مــرثــيـــه بعــنـوان(أخو سندا)

[نواف ابن ثويني]

بسم الله الرحمن الرحيم

هذه القصيده مرثيه بالفقيد سند جباره الضوي تغمده الله بواسع رحمته واسكنه فسيح جناته,

لعل الكلمات لاتخفف المصاب ولكنها تعبر عن اسانا البالغ برحيل رجل بحجم سند جباره,,

المرجو والمطلوب الدعاء له بالرحمه والمغفره.

واترككم مع القصيده:

السبت والثالث من ايام شعبان=في عام ألف وأربع اميه وثلاثين
مأساه ومصيبه بهاليوم واحزان=فيني وبالربع القريبه والاقصين
راح العديم اللي له العز عنوان=راح اخو سندا آآه ياهو خبر شين
سالت ادموع العين وأهتزت ابدان=وامن الذهول امشي ولا ادري على وين
ابو فهد غالي على كل انسان=وفرقاه هدتنا لو انا قويين
ابو فهد رمز المراجل والاحسان=كريم تشهد له جموع المصلين
في وسط ربعه له مكانه وله شان=شجاع تشهد له رجال وميادين
الله يبيحه سيد المرجله كان=دايم ذرى ربعه على العسر واللين
كل الشوارب عنده اعيال واخوان=مايختلف في حبه لربعه اثنين
وحنا بعد في كل مجلس وميدان=نفخر وناقف في صفاته مباهين
ماينمحي طاريه لو مرت ازمان=حرام ماحنا مع الوقت ناسين
لو في يدي والله لاصير جثمان=وأفداه لكن حكمة الرب والدين
لكن ابطلبله من الرب غفران=وأرفع يديه كل صبح ومسا وحين
لأبوفهد يالله عسى الخلد مسكان=وياسامعين ادعاي له قولوا آمين

[صالح السالم]

رحمه الله واسكنه فسيح جناته

غفر الله له ولجميع اموات المسلمين


اخي نواف انت رائع في كل مجال تكتب فيه

صح السانك وننتظر القادم

تقبل مروري

[عبدالعزيز السعود]

لأبوفهـد يالله عسـى الخلـد مسكـان=وياسامعين ادعـاي لـه قولـوا آميـن

اللهم امين ..
رحم الله اخو سندا رحمة واسعة ...
واسكنه فسيح جناته .....
الشاعر: نواف ابن ثويني صح لسانك وبيض الله وجهك وجبر الله مصابنا ومصابكم في ابو فهد ..

[عمر الطويلعي]

صح لسانك ,,,

الله يغفر لفقيدكم ويسكنه الجنة ,,, ويجبر مصابكم ويعظم أجركم

لأبوفهـد يالله عسـى الخلـد مسكـان

وياسامعين ادعـاي لـه قولـوا آميـنآ

آمين .. آمين

[خلف الغريب]

لأبوفهد يالله عسى الخلد مسكان

وياسامعين ادعاي له قولوا آمين

آمين واسأل الله له المغفرة في هذا الشهر الفضيل ..

كل العزاء لأهله الكرام وجماعته ولك اخي نواف ..

تحياتي وودي..

[ماجد الغانم]

صح لساانك اخوي نواف


ولا حول ولا قوة الا بالله

ونسأل الله ان يرحم ابو فهد ويسكنه فسيح جناته

............

[سالم صالح]

رحم الله ابو فهد رحمة واسعة واسكنة فسيح جناتة


وجزاك الله الف خير اخي (نواف ) فلقد اجدك وماقصرت


تقبل تقديري