كسر المجاديف

[حـمد بن فتان]

اقلط ولا انت بضيف ياغلى من الضيف=الدار دار اللي ملاها حنينه
سولف وانا باغرق معك بالسواليف=صح الجروح النايمه والدفينه
موج البحر عاتي وينحت من السيف=نحت الليالي في القلوب الحزينه
وانا اعرف ان مابعد كسر المجاديف=الا الغرق والا ضياع السفينه
فذبيت من شاطيه صوب المشاريف=ساعة جرف مدّه بيوت المدينه
ابغى السلامه لو عليه تكاليف=مابغى البحر لو الجواهر ثمينه
لأنها في عمقه وعمقه مخيف=كم واحدٍغاصه وتعبت يدينه
واللي يدوّر من وراه المصاريف=ماعاد دسّم شاربه من يمينه
غدا ضحيّة قرش والاّ عواصيف=والاّ غرق بعد القهر والغبينه
وحبل النجاة اللي براسه خواطيف=تزمي بكار الموج بينه وبينه
هذا البحر ماغوصه يجي على الكيف=يبغى مع الخبره عضودٍ متينه
عجزت الاقي لازرق الموج توصيف= الا زراق الموت بصبّي عينه
اللي جعلني له من أغلى المواليف=حظٍ كتبه الله بعالي جبينه
وآنا جعلته خرمةٍمالها كيف=الاّ ثبوت العقد من شاهدينه
والله يجيبه قبل كسر المجاديف=قبل الغرق والا ضياع السفينه

[سعود العواجي]

حمــــــــد بن فـتــــان



هنـــــا وجــدت روح الشعـــــــر ...




صح كلك ..

[تركي صالح]

الشاعر الرائع / حمد بن فتان
.
.
.
.
.


صح لسانك أيها المبدع

وسلم بنانك على هذه الرائعه

واللتي أتحفتنا بجمالها وروعتها

لنغوص عبر كلماتها العاتيه

ونبحر في معانيها الساميه

قصيده رائعه من شاعراً أروع

قدمها لنا بأروع وأجمل تصوير

ليتركنا معها نغوص الى القاع

ونستمتع بجمالياتها وسحرها الجذاب
.
.
.
.
.

دمت وسلمت أخي الكريم

وتقبل فائق التقدير والاحترام

[سعوط المجانين]

صح لسانك ولاهنت

...

[ماجد الغانم]

الأخ العزيز

والشاعر المتميز
حمد بن فتان




صح لسانك ....ولاهنت


دائماً تتحفنا بماهو متميز

وهذه القصيدة قمة في التميز والأبداع


لله درك ...............ولافض فوك



سلم بوحك ...وفكرك .....


دمت بكل خير

ودام هذا التميز والأبداع

[خلف فلاح الحمرون]

حمد بن فتان
صح لسانك ملايين
قصيده رائعه
وارجع واقول صح لسانك وسلم بوحك
تحياتي لك

[راعي مواجيب]

صح لسااااااااااااااانك ياحمد والله يعطيك العافيه على القصيده رائعه