شتان مابين الكبر والتعالي.......

[حمد الوايلي]

شتان مابين الكبر والتعالي=وشتان مابين العقل والجهالات
يلي تفرق بالحرام وحلالي=وتؤمن بان اصل التصرف قناعات
قلي مادام ان الزمن للزوالي=والفكر بين اقناع وبين الصراعات
وين الصحيح اللي عليه الجدالي=وين الخطا دام الخطا له علامات
نزاع فكري يبتدي بالتوالي=النفس ثم العقل ثم اكمل الذات
وحنا على فهم الحقيقه نبالي=ونسعى ورى قتل الجهل والخرافات
الى الهدف نمشي بروس الطوالي=وماينقطع حبل الفكر والطموحات
واظروفنا تغرنا بكل حالي=وتترك بعمق ارواحنا جمع واشتات
فضائنا واسع وماهو بخالي=فيه النجوم الساطعه بالسموات
ناخذ من اقرب ديننا مايوالي=ونبعد عن اللي ينفتح بالمتاهات
حتى نعيش بصافيات الليالي=واقلوبنا تسعد بكسب الحسنات
ألذ ماذقناه طعم الوصالي=لو يختلف من بيننا بالناكهات
احدن يذوقه مر والبعض حالي=وأحدن يذوقه دون مشها ورغبات
ياصعبها ذيك السنين الطوالي=وياسهلها عند اللقاء والخيالات
ستر الولي غطا خطا كالجبالي=وأذا اراد الكشف لو كبر ذرات
ماتخسره تنساه لو كان غالي=وماتكسبه تكثر عليه الغلافات
وبعض البشر شخصيته بانتحالي=يقضي حياته بالردى والتفاهات
وعن ماشرع ربي مجنب وسالي=مايدري ان العمر يقضي بلحظات
عش ماتريد ولاتعيش بضلالي =ابليس دربه تسلكه في خطوات
هذا بعض مما يدور بخيالي=تصوير ابسط للفكر واطلاعات
ياليتني جبت المفيد بمقالي=ومااكون مثل اللي تعب بالشعارات
ماينكتب يبقى ويطري ببالي=وماينمسح غير السطر والمسافات

[محمد بن موسى]

حمد الوايلي


صح السانك مدد بلا عدد

قصيدة رائعه بروعة شاعرها

لله درك اخوي حمد على هذة الجزاله وهذا الابداع

قصيدة اعتبرها حبكة شاعر متمكن ومن واقع تجربه

لاهنت ولاهان منطوقك يالغالي


تقبل فائق الود والتقدير

كن بخير

[بنت الكحيلا]

صح لسانك اخوي حمد الوايلي

وتسلم على القصيدة الرائعه

ابدعت بهذا البوح الله يعطيك العافية

لك شكري وتقديري

[بدرفهد الجعفري]

شكرا شاعرنا الجميل : حمد الوائلي

على هذا الحضور المميز كالعاده ابدعت في ماكتبت

لا املك الكثير من الكلامات لتفي هذه الشامخه حقها .. فقط اسجل اعجابي واقول لك صح لسانك

[بنت الجزيرة]

مشكوووووور والله يعطيك الف عافيه
بارك الله فيك
حماك الله ورعاك

[حمد الخمعلي]

القدير ابو همّس

احييك على هذا الحضور المبهر وهذا الفكر المنفرد وهذه المفردات الراائعه0

أنت تقول0

ياليتني جبت المفيد بمقاالي

وأناا اقول

عزالله إنك جبت المفيد اللذي يغيب عن معظم الشعرااء

العذر منك على الرد المتوااضع وإلا الكلاام يطوول أماام هذه الراائعه0

كُن بخير

[حمد الوايلي]

الاخ محمد موسى
اهلا ومرحبا بك وصح بدنك ومرورك كما تعودته منك رائع وشرف لي وانار متصفحي ورايك افتخر به ووسام على صدري