 20/02/11, (07:49 PM)   المشاركة رقم: 4
المعلومات
الكاتب:
بنت الكحيلا
اللقب:
شاعره
الرتبة:
الصورة الرمزية
 
الصورة الرمزية بنت الكحيلا

البيانات
التسجيل: 08/06/09
العضوية: 3833
الدولة: الشرقيه
المشاركات: 6,173
بمعدل : 1.14 يوميا
معدل التقييم: 57
نقاط التقييم: 1924
بنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلانبنت الكحيلا يستحق وسام ويلان


الإتصالات
الحالة:
بنت الكحيلا غير متصل
وسائل الإتصال:

كاتب الموضوع : خلف الغريب المنتدى : منتدى المختارات الشعريه
افتراضي رد: من درر الشاعر الكبير سعد بن جدلان ..( مجموعة قصائد )

نقل جميل وممتع اخوي خلف الغريب

الله يعطيك العافية على حسن الإختيار

لك شكري وتقديري


















توقيع : بنت الكحيلا

عرض البوم صور بنت الكحيلا   رد مع اقتباس

قديم 29/10/11, (09:03 AM)   المشاركة رقم: 5
المعلومات
الكاتب:
خلف الغريب
اللقب:

مشرف المنتديات الادبيه

::هداج الشعر::

الرتبة:
الصورة الرمزية
 
الصورة الرمزية خلف الغريب

البيانات
التسجيل: 23/09/07
العضوية: 2004
الدولة: تيـمــاء
المشاركات: 3,324
بمعدل : 0.55 يوميا
معدل التقييم: 58
نقاط التقييم: 1825
خلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلانخلف الغريب يستحق وسام ويلان


الإتصالات
الحالة:
خلف الغريب غير متصل
وسائل الإتصال:

كاتب الموضوع : خلف الغريب المنتدى : منتدى المختارات الشعريه
افتراضي رد: من درر الشاعر الكبير سعد بن جدلان ..( مجموعة قصائد )

اقتباس:
المشاركة الأصلية كتبت بواسطة بنت الجزيرة مشاهدة المشاركة
مشكوووووور والله يعطيك الف عافيه
بارك الله فيك
حماك الله ورعاك
شكرا للمرور اختي بنت الجزيرة وبارك الله فيك ..

تحياتي وودي


















توقيع : خلف الغريب

حياتنا حنا هناها وشقاها...وأقدارنا تمضي ولو ما نبيها
ونفوسنا . حنا دواها و داها...وايامنا تسري بنا ما عليها
لو نعلم المكتوب نرقع خطاها...والا نشوف المشكلة ما نجيها
ليت الليالي ينكشف لي غطاها...وليت السعادة تنشري واشتريها

عرض البوم صور خلف الغريب   رد مع اقتباس

قديم 30/10/11, (03:04 AM)   المشاركة رقم: 6
المعلومات
الكاتب:
قاسم عبدالله المفوز
اللقب:
ضيف عزيز
الصورة الرمزية
 
الصورة الرمزية قاسم عبدالله المفوز

البيانات
التسجيل: 21/08/11
العضوية: 6627
الدولة: حائل
المشاركات: 36
بمعدل : 0.01 يوميا
معدل التقييم: 0
نقاط التقييم: 50
قاسم عبدالله المفوز يستحق التميز


الإتصالات
الحالة:
قاسم عبدالله المفوز غير متصل
وسائل الإتصال:

كاتب الموضوع : خلف الغريب المنتدى : منتدى المختارات الشعريه
افتراضي رد: من درر الشاعر الكبير سعد بن جدلان ..( مجموعة قصائد )

الله يعطيك العافيه والشاعر سعد بن جدلان مدرسة شعر وحكم ولك جزيل الشكر على النقل
دمــــــــــــــــــــــــــــــــــــــــــــــــ ـــــت بــــــــــــــــــــــــــــــــــــــــــــود


















عرض البوم صور قاسم عبدالله المفوز   رد مع اقتباس

قديم 31/10/11, (12:24 PM)   المشاركة رقم: 7
المعلومات
الكاتب:
بندر السديري
اللقب:

شاعر

~ ااالملكــي ~

الرتبة:

البيانات
التسجيل: 26/12/10
العضوية: 6134
الدولة: جـ (أم الدنيا) ـده
المشاركات: 2,614
بمعدل : 0.54 يوميا
معدل التقييم: 51
نقاط التقييم: 3900
بندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميزبندر السديري يستحق اوسمة الابداع والتميز


الإتصالات
الحالة:
بندر السديري غير متصل
وسائل الإتصال:

كاتب الموضوع : خلف الغريب المنتدى : منتدى المختارات الشعريه
افتراضي رد: من درر الشاعر الكبير سعد بن جدلان ..( مجموعة قصائد )

عملاق الشعر بن جدلان
خلف الغريب
لاهنت ياالغالي
وتسلم يمينك
تحيااتي


















توقيع : بندر السديري

عرض البوم صور بندر السديري   رد مع اقتباس

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة: استضافة رواد التطوير
الساعة الآن (09:43 PM)


مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه