قصيده للشاعر : مطلق النومسي. - °~*¤®§(§ شبـــكة ويــلان العـربـيـه §)§®¤*~ˆ°

**الشمالي** · 19/05/05, (01:43 AM)

السلام عليكم ورحمه الله وبركاته ......... وبعد

أنا عندي طلب
وياليت لو تلبونه لي

اللي هو :::
قصيده للشاعر مطلق النومسي

واللي منها يقول فيها رد

رضيعنا يسوى ثمانين طابور *** من مثل شكلك يا مخاشر منيره

وأنا دورت عليها ولا لقيتها

وأتمنى من أحدكم أنه يساعدني في إيجادها

وياليت لو كانت بالصوت

وتقبلوا مني جزيل الاحترام

أخوكم :::::::: الشمالي

**مزيد المزيد** · 24/05/05, (10:22 PM)

اخوي الشماالي اسف على التاخير بطلبك هذي قصيدة مطلق النومسي كامله ولم استطع اايجادها بالصوت

الصمت في بعض المواقيف منكور
........................................ والحكي في نفس المواقيف خيره

ماللصبر داعي الياوصلت الزور
......................................... كف البليد .. اللي مضيع مسيره

اللي على الصحبه معه كنت مجبور
.......................................... زميل درس وقبلها حق .. جيره

من جانبي صحبه بها العز .. مذكور
........................................ ومن جانبه صحبة مصالح حقيره

كم لي وأنا اطوف له سنين وشهور
......................................... واقول اخيره بس وين الأخيره ؟؟

وان كبر الزله علي قلت معذور .. !!
.......................................... صاحب ويمزح والكبيره صغيره

الين خلى الدم في قلبي يفور ..!!
....................................... الهافي اللي .. مهفي الله ضميره

دستور ياعصر الحضارات دستور
......................................... أنا اشهد انك ملت ميله .. كبيره

خليت واحد مثل هالنذل منصور
......................................... يجرى على قول العلوم الخطيره

يقول لي هكري ومن هكرة الزور
.......................................... ولا لنا بين العرب ... أي سيره

هكري بعينك لعنبو عين هالثووور
........................................... ياثور حنا اللي حكمنا الجزيره

من العراق إلين عرعر وابو القوور
.......................................... لطريف لديار الشريف الشهيره

للشام لـ لبنان واستكمل الدوووور
........................................ لـ َ نجد .. لديار الكويت وقصيره

حكام من حكام والسيف مشهوووور
....................................... من دم جدانك .. نخضّب جفيررره

عيال وايل .. مابنا راس محقوور
................................... روس الرجال .. اهل الوجيه السفيره

عيال وايل .. عز من بات مقهور
...................................... يصبح بعزٍ ... مايبي عزّ .. غيره

صقور صيد وصيدنا كله صقور
...................................... يازين صيدات الصقور .. المغيره

لنا على دار الفخر .. عرش وقصور
..................................... وانشد وتلقى العلم .. في كل ديره

شجعان خلقه والشجاعه لنا سور
...................................... والشاهد الله ، والسيوف الشطيره

رضيعنا يسوى ثمانين طابور .. !!
..................................... من مثل جنسك .. يامخاشر منيره

من مثلنا ياناقص العقل والشـور
..................................... حتى الذي مثلك يزود .. صفيررره

هذا وانا ماقول بالعالم .. قصــور
.................................... الطيبه .. في كل قوم .. وعشيرره

مير انت ناقص وابن ناقص ومحقور
.................................... واخف عندي .. من قشور الشعيره

لكن ترى ماقال راكان مخبـوووور
...................................... الهرج يكفي صامله عن كثيره

ياثور يابن الثور يارباية الثوور
....................................... اترك بني وايل .. ورح للحضيره

وسلاااااااااامتكم

**عبدالكريم العنزي** · 25/05/05, (12:18 AM)

عيال وايل .. مابنا راس محقوور
................................... روس الرجال .. اهل الوجيه السفيره

عيال وايل .. عز من بات مقهور
...................................... يصبح بعزٍ ... مايبي عزّ .. غيره

مـزيـد الـمـزيـد

صح لسانك ولسان الشاعر مطلق النومسي

ويعطيك العافيه على نقل هذه القصيده الراااائعه

لك الووووووود

**ماجد الوايلي** · 11/06/05, (02:53 AM)

هلالالابك يالشماااالي ....

وبالنسبه لطلبك ... ماقصر ابو راكان جاب القصيدة كتابتاً .... وماقصر ايضاً محمد الفدعاني وضعها هنا في منتدى الصوتيات

كتابيه وصوتيه .... في موضوع مستقل تجده هنا يا الغالي

دمت بصحه وعافيه