بحسب التخصص ماني اليوم محتااال

[ماجد الغانم]

السلام عليكم ورحمة الله وبركاته

اليكم هذه القصيده كماهي بدون مقدمااات

أتمنى أن ترضي ذائقتكم

بؤرة عيوني ياهوى القلب تختال=من يوم نورك ما سقط في بصرها
وحتى اشبكية عيني اليوم تهتال = من ها الجمال اللي بزينه سحرها
واعصاب مخي جاوبتني على الحال =مافيه مثلك ياحبيـبي عـــبرها
وصارت خلايا المخ تبعث بك ارسال= ولمركز الأبصار توصل خبرها
من شان تبقى صورتك دوم بالبال= والعين تسعد فيك كاجمل صورها
و جيت المخيخ وقال منك الشرف نال= وصورتك من عنده لقلبي حدرها
وقلبي تلقاها وغنى بموال = واجمل زهوره يوم شافك نثرها
وبعدك عروق القلب عنها الضما زال=مثل الجذور اليا ارتوت من مطرها
وشريان قلبي من وصالك ترى سال=واسقى أعضاءٍ قبل شوفك هجرها
كنه شعيبٍ أنسكب عقب المحال = واروى بطون الأرض وأسقى شجرها
والكبد قبلك سيئه بكل الأحوال = ما تهتني في زادها من قهرها
ومن شوفتك صارت تراها على العال= وانا احمد الله زال عنها كدرها
يعني الحقيقه واختصارات الأقوال= انك عديل الروح وايضاً قدرها
وان كان ودك زود في سرد الأمثال= اللي تبين طلتك وش أثرها
اعضاء حسي وقفت لأجلك اجلال= وصاغت مشاعرها ولحدٍ جبرها
غصبٍ مشاعرها لك اليوم تنهال = لأن بصراحه كل مابك بهرها
وهزيتني هزه كما هز زلزال =مقياس ريختر لو حضر مختبرها
وخذت لك في داخل الجسم تجوال =وشفت الفرح وشلون روحي غمرها
ونحتلك في قلبي اليوم تمثال= واصبحت في عيني تمثل قمرها
واحييت فيني سيدي كل الآمال = وعالجة نفسي من غثى اللي كسرها
هذا الذي سويت ياسيد الأزوال = وشلون بترك جنتك يا ثمرها
والله حقيقه قلتها مابها أجدال = مافيه غيرك تل روحي واسرها
وهذي القصيده تاصف الوضع والحال= وبنات فكري تعلن إنك فخرها
بحسب التخصص ماني اليوم محتال = نظمت انا ابياتي وهذا بحرها

وسلاااااااااااااااااااامتكم

[عبدالله عشوي]

الله لايهينك

ياماجد

جزله من راس جزل ودايم جزل اخوي ماجد

ارجو قبول فائق تحياتي

[حمد الخمعلي]

الاخ ماجد


سلمت يالغالي 0

قرأت مابين احرف القصيده الابداع المتكن والربط المبهر بين الابيات وخاصه هذا البيت0

كنه شعيبٍ أنسكـب عقـب المحـال000000واروى بطون الأرض وأسقى شجرها



سلم فكرك وصح قلبك





تحياتي لك

[خلف الغريب]

شاعرنا ومشرفنا الرائع : ماجد الجعفري ...

دمت بهذا التألق ..

صح لسانك ملايين .... والله لا يهينك ..

مشاعر راقية وافكار مترابطة,,,,

تقبل مروري المتواضع يا بعد راسي..

[سعود العواجي]

مــاجــد الانســـــان ..

قلـب ابيـض وصفـــاء نيــه ..


ماجــد الشــــــاعر

رائــع بكل جـديد نــراه هنا في ويـــــــلان ..



صح لسانك

[زياد الشمري]

الشاعر الجميل ماجد الجعفري
صح لسانك ياجنرال

تحياتي لك

[فايز البذيلي]

الجميل والشاعر القادر


ماجد الجعفري


صح لسانك الوفف على هذه القصيدة الجزله

مبدع بلا حدوووووووووود


تقبل مروري