,’,’ النـــود ..وأبيات كتبتها في ورّاد ,’,’

[مشاعر حالمه]

السلام عليكم ورحمة الله وبركاته ..

يالطيبين والطيبات ..لي صديقة تحب الشعر وتجود قريحتها احياناً وتكتب أبياتاً رائعه ..

لفت نظري في احدى الأيام وهي تكتب قصيده في الطير ( ورّاد ) واعجبتني وقلت لها ارسليها لي

وانا راح احطها بالمنتدى ( طبعاً هي ماعندها نت ) لكن انا نزلت لها قصيده في منتدى وان شاء الله بانزلها هنا ..

بس الحين ابيكم تستمتعون بأبياتها الجميله في نظري ( مع ان بعضها يحتاج وزن ) لكن اقبلوها بصدر رحب ^__^

وراد قلي ترا مليت

وش ذا العجب في مزاياكم

ذيب الصقاقير كاسب صيت

كلاً عرف عن سواياكم

شنيت غارات قلبك ميت

والجيش مهزوم وياكم

الريش مثل البرد لاجيت

ماينثني ضرب يمناكم

عجيب وصفك ومن خاويت

يحرم من الصيد برضاكم

ماهو بخل بس لامن حيت

بالمعركه صعب ملقاكم

أوصف واناادري ترى ماوفيت

وعساه يعجبك ماجاكم


,’,’,’,’,’,,’,’

وهذي ابيات في صقّار كان يهايط ( ويقول ان طيره أزين الطيور ) وكتبت فيه هالأبيات ...

ياللي تهايط مع طيرك

وتقول مطلوب بالميه

مسكين تكذب على غيرك

وتعطي لنفسك أهميه

طيرك ماهو ترا طير

غراب وتقول من زيه

اسكت عساربي يخيرك

ناظر معي ركز شويه

شف العجب مالكه غيرك

تعطيه مليون بالميه

,’,’,’,’,’,,’

ترى فيه بعض الابيات يبي لها تعديل بس انا قلت انزلها مثل ماتبيها اهي ..

الشاعره / النـــــود ..

والناقله / مشاعر حالمه ..

[حمد الوايلي]

مشاعر حالمه



يعطيك العافيه بالنسبه للقصيده الي بالطير وراد في نظري ماتحتاج الى تعديل اما القصيده التي بالصقار تحتاج الى تعديل



تقبلي تحياتي ودمتي سالمه

[عايد عوض]

الاخت مشاعر حالمه

بالنسبه للقصيده الاولى:اعتقد انها لاتحتاج الى اي تعديل اما بالنسبه للقصيده الثانيه تحتاج الى نوع ما من التعديل وهذا وجهت نظري




تقبلي تحياتي /عايد عوض

[مشاعر حالمه]

حمد الوايلي..

&

عايد عوض ..

مشكورين ياطوال العمار ..

وماعكم حق الأولى زينه وعدله ..بس الثانيه فيها بعض الخلل ..

لاهنتم والله ..

تحيتي لكم / مشاعر حالمه ..

[نواف العنزي]

الاخت / مشـــــــاعر حالمه ...............

يعطيكي العـــــاااااااااااافيه ............... ذوق وكلك ذوق ...........


دمتي ان شـــــــااااااااااء الله .................

[مشاعر حالمه]

نواف العنزي ...

الله يعافيك يالشيخ ..وكلك نظـــر ..

تسلم ولاهنت ع المرور ..

تحيتي لك / مشاعر حالمه ..

[كبرياء انثى]

حلوه صراحه