الشعر وألحانه...............اتمنى تنال اعجابكم..

[ماجدمحمدالعنزي]

غنيت وابديت الشعروألحانه = طرقن جذبني واستوت قيفانه

طرقن على ماقيل طرق هلالي = وانادخلت الشعرمن بيبانه

اكتب وفكري له خيالن واسع = وابحر ولي مركب وانا ربانه

اقدم الجزله وانا راعيها = واجيب ياقوته قبل مرجانه

ماهو غرور الاثقه محموده = وفي هرجة الناقص ماهي بلشانه

اللي تظاهربالصداقه عندي = ودم القرابه ماأحترمه وخانه

انا احسبه وقت الشدايد صامل = واثره ضعيف وحالته تعبانه

اللي قصيدي يزعله ويغله = ماهو كفو للتضحيه من شانه

ياصار يحكي بي هنا وهنيا = والسر حتى ياعرب ماصانه

اللي مثل هذا مايمسك نفسه = عن الكلام الله يقص لسانه

وانا علشانه بأزيد ابداعي = والشعر وهبه والهجوس اركانه

من موهبه جاني واناقدرته = قدرن كبير وراجحن ميزانه

اعطيته اللي يستحق اعطيته = وسكنته بصدري وانا عنوانه

أليا كتبت اكتب واثير اعجابه = ومعزوفتي دايم معي سهرانه

اتعب ليامني نويت اكتبها = وقدامي الجمهور في ميدانه

اما تجي قصيدتي مجنونه = اون شاعرها يزيد جنانه

حبيت اقدم من قصيدي لوحه = تأكيد لابداعي وهي برهانه

والمنتقد ماهو ابد ناقدها = وكانه زعل الله يزيد أحزانه

ماهو بلاقي لما تمنى فرصه = لأن القصيد مثبته سيسانه

غنيت وابديت الشعرواعجبني = طرقن جذبني واستوت قيفانه

[مشهور الرشدان]

اكتب وفكري له خيالن واسـع وابحر ولي مركب وانـا ربانـه
صح السانك ياخوي محمد ابداع بلا حدود اسمح لي اقولك انت داهيه هذ1 العصر
تقبل مروري دمت بـــود

[محمد بن موسى]

اكتب وفكري له خيالن واسـع
وابحر ولي مركب وانـا ربانـه
اقـدم الجزلـه وانـا راعيهـا
واجيب ياقوتـه قبـل مرجانـه


ماجد محمد العنزي

صح السانك مدد بلا عدد

وكفوو والله يا محمد

ابيات رائعه بروعة حضورك وتألقك
جزالة وشاعرية لا يختلف عليها اثنان اخي الكريم

لله درك

[خلف الغريب]

مرحبا فيك اخي العزيز ماجد في ويلان والحقيقة انني لم اعرفك الا بعد قراءة هذه القصيدة حيث تذكرت اننا التقينا في امسية قريبا في تيماء
واسمح لي فقد خانتني الذاكرة في تذكر اسمك الا انني ومنذ قراءة البيت الاول والقصيدة مألوفة لي وهنا تذكرت المبدع صاحبها والا فالترحيب بك واجب علينا هنا قبل الشعر ..

الف صح لسانك وابداعك لا يختلف عليه اثنان وانت بلا شك مكسب كبير لنا في هذا المنتدى الجميل بأعضائه ..

اكرر الترحيب والف صح لسانك ..

[بدرفهد الجعفري]

ياسلام ابدعت وربي ابدعت

وامتعتني بما كتبت صح لسانك مليووون

[تركي علي الخالدي]

ماجد محمد

انت شاعر من الطراز الرفيع فهذه القصيده لاتاتي الا من ملك الابداع

صح لسانك

[سالم صالح]

ماجد محمد العنزي


صح السانك على هالقصيدة الرائعة التي لايكتبها الا من يملك فكر راقي وقلم مميز


الله اكبر على هذا الجمال والتميز


تقديري وودي