الهرج ماينبني من غير تأسيسي = افعالنا من قبل حكم السعوديه

[تركي النومسي]

السلام عليكم ورحمة الله وبركاته

جديده اتمنى ان تنال استحسانكم

	الشمس غابت وهبن النسانيسي=والليل خيّم وزاد الجرح والكيه وغديت مثل اللذي وسط المحابيسي=وباقي على قصّته شهرين وشويه توجهو له رجالٍ تتعب العيسي=ولافاد بابو القتيل الجاه والديه ومات الامل بعد ماعادو مفاليسي=ووصوه بانه يتوب ويصلح النيه موته تحقق وثبّت بالقراطيسي=من قاضي المحكمه باحكام شرعيه وزادت عليه المواجع والكوابيسي=البال مشغول وعيونه شقاويه يدق قلبه مثل دق المراويسي=ويرقب لموعد قصاصه كل فجريه هذاك حاله ترى بكل المقاييسي=لامن لفى الليل حالي زيّها زيه همومي اللي وسط قلبي مراميسي=ليا اظلم الليل دايم نارها حيه وليا اشرقت شمسنا بعد الغطاليسي=اودّع هموم وسط القلب مكميه واسج رجلي بعيد عن البلاليسي=اهل الحسد والهروج الاصطناعيه لاابعدت عن لمت وجيهٍ معابيسي=ارتاح لو كنت وسط ارضٍ خلاويه لاصرت وحدي ولو كثرن هواجيسي=ابرك من مقابلة بعض الهلاميه بسج رجلي وزيدن ياوساويسي=ولاني مقابل رجالٍ مالهم فيه لاني من اللي يتعبون العراميسي=اهل الوفا والنقا ضدادت الهيه عيال نومس محرّقت المحاميسي=جعافره من ضنا نسل العواجيه ويلان حازو على كسب النواميسي=ماهي دعايه ترى علومٍ حقيقيه والهرج ماينبني من غير تأسيسي=افعالنا من قبل حكم السعوديه ماننحني رغم تأثير التضاريسي=الاّ لمن يحصي الحسنات والسيه ونفرّق الطيبين من الهلابيسي=ودخيلنا مايجيه الضيم موليه ونكرّم الضيف في زين المجاليسي=والجار حقّه ماينقص منّه شويه ونعطي ولو مانبقّي شي بالكيسي=وندمح خطاياً تجينا لااراديه وندوس رايٍ سديدٍ مابعد ديسي=ونفزع ليا استفزعونا قوم ماطيه نركب على الضمّر وللخيل فريسي=ونرد حقٍ وخذ من غير احقيه وكل القبايل لها بصمه وتدريسي=في منهج الطيب وصلو للنجوميه افعالهم ماتجي خلف الكواليسي=حطت لهم في مجال العز ماريه وارجع على اللي بدت منه هواجيسي=اللي ليا جا يجي همّي وطاريه ليلن ليا حلّ زادن الوساويسي=يضهر همومن على الانذال مكميه ياليل بعّد ترى كل الاحاسيسي=تكرهك لانك تجيب احزان مخفيه وياشمس طلّي وهبي يانسانيسي=وياهم ودّع وانا بسج رجليه

وسلامتكم

مع اجمل التحايا


تركي النومسي

[زاحم النومسي]

والهرج ماينبني من غير تأسيسـي
،،،،،،،،،،،،،،،،،،،افعالنا مـن قبـل حكـم السعوديـه
ماننحني رغم تأثيـر التضاريسـي
،،،،،،،،،،،،،،،،،،،،الاّ لمن يحصي الحسنـات والسيـه
ونفرّق الطيبيـن مـن الهلابيسـي
،،،،،،،،،،،،،،،،،،،،،ودخيلنـا مايجيـه الضيـم موليـه
ونكرّم الضيف في زين المجاليسـي
،،،،،،،،،،،،،،،،،،،،والجار حقّه ماينقـص منّـه شويـه
ونعطي ولو مانبقّي شـي بالكيسـي
،،،،،،،،،،،،،،،،،،،،وندمـح خطايـاً تجينـا لااراديـه
وندوس رايٍ سديـدٍ مابعـد ديسـي
،،،،،،،،،،،،،،،،،ونفزع ليا استفزعونا قـوم ماطيـه



بيض الله وجهك ياتركي على هالشامخه


قصيدك شامخ من شموخك اخوي تركي النومسي


صح السانك مدد بلا عدد



تقبل تقديري وتحياتي اخوك زاحم النومسي

[ماجد الغانم]

الأخ العزيز

والشاعر المبدع

تركي النومسي

صح لسانك ............ولاهنت


غلى هالقصيدة الشامخة التي اتحفتنا بها

ونعم بك وبلابتك اخوي تركي

دمت ودام هذا التميز والأبداع


تقبل فائق تقديري واحترامي

[تركي صالح]

الرائع دومً / تركي النومسي

سلمت ودمت أخي الكريم

على أبداعك الفذ والمتناهي

من خلال هذه الرائعه

واللتي سمت وظهرت بأجمل روائعها الشعريه

أبياتً رائعه ومعانً جميله وكلماتً مبدٍعه

صح لسان وسلم بنانك أخي الكريم

وتقبل فائق التقدير والاحترام

[القايد]

عزالله جزل ياتركي والله يبعد عنك الهواجيس وكفوووووو بكم وصح لسانك على هذه الرائعة بمدح ربعك وهم يستاهلون المدح،
تحياتي لك،،،

[مشاعر حالمه]

تركي النومسي

صح السانك يالقرم ولاهنت

رائعه

تحيتي لك / مشاعر حالمه

[طيــف]

عيال نومس محرّقـت المحاميسـي
جعافره من ضنـا نسـل العواجيـه
ويلان حازو على كسب النواميسـي
ماهي دعايه تـرى علـومٍ حقيقيـه
والهرج ماينبني من غير تأسيسـي
افعالنا مـن قبـل حكـم السعوديـه
ماننحني رغم تأثيـر التضاريسـي
الاّ لمن يحصي الحسنـات والسيـه
ونفرّق الطيبيـن مـن الهلابيسـي
ودخيلنـا مايجيـه الضيـم موليـه
ونكرّم الضيف في زين المجاليسـي
والجار حقّه ماينقـص منّـه شويـه


ونعم واللــــــــه

صح لسانك ولاهنت

قصيده جزله وماهي غريبه عليك

بانتظار المزيد من ابداعاتك

تحياتي/