قصه لهيلم المويس وفزعت لـ حصبان العنزي

[فيصل الرسلاني]

مدري إن كانت هالقصه تدخل تحت تاريخ بني وائل ...لكن بما إن فيها عنزي المفروض على الأقل سمعنا عنها ...إليكم ما نقلته من منتدى بني مطير الهوامل

قصه لهيلم المويس وفزعت لـ حصبان العنزي

كان الشاعر حصبان الصقري العنزي في بادية الكويت وكان يتردد بين الكويت والصمان وكانت قبيلة مطير نازلة على الصمان ويوم من الايام سار حصبان ومخاويه اثنين من الهوامل من مطير وهم صياح وحمود ومعروف ان رفيق الدرب له حقوق الحماية من مرافقيه ويوم هم محدرين مع الطريق والا يواجهم الفارس العقيد طواري بن جربوع الديحاني المطيري ويوم عرف طواري ان حمود وصياح من مطير وحصبان من عنزة قال هذا العنزي عدوناء وكان مع حصبان بندق وخذاها منه طواري فطلب من ربعه حمود وصياح يردون بندقه له من ولد عمهم الوكاد وعيوا وقالوا دام انها عند طواري ما نقدر انلاقيه فقال الشاعر حصبان الصقري العنزي يتوجد على بندقه ويلوم ربعه :


لي بندق فيها من الشان مشدود
،،،،،،،،،،،،،،،،،،،،خذها طواري وشوفها ماهيالــي
يابندقي تنخين صياح وحمـــود
،،،،،،،،،،،،،،،،،،،،واللي حضرهم من أولاد السيالي


وأثارت هالابيات نخوة الفارس لهيلم المويس المطيري فترصد لطواري وخذا البندق منه وردها لحصبان فقال حصبان هالقصيدة يثني على لهيلم :


ثوب من البيضاء وساع اكمومــــه
،،،،،،،،،،،،،،،،،،يستاهله مني لهيلم ويزهــــــاه
ولد المويس اللي تجيني علومـــه
،،،،،،،،،،،،،،،،،،مع الطروش اللي قربهم مطـــواه
عاشت يمينه يوم قام بلزومــــه
،،،،،،،،،،،،،،،،،،ما طاوع اللي بالردي قاما ينخاه

تحياتي للجميع

[أبو غرام]

اشهد بالله انها حلوه
ولكن وتعقيب على حديثك اخي
هي نعم من تاريخ القبيله بما انها حدثت مع احد ابناء القبيله
ولكن الاهم التأكد والتثبت من صحتها
ولكن وعودةٌ على القصه : اعجبتني
وبالفعل
ليس كل الاصدقاء أوفياء .. ياكثر متلبسين الطيب وهم رديين
وياكثر اللي توفي لهم وهم أنذال وعفون
ولكن الحل يابعدي / لاشفت العفن والنذل ومن هم على شاكلتهم
إنفض شليلك عنهم وابعد ولا تخاويهم
اللي مثل هالفئه صعبه تعلّيه ..
في حين ان مرافقته تحدر بك مثله حيث انها سهله .. اسهل من الطيب وبكثير
ويقول المثل / لاشفت الطيّب خاوه .. وقس عليها / لاعرفت الردى .. اهرب عنه
لله درّك على إيفاد هالنص يالرسلاني
اخوك / ابو احمد

[فيصل الرسلاني]

صدقت يا بوأحمد وعداك العيب...نصيحه من القلب للقلب بإذن الله ...سعدت جدا بها

[عبدالمحسن الجلوي]

بيض الله وجه ابن مويس المطيري يوم تبيض وجوه وتسود وجوه ورحمة الله تعالى ... ونعم وسبعةأنعام بمطير قبيلة عزيزة لها صولات وجولات بشبه الجزيرة جلا يمهم مسلط الرعوجي واحسنوا جواره وزوجوه كــــــــفوا بحمـــران النواظر .....

.......... وش احلى من هالقصة يافيصل الرسلاني الا اللي جابها .... تسلم يابن جمع دلاق ... تحياتي ...

[سليمان الجعفري]

الله يعطيك الف عافيه اخي فيصل الرسلاني على القصه الطيبه

وهذه من عوايد العرب في حفظ حقوق الخوي وعدم المساس به

تحياتي لك

[محمد بن موسى]

فيصل


قصه رائعه والاروع منها ناقلها

لاخلا ولا عدم يالغالي


كن بخيرر

[مصعب علي]

يعطيك العافية