جموع غفيره وتجمهر أمام برج الفيصليـة !

[م. ماهر الصقري]

السلام عليكم ورحمـة الله وبركـاته

بعد صلاة الجمعة وكنت متوجهـا على طريق الملك فهد رأيت أمر عجيب جداً وأريد أن

أنقلـه إليكم مررت بجانب برج الفيصلية ورأيت جموع غفيرة جداً وتجمهر عجيب وسيارات

مقفلـة الطريق أستغربت ..! وش السالفة لا يكون فيـه أنقلاب ...!

المهم عاد أنا عندي حب أستطلاع رجعت وشفت وش اللي حاصل عندهم وتبين لي الحاصل

من شفت باص شاعر المليون واقف واستوعبت أن شاعر المليون بدء لهذه السنة

تصدقون أخر ماتوقعتـه أنهم مجتمعين عشان برنامـج ومسابقات بالظهر والجو الحار جداً ..!

هذا مصفط سيارته بالغلط وهذا طايحة ورقتـه ويلحقهـا بالشارع ...!

أجريت أتصال على أحد أصدقائي كان يريد دخول هذه المسابقة وأريد أن أخبره أن المسابقة بدأت

رد علي وقالي أنا اللحين عندهم داخـل المهم قالي تعال وقلت مالي خلق للزحمه .

المهم غصبني ودخلت عندهم .

أزعاج وناس على ناس وهذا يقول معك قلم وهذاك يدور له مكان .. وأنا جالس على الطاولة أتفرج

حسيت أنهـا نهاية الدنيا وأن اللي مايشارك خلاص يموت أحسن له ...!

من الزحمة فيه ناس مشاركينا على طاولتنا يبون بس يقعدون صار بيني وبينهم حوار

طبعاً اللي جاي من مدينة الطائف واللي جاي من الجنوب ومن مناطق عد وأغلط

وفي واحد على يميني قام ياخذ ويعطي معاي قالي انت تعرف في الشعر ! قلت أمر وش بغيت .!

قال ابيك تشوف القصيدة هذي فيها كسر ولا لا ..! < من أهل الطائف جاي ولايدري هي مكسوره ولا لا

المهم مواقف عديده صارت معي ومع صديقي ..!

شد أنتباهي شاعر من شعراء مسابقة شاعر المليون في النسخة السابقة وهو شاعر معروف جداً

جاي ومعه كم واحد ..! < طلع يبي يتوسط لهم عند اللجنة وبالفعل دخل إلى اللجنة وقالهم انهم من طرفي

لاحظ هنـا حيادية اللجنة التي كانو يتباهون فيهـا ...!

حتى ولو لم يرضوا في هذه الشفاعة ..! ما الذي دفع هذا الشاعر إلى مكالمتهم وتوصيتهم ؟؟

جلس هذا الشاعر أمامي منتظراً أقاربه وصديقي يتكلم معه ويناقشه عن المسابقة ..!

السالفة كلها طلعت من تحت لـ تحت ...! < كان متحفظ ولكن لمًـح لنا

وحسين العامري يقولنـا حشا من وين يطلعون المتسابقين هؤلاء ( من كثرهم )

ملاحظة : عدد المتسابقين الذين شاركوا في يوم الجمعة هم 500 متسابق والي انتظروا

بس ما حالفهم الحظ ياكثرهم ما اقدر حتى أحصيهم ..!

شاعر المليون النسخة الثالثة على الأبواب ونحن مع حكاية جديدة بطلها اللجنة الموقرة

والقائمون عليهـا ..!

وبدأت حكاية الضحك على الذقون ..! بالتصويت والرسائل من قبل الاغبيـاء

فأرجو من الناس أن لايستجيبوا لهؤلاء النصابين وأقولهـا بالفم المليان لأن البرنامج قائم على أساس

مادي ..! وهم يقولون أنهـا قائمة على الشعر والحفاظ عليـه ( حرامية ) بل تابع واستمتع من دون تصويت

كل هذا حبيت أنقلـه لكم لأني أتوقع أن القصة التي صارت معي تستحق أن أذكرهـا لكم


طابت أماسيكم

[رابح الغضيان]

اخي الكريم ماهر شكرا على هذا النقل
لو سمحت متى صار هذا الشي اللي اعرفه انهم خلصو من الرياض وكمان من جده واتجهو الى الاردن معقوله رجعو الرياض مره ثانيه اوهذا الموضوع قديم،،،،،،،،،،


تحياااتي لك

[محمد الدلماني]

سمعت ان الاقبل قليل جدا واستغربت ولان اغلب شعراء اليوم يبحثون عن الشهره باي شكل من الاشكال بعيدا عن اي معنى حقيقي


ننتظر التاكيد على كلام اخوي رابح

[م. ماهر الصقري]

عزيزي رابـح هذا يوم كانوا بالرياض وقلت ما دام تو ما ابتدى البرنامج خلني أنقلكم وش شفت

والمقال هذا كتبتـه بيومها ونقلته لاكثر من منتدى وقلت بنقلـه لكم

تواجد أسعدني

[م. ماهر الصقري]

محمد الدلماني هذا ماشاهدتـه عيني

تواجدك أسعدنـي

[**masha3el **]

بسم الله الرحمن الرحيم

اول شي اخوي ماهر الله يعطيك العافيه على الموضوع
بس لي تعليق على برنامج شاعر المليون

تو الناس الحين صارو يشعرون بااهميه الشعر وين كانو قبل؟
البرنامج فكره الاعلاميه المذيعه نشوى الرويني يعني نشوى هي الي احيت عندهم عرق الشعر !!!!!!!
ثم اللجنه المنظمه بنظري انهم اجهل من ابو جهل بالشعر لان فيه ناس اقوا منهم بالشعر خلال المسابقه وافحموا اللجنه
وكلنا شفنا وش كانت رده فعل شعراء اللجنه لما ينحرجووووون ويفحمهم المتسابق
والله ان الرسول قالها لو دخلو جحر ضب لدخلتموووه
توقعت انه هالسنه ماراح يشارك احد بس كل اللي بيشارك بنظري عنز مسحوب من اذوووونه

[ابن ريحان]

اخوي ماهر الصقري


يعطيك العافيه على الطرح الجميل وشاعر المليون مكشوف لجميع الناس

ومعروف برنامج شاعر المليون ،،،

مبدأه التصويت وكسب خمسين ستين مئة مليون وكم مليون للمساكين المشاركين وتمشيتهم كم يوم وخلاص

والنسخه الثانيه تكفي للي يفهم

الشعر الأصيل اللي نعرفه واللي يبي يبدي جدارته يدخل برنامج مافيه تصويت

هذا الشعر صح يثبت جدارته بقصائده مو بالتصويت,,,,,,,,,,,,,,,,,