سجل دخولك للمنتدى ببيت شعر اعجبك

[جلال الدرعان]

جيتك وشايل في يدي سلة \ إعتاب
................. وأخفيت لك في فم قلبي ، حكاوي !

مبلول شوق .. وشمعتي ضيها ذاب
................. أشعل فتيلك يالـ ( أمل ) بالرجاوي

هزيت كتف الوقت واتساقط أتعاب
................. لملمت ضيقه / هم / حيرة / بلاوي

ندهت هيه وهيه ..\ والهيه ماجاب
................. غير الأسى شوفه على القلب كاوي

شفني مسامر وحدتي أشعل : غياب
................. أجهدني المنفى متى فيك ...\ آوي ؟

[محمد بن موسى]

( ليلة خميس )وخـاطري فيه مـافيـه=الله يسامـــح مـن تركنـي لحــالـي
في وحدتي بين التعب والمشاريـه=ارسم على اللوحه سـواد الليالـي
ياهيه بعدك بس من هـو نحاكيـه=في غيبتك من هو يجاوب سوالـي
الحب شفــره بيـن غـــالـي وغاليـه=يعني على المكشوف ياهوه غالي

[بنت الكحيلا]

يشهد الله ماتبكينا الهموم
المواجع بيتها القلب الجريح
والخسارة عقبها فوزاً يقوم

في زمنا مايصح إلا الصحيح

[سيف العشق]

الحب ماينفع معه فزعة ولا (واو) معطوف،
الحب لوزالت جبال الارض ذكره لايزال.

[بنت الكحيلا]

من عرفتك والقصايد كلها لـك ... شاعرك مايكتب لغيرك جديـدة ..

[محمد بن موسى]

وين انــت يا ملــّهم قصيدي اناديك!!! =الصدر ضايق وخاطري منك ما طاب
اخر قصيدة حـــب موضــــوعها فيك=مضمـــونها ياصاحبي لـــــوم وعتاب
يوم غـــبت عني كـــل يوم احـــــاتيك =انت الوحـــيد اللي عن البال ماغـاب

[بندر السديري]

يادار وين الحبّيب سمح الاقبالي
.. اللي الى شاف مرسولي يهليبه