$$ماعرفت النوح لولاك صدري ما ينوح $$ - °~*¤®§(§ شبـــكة ويــلان العـربـيـه §)§®¤*~ˆ°

**سعود المسعودي** · 22/02/10, (10:59 PM)

أترككم مع هذه القصيدةواتمنى لذائقتكم قبولهـا=
-----------------------------=
----------------------=
----------------=
دمعت(ن) بالعين رابت وعيت لا تروح = استقرت بين الأهداب وازدادت غليّ
كيف تشربها عيوني وهي دمع(ن) سفوح = وكيف تذرفها وهي دمعت(ن) ماتنزلي
حيرة الدمعة مثل حيرتي عند الظروح = يوم قلت حيلتي بان ضعفي وجهلي
واستويت لخنجر الوقت والخنجر ذبوح = مارحمني خنجر الوقت لو طال زعلي
ولا رحمته بالترجي وانا بالروح روح= عزتي تفرض صمودي وراسي معتلي
ماعرفت النوح لولاك صدري ما ينوح = يا عزيز(ن) من هلي رحت لا. كلك هلي
كم هدمت بغيبتك من شواميخ الصروح =وكم بنينا لك نياشين يا عز(ن) ملي
وكم بنيت بنفس مغليك عزه والطموح = والله انك تاج راسي وعز(ن) ينجلي
باقي(ن) لك في ثرى الروح شيء(ن) مايروح = لين تفنى روح مغليك والا تنبلي
كيف تنسى وانت نجم(ن) تعلى كل ضوح = وكيف ابجهل قيمتك وانت سهلي وجبلي
يا نديم الجرح حزني نديمك للجروح = من كروت الحزن أبعطيك والا ذبْلي
ما بخلت بفرحة الوقت لكنه شحوح = ودنا نعطيك فرحه ولكن عزلي
يا طلال أجمل تباريحنا لحظات بوح = بحت لك في ما شعرته وهاك ورد لي

**محمد الراجح** · 22/02/10, (11:50 PM)

يشرفني اني أول من اطلع على هذا الرقي المنير والنص المتكامل

ياسلام عليك شاعرنا الراقي

( ســعـود المســعودي )

صح لسانك وبيض الله وجهك على هذة الذائقه المميزة

تقبل تحياتي .

محمد الراجح ,,

**عوض بن خميس** · 23/02/10, (01:04 AM)

وانا ثانى واحد وهذا شرف لايضاهية شرف

ابو شجاع

ماذا عسى ان اقول وماذا عسى ان اشيد فانت فوق الاشادة والاطراء شاعر كبير تصغر امام ابدعاتة كلمات الشكر والمديح..... تقبل تحياتى واعجابى

**عناد الغريب** · 23/02/10, (02:59 AM)

ماشاء الله تبارك الله

اخي الشاعر سعود صح لسانك وفكرك

عزالله نص مليان ومحبوك ولاهو غريب على سعود

لله درك ولايضرك اخي الكريم

دمت باحسن حال

وفقك الله لما يحبه ويرضاه

**عاشق المعالي** · 23/02/10, (11:52 PM)

الكبير بقدره وشعره

سعود المسعودي

صح لسانك ..... ابيات قمه في الجمال والروعه والعذوبه والنقاء

دمت مبدعا

**البدر** · 23/02/10, (11:59 PM)

الله عليك يابو شجاع

بكل صراحه انا معجب جدا بما تكتب

هذا النص بالفعل محبوك وجميل وشاعري لأبعد الحدود

صح لسانك مليوووووون

**masha3el ** · 24/02/10, (10:11 AM)

الشاعر القدير
‏سعود المسعودي
صح لسانك وسلمت على ابداعك الرائع ‏ ‏‏
‏نص رائع وكلمات جميله
‏وينساب العطر من قوافي نصك الجميل
‏ماشاء الله عليك ‏
وبانتظار جديدك
‏تحياتي وتقديري